Huji Ergamtoota MATAA DUBBII
MATAA DUBBII
Kitaabii hujii Ergamtootaa kunin kitaaba Luq. aasitiin waltuma ejja. Wantii jabduun kitaabii kun namaatti himuu, akka ergamtootii Yesus ta qaraa, jabeenna Hafuura Qulqullootiin oduu isaa dansaa Yerusaalem keessa, Yihudaa, Samaariyaa fi muummee lafaa cufaan qabate (1:8).
Tunin oduu akka gumiin Waaqaa qara Yihudii keessaa baatee, duuba eegee dura dabartee dhugeeffachaa lafa cufaa taate. Namii kitaaba kana barreesse, akka gumiin Waaqaa mootummaa Roomaa didde hingarsiimnee, ammoo akka dhugeeffachaan Kiristaanaa guutamittee, aadaa Yihuudii garsiise.
Hujiin Ergamtootaa tunin fulaa sadiitti qoodamitti; ta akka oduu Yesus dansaa fulaa cufaatti haasa'anii akkasiin gumii Waaqaa jala qabatte. (1) Akka eegii Yesus gubbatti olgale gumiin Waaqaa Yerusaalam keessatti jabaatte. (2) Akka gumiin Waaqaa dubbii lafa phalestinaa dhaqabsiiche. (3) Ammallee dura dabaratee lafa dhaattuu bisaan guddoo Mediteraaniyatti dira Roomaatiin geette. Wantii jabduun kitaaba kana keessaa, Hafuura Qulqulloo; ka guyyaa phenxeeqostee irreen, gumii dhugeeffattee ta Yerusaalem irra bu'e. Barreessiin kitaaba kanaa akka Hafuurii qulqulloon sun gumii Waaqaatii fi jaarrolee gumii qarqaartee jabeesse garsiifti. Haasa'aa gumii Waaqaa ka qaraa gagabaabsaniitti barreessan. Kitaabii kunin akka haasa'ii sun gumiii dhugeeffatte keessatti irree qabu garsiisa.
Boqota Waan Kitaaba Kana Keessa Jiraati
1:1-26 Kurfeeffachaa hujiii Waaqaa
1:1-14 Seera Yesusii ka eegetii fi kakuu isaa
1:15-26 Nama hujii Yihudaa fudhate
2:1–8:3 Akka ergamtootii hujii Waaqaa Yerusaalem keessatti hojjatte
8:4–2:25 Akka ergamtootii hujii Waaqaa Yihudaafi Samaariyaa keessatti hojjatte
13:1–28:31 Hujii Phaawloos
13:1–14:28 Imaltuu qaraa
15:1-35 Kora Yerusaalem keessaa
15:36–18:22 Imaltuu lameessoo
18:23–21:16 Imaltuu sadeessoo
21:17–28:31 Akka Phaawloos Yerusaalemi, Qiisaarii fi Roomaa keessatti hidhani
Currently Selected:
Huji Ergamtoota MATAA DUBBII: KakHaa
Highlight
Share
Copy
Want to have your highlights saved across all your devices? Sign up or sign in