Huji Ergamtoota 1
1
Akka Yesus Gubbaatti OlDeebi'e
1 #
Luq. 1:1-4 Ee Tewofilos kitaaba qaraa keessatti anin waan Yesus haga hujii ufii itti keeyatee hojjatee fi waan innii, 2haga guyyaa gubbaatti oldeebi'eetii asi barsiise cufaa la sii barreesse. Adoo gubbaatti ol hindeebiin, innii jabeenna Hafuura Qulqullootiin jara qaraa foohate ergamtoota tolfateetti dhaame. 3Yesus eegii du'e akka akka jiru warra ufii garsiisu guyyaa afurtamaa marroo hedduu, akka namii dandaa'ee hindhaarefanne, ergamtoota ufiitti mullatee, warrii isa argee innii waan mootummaa Waaqaallee warraatti hime. 4#Luq. 24:49 Adoo warra waliin jiruu, innii seera ufii warraatti kennee, “Yerusaalem keessaa hinba'inaa, ammoo qarqaarsa Aabboon isanii kenne, ka anin qara isaniitti hime eeggadhaa! 5#Mat. 3:11; Mar. 1:8; Luq. 1:8; Yoh. 1:33 Yoh. aannis bisaaniin cuuphe, isan ammoo bultii diqqoo tokkoon duubaatti hafuura Qulqulloon cuuphamtan” jedhe. 6Ergamtootii walwaldeennaan, “Aabboo, atin ammaatana mootummaa lafa tanaa Israa'eliitti deebiftaa?” jettee Yesus gaafatte. 7Yesus ammoo deebisee warraan, “Guyyaa fi gannii Aabboon foohate harka isaa keessa jiraa, waan isan beekuu hinmaliin. 8#Mat. 28:19; Mar. 16:15; Luq. 24:47-48 Ammoo yo hafuurii qulqulloon isan irra bu'ee jabeenna argattan; Yerusaalem, Yihudaa, Samaariyaa keessaa fi haga muummee lafaallee cufa naa dhugeesitani” jedhe. 9#Mar. 16:16; Luq. 24:50-51 Eegii innii dubbii tana dubbate, adoo warrii laaluu, innii gubbaatti oldeebi'ee, duumansii isaan duraa isa dhosse. 10Adoo warrii ammallee ila itti qabee karaa innii ba'e sun gubbaa taa'ee ollaaluu, jarii lamaan tokko, ka wayaa adaadii qabu, warra bira ejaajje. 11Jarii kaan, “Dhiiroo, warra Galiilaa, isan maaf ejaajjitanii Waaqaa keessa ol laaltani? Yesusiin kun, ka isan biraa gubbaattii oldeebi'e, akkanuma eegii tanaallee, akka isan isa gubbaa deemu gartani kana deebi'a” jedhe.
Akka Ergamaa Kudhanii Lameessoo Foohatan
12Jennaan guyyaa sambataa tokko ergamtootii Gaara Ejersaa, ka dhaattuu dira Yerusaalem, biraa yaatee gara diraatti dachaate. 13#Mat. 10:2-4; Mar. 3:16-19; Luq. 6:14-16 Achiin baanaan, Phexrosii, Yaaqoobii, Yoh. aannisii, Indriiyaasii, Filiphosii, Toomaasii, Bartolomewosii, Maatewosii, Yaaqoobii, ilma Alfewos, Simoon Zelotee fi Yihudaan ilmii Yaaqoob dhaqanii mana qaraa keessa taa'ani ka olaanu kaaniitti dacha'an. 14Warrii kun cuftii nadheen waliin, Maariyaam haadha Yesusitii fi obboleeyyan isaallee waliin garaa tokkoon Waaqaa kadhate. 15Adoo haguu hinbulin, Phexros jidduu warra dhugeeffatee keessa ejjee (ka Warrii cuftii walti haga nama dhibba tokkoo fi diddamaa), 16“Oboleeyyaan tiyya, barreessiin tun ta hafuurii qulqulloon afaan Daawititiin waan Yihudaa ka warra Yesus qabe Yesustiin dhufee fage guutamuu malte. 17Wantii akkanaatiif Yihudaan qara namuma keenna ka nu hujiii takkaa waliin hojjanne. 18#Mat. 27:3-8 (Yudaan eegii horiii dabaan argate kaaniin oobruu bitate, mataan lafaatti jigee dha'ee, garaan tarsa'ee, marimaan cuftii keessaa bu'an. 19Namii Yerusaalem jiru cuftii waan kana dhagayee, afaan warraatiin oobruu sun maqaa ‘Akeldaamaa’ itti baase, akkasi jechuun ‘Oobruu dhiigaa’ jechuu.) 20Wantii akkanaatiif kitaaba Faaruu keessatti barreessiin, ‘Manii isaa ha ona ta'uu, namii tokkoolleen itti hingalin. Ammallee namii dhibiin ha hujii isaa ta bulichiisaa fudhatuu’ ” jedhan.
21-22 #
Mat. 3:16; Mar. 1:9; 16:19; Luq. 3:21; 24:51 “Tanaaf nama tokko ka bara nu Aabboo Yesus waliin teenne cufaa nu waliin jiruu, nu barbaachisa; namii sun nama haga Yoh. aannisii nama cuuphuutii jalqabee haga guyyaa Aabboo Yesus nu biraa gubbaatti olgalee nu waliin jiru ta'uu malee; akka du'aa ka'iisa, Aabboo Yesus nu waliin dhugeessu” jedhe. 23Duuba Warrii nama lama maqaa dha'e; tokko Yoseef, ka Baarsaabaas yokaan Yosxos jedhan; ka lameessoo Maatiyaas. 24Jennaan Waaqaa kadhatanii, “Aabboo, atin garaa nama cufaa inbeetaa, atin nama foohatte, jara lamaan kana keessaa nu garsiisi! 25Akka innii hujii Yihudaan lakkisee fulaa isaa malte biraa deemee tana, keessa qooda argatee ergamaa ta'u” jedhe. 26Jennaan hixaa buusanii, hixaan Maatiyaas irra bu'ee, innii ergamtoota kudhanii tokkotti darame.
Currently Selected:
Huji Ergamtoota 1: KakHaa
Highlight
Share
Copy
Want to have your highlights saved across all your devices? Sign up or sign in