MAWOOKIONYI 6
6
Wunyamaṟi wo mndu
1 Nahong'u lilya wandu walewooka ipfumbuka iya orukenyi na wana wa kika walefeo kiidi kyawo; 2wana wa Ruwa walewona wanawo wa kika wa wandu ke nyi wawecha; wakakudaya waka, chandu wakukundia isambuṟa. 3Mndumii kahamba; Mumuyo foko fochiwinganase na mndu o wandu manta-pfo; cha kipfa nyi ai nyama; ko ikyo maaka yake yechiwa nyi maaka ihana na makumi hawi (120). 4 Na Manefili nyi kunu wuyana wawei kiheri-kyo; lyefurumia wana wa Ruwa wakakusanza na wana wa kika wa wandu, wakafee nawo shiwana; iwa kacha nyiwo wawei ngohoda wandu wawode kiṟumi. 5 Mndumii kawona wunyamaṟi wo wandu nyi wung'anyi mnu wuyanenyi na orio kindo mndu aikusaṟa mrimenyi foke nyi kiwicho mkonu yose. 6Mndumii kailacha mahiyo, kawado nyi fowa mrimenyi kipfa kya mndu o wandu alemwuumba iya wuyana. 7Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.” 8Kyaindi Noe kawona osaṟio ko Mndumii-Ruwa.
Noe
9 Iki nyi kishari kya Noe. Noe nawei mndu o wusumhanyi, mhendeli ipfo kisharinyi kyake; Noe kawa mhendeli kachumia ai na Ruwa. 10Noe kafee wana wa womi waṟaṟu: Shemu, Hamu na Yafeti: 11Wuyana wukanyamaṟika oshangunyi lo Ruwa wukaichuo wunesi. 12Ruwa kaambuya wuyana, ate wunyamaṟikie kipfa orio mndu nyi akufurunjia kyama kyake iya wuyanenyi.
13Mndumii kawia Noe, “Mtsitsionyi fo orio msa awode mbihu fui oshangunyi loko, kipfa waichuṟa wunesi kunu wuyana; njechiwarumatsa handu hamu na wuyanawu. 14Kehenda ikusungusiang'u safina ya mashiidi ha mvinje. Uidumbwo dumbwo shiṟiha ipfo kya mba. Uiṟinde na kimia ipfo kya mba na kya nja. 15Nyi wudi ochiliwika: mita mahana haṟaṟu (300) wuleshe wo safina, mita makumi hatanu, (50) wulandari woyo; na mita makumi haṟaṟu (30) wulesho wo huye. 16Nowike-pfo kiende sa, king'anyi handu ha owoko lumu, nowike na mongo ipfo owarinyi lo safina, nowikepfo makai, haṟaṟu: lya wanda, lya kawi na lya kaṟaṟu. 17Ambuya, njiende mfu fo mṟinga kunu orukenyi, njikombetsa orio kindo kiwode mbihu na moo, kilawonose iya shi ya ruwehu; Orio kindo kii na moo iya kechipfa. 18Kya indi njechiwikaho mkundana foko na iyo sa mbanzi; na iyo nochiida na ipfo safinenyi, iyo na wana wapfo na mka opfo, na walyi wa wana wapfo handu hamu na iyo. 19Na orio kindo kiwode mbihu kii na moo kyose, wawi wawi wa orio mbaṟi nochiwaitsa na ipfo safinenyi, nowaiṟiche handu hamu na iyo; orio lya kisoṟo na lya kika. 20Nyi wawi wawi wa orio shindo shekerunduka kui mbaṟi yasho, na orio kindo kekekukuruo wanda kui mbaṟi yasho shechicha na kopfo, kundu noshisuṟume. 21Nochisanyia orio mbaṟi ya shelya shekelio, nosuṟume nakyo kechiwa kelya kyanu na kyaho.” 22 Nyi wudo Noe aleṟunda, isho shose chando Ruwa alemtutuma, isho nyisho aleshiṟunda.
Currently Selected:
MAWOOKIONYI 6: KIM2
Highlight
Share
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.