Mako 14
14
Punga yakujiha Yesu
(Mat 26:1-5; Luka 22:1-2; Yowa 11:45-53)
1Omu kwasalile makumbi avali shimbu kanda chiwanyino chaKuzomboka nachiwanyino chaJimbolo jakuzeneka Chimbalwila, vapilishitu vavalemu navaka-kusoneka #Mat 12:14vatondelenga mwakumukwachila mujila yakwonga mangana vamujihe.
2Mwomwo vambile ngwavo, Kanda nachipwa hachiwanyinoko, kuchina kukatula chizungo muli vatu.
Yesu navamuwavisa kuMbetane
(Mat 26:6-13; Yowa 12:1-8)
3 #
Luka 7:37-39
Omu Yesu ápwile kuMbetane muzuvo yaShimona uze vátomesele kumbumba, haze ásendavalile kumesa, pwevo umwe ejile nasaji yalilolwa #Mat 26:6-7; Yowa 12:3yamaji aNalatu akukembula kanawa alivumba lyamwaza, andando yayinene chikuma. Apazwile yize saji, kaha aze maji awahingunwinyine kumutwe waYesu.
4Jino hapwile vamwe vevwile kupihya chikuma mumichima yavo, ngwavo, Mwomwo ika awa maji analyenyekela ngana?
5Mwomwo awa maji alivumba lyamwaza kachi vawalandululanga handando yakuhambakana jindenali#14:5 Tala ha6:37 makulukaji atatu (300) nakujihana vaka-kuhutwa. Kaha uze pwevo vamutenukilile.
6Oloze Yesu avambile ngwenyi, Mwechenu! Muli nakumuyanjishila ika? Nalingi mwamwaza kuli Ami.
7Mwomwo #Lush 15:11vaka-kuhutwa mwatwama navo lika, kaha heshoho namusakila munahase kuvalingila mwamwaza. Oloze Ami kangweshi kutwama nayenu likako.
8Ikiye nalingi omu nahashila — nawavisa mujimba wami, nauwahisa chimweza #Yowa 19:40shimbu kanda vaufunde.
9Mwamuchano nangumilweza ngwami, Kweshokwo navakambulwila ou mujimbu wamwaza hano hakaye hosena, echi nalingi ou pwevo navakachivuluka nakumwanukilaho.
Yuta mwevwasana kumuhana Yesu kuli vaka-kole
(Mat 26:14-16; Luka 22:3-6)
10Kaha Yuta Isakalyote, #Yowa 6:71umwe wavaze likumi navavali (12), ayile kuli vapilishitu vavalemu mangana valivwasane mwakumuhanyina kumavoko avo.
11Vakiko omu vachivwile vawahililile, kaha valishikile nenyi kumuhana jimbongo. Kaha atondelenga hakumuhanyina kumavoko avo.
Yesu mwalya chiwanyino chaKuzomboka natumbaji twenyi
(Mat 26:17-29; Luka 22:7-23; Yowa 13:21-30; 1 Koli 11:23-26)
12Jino halikumbi lyatete lyachiwanyino chaJimbolo jakuzeneka chimbalwila, #Lush 16:5haze hapwa kuvanga vajihe mwanamukoko wachiwanyino chaKuzomboka, tumbaji twenyi vamuhulishile ngwavo, Kulihi unasake tuyenga tukakulongesele ukalileko vyachiwanyino chaKuzomboka?
13Kaha atumine tumbaji twenyi vavali nakuvalweza ngwenyi, Yenu munganda, kaha navakamihumangana kuli lunga námbate mulondo wameya. Kamukavangizenu,
14kaha mweshomwo muzuvo mwakengila, kahulisenu mwenya oyo zuvo ngwenu, Muka-kunangula nahulisa ngwenyi, Unangulongesela mulihi mwakushikila ngulilemo chiwanyino chaKuzomboka natumbaji twami?
15Kaha mwakamilweza kapete wamunene wahelu, muze muli vyosena vyakuswa lyehi, mwakulongesa lyehi. Katulongeselenu chiwanyino muze.
16Kaha vaze tumbaji vakatukile nakuya muze munganda, kaha vawanyine ngana muze avalwezele, kaha valongesele chiwanyino chaKuzomboka.
17Kaha omu lyalaukile likumbi, ejile navaze likumi navavali (12).
18Kaha omu vasendavalile kumesa nakulya, Yesu ambile ngwenyi, Mwamuchano nangumilweza ngwami, #Samu 41:9Umwe wenu mwanguhana kumavoko avaka-kole, ou vene ali nakulya nayami.
19Vaputukile kulinyenga nakumuhulisa umwe naumwe ngwavo, Yami tahi?
20Ikiye avambile ngwenyi, Umwe wayenu likumi navavali (12), ou áli nakutata halilonga nayAmi.
21Mwomwo Mwanamutu mwaya ngana muze vasoneka hakumuvuluka. Oloze luvinda lwenyi mutu ou mwahana Mwanamutu kumavoko avaka-kole! Chawahile kachi mutu kana kasemukileko.
Mwavasela vifwanyisa vyakumwanukilaho
(Mat 26:26-29; Luka 22:19-23; 1 Koli 11:23-26)
22Kaha omu vapwile nakulya chiwanyino chaKuzomboka, #6:41; 8:6; Luka 24:30Yesu anonele mbolo, omu #Samu 29:2; 68:19; 113:2-3asakwililile#14:22 Chipwe ngwavo, omu akiswile Kalunga., ayipuzwile nakuvahanayo nakwamba ngwenyi, Tambulenu, ou mujimba wami.
23Kaha anonele lupasa, omu asakwililile, avahanyinelwo, kaha vosena vanwinemo.
24Avalwezele ngwenyi, Awa #Kulo 24:8; Hepe 9:20manyinga ami achilongeselo-chalushiko-lwaKalunga, náwambweka hali vavavulu.
25Mwamuchano nangumilweza ngwami, kangweshi kunwa cheka vyakumihako yamuvinyoko palanga nakulikumbi lize nangukavinwa mwamuhya muwangana waKalunga.
26Kaha omu vembile mwaso wakwalisa, valovokele nakuya kupili yaMilive.
Yesu mwalweza Petulu ngwenyi, Naungukana
(Mat 26:30-35; Luka 22:31-34; Yowa 13:36-38)
27Kaha Yesu avambile ngwenyi, #Yowa 16:32Muvosena namufutuka mumichima nakuchina, mwomwo vasoneka ngwavo,
#
Zeka 13:7
Nangukaveta kafunga, kaha mikoko navakalimwanga.
28Oloze omu navakangusangula, #16:7nangukalivanga kulutwe lwenu nakuya kuNgalileya.
29Petulu amwambile ngwenyi, Chipwe vosena navafutuka mumichima nakuchina, oloze aminyi nduma.
30Kaha Yesu amwambile ngwenyi, #14:66-72; Yowa 13:36-38; 18:17-18, 25-27Mwamuchano nangukulweza ngwami, ufuku uno vene, shimbu kanda ndemba asanyike kavali, naukana katatu ngwove kawangutachikizako.
31Oloze ikiye ahanjikile nangolo ngwenyi, Chipwe nge kuvanga ngufwenga nayOve hamwe, kangweshi kukanako ngwami kangwakutachikizako. Kaha vosena vahanjikile mwomumwe.
Yesu mwalomba muNgetesemane
(Mat 26:36-46; Luka 22:39-46)
32 #
14:32-42; Hepe 5:7-8 Jino vayile kumilemba yamilive vavuluka ngwavo Ngetesemane. Kaha ambile tumbaji twenyi ngwenyi, Twamenu hano shimbu nangulomba.
33Ambachile Petulu naYakova naYowano nakuya navo, Yesu aputukile kulyonyinga chikuma nakupinda mumuchima wenyi.
34Kaha avalwezele ngwenyi, #Mat 26:38; Yowa 12:27Nguli nakulyonyinga chikuma mumwono wami, nge kufwa kaha. Salenu hano. Tonenu!
35Hakuswenyako chachindende kulutwe, alimbilile hamavu nakulomba ngwenyi, Nge chinahase, kachi lwola kana lungufume.
36Kaha ambile ngwenyi, #Loma 8:15; Ngal 4:6Apa, Ove Tata, kuli Ove vyosena vyahashiwa. Ngufumise #10:38; Yowa 18:11olu lupasa, oloze keshi munayi muchima wamiko, shina munayi muchima wove.
37Kaha ahilukile, kuvawana vali mutulo. Himwamba Petulu ngwenyi, Shimona, uli mutulo? Kumana kawahashile kutona ola yimweko#14:37 Nge ngwavo kufuma ku22:00 nakutwala ku23:00.?
38 #
Mat 6:13; Luka 11:4 Tonenu nakulomba kuchina namwingila mukumyeseka — shipilitu yinasake vene, oloze mujimba wanyama unahehela.
39Kaha ayile cheka nakulomba, ahanjikile mazu oamwe.
40Omu ahilulukile cheka, kuvawana vali mutulo, mwomwo meso avo alemene chikuma natulo. Kaha kavamwene mwakumukumbulwilako.
41Hakuhiluka kamuchitatu avambile ngwenyi, Kumana hanga muchili mutulo nakunoka? Kunahu, lwola lunahete. Talenu, Mwanamutu hinavamuhana kumavoko avaka-shili.
42Katukenu, tuyenu. Talenu ou mwanguhana kumavoko avaka-kole nahete.
Yesu navamuhana kumavoko avaka-kole
(Mat 26:47-56; Luka 22:47-53; Yowa 18:2-11)
43Kaha hahaze vene shimbu Yesu apwile nakuhanjika, Yuta, umwe wavaze likumi navavali (12), ejile nalizavu lyavatu kufuma kuli vapilishitu vavalemu navaka-kusoneka navakulwane javaYuleya, vanambate jipoko jamikwale najingungulu.
44Oho muka-kumuhana kumavoko avaka-kole, navalweze lyehi chinjikizo ngwenyi, Owo nángukasweswenya, Ikiye vene. Kamukwatenu nakumutwala wakulama.
45Kaha omu ejile, hahaze vene apandamine kuli Yesu nakumwamba ngwenyi, Ove Lapi#14:45 Tala ha9:5! Kaha amusweswenyele.
46Kaha vamukwachile nakumukasa.
47Jino umwe wavaze vemanyineko asolomwene poko yamukwale, ngwenyi atape ndungo yakapilishitu wakulitulaho, amuvatwile litwitwi.
48Kaha Yesu avambile ngwenyi, Munangulukuka najipoko jamikwale najingungulu nakungukwata nge nguchihwanga?!
49 #
12:35; Luka 19:47; Yowa 18:19-21 Ngunapunga nayenu muTembele hakumbi hakumbi nakunangula, oloze kamwangukwachileko, oloze chinapu ngana mangana Mazu-vasoneka-ajila vawatesemo.
50Kaha tumbaji twenyi vosena vamusezele nakuchina.
Mukweze walunga uze achinyine
51Kaha kwapwile mukweze walunga, alijingilikile kaha lihina lyalinyu hamujimba wenyi nakumukava Yesu. Kaha vamukwachile.
52Oloze asele lize lihina lyalinyu nakuchina uselesele.
Yesu mwemana kumeso avakulwane
(Mat 26:57-68; Luka 22:54, 63-71; Yowa 18:12-14, 19-24)
53Kaha vatwalile Yesu kuli kapilishitu wakulitulaho. Kaha vapilishitu vavalemu vosena navakulwane javaYuleya navaka-kusoneka vakungulukile.
54Kaha Petulu amukavangijile hahasuku, swi-i namuchipango chakapilishitu wakulitulaho, kaha atwamine hamwe navaka-kulama Tembele nakwota kakahya.
55Vapilishitu vavalemu, nazango yavaYuleya yosena#14:55 Tala ha13:9., vatondelenga unjiho wakuhishilaho Yesu mangana vamujihe. Oloze kavauwanyineko.
56Vavavulu vahanyine unjiho wamakuli, oloze unjiho wavo kawayile mumweko.
57Kaha vamwe vakatukile nakuhana unjiho wamakuli ngwavo,
58Etu twamwivwile omu ambile ngwenyi, #13:2; 15:29; Vili 6:14; Yowa 2:19Tembele yino yakutunga namavoko, Ami nangukayishiula, kaha mumakumbi atatu nangukatunga yeka yakuzeneka kutunga namavoko.
59Chipwe ngocho unjiho wavo kawayile mumweko.
60Kaha kapilishitu wakulitulaho akatukile mukachi kavo nakuhulisa Yesu ngwenyi, Kaweshi namazu akukumbululako tahi? Unjiho kana wakukuwanyina mulonga vanahane ava, unayi mulihi?
61Oloze Ikiye #Mat 26:63aholele kulu, kakumbulwileko. Cheka nawa uze kapilishitu wakulitulaho amuhulishile ngwenyi, Ove yove Kulishitu, Mwana yOu vakisula tahi?
62Yesu akumbulwile ngwenyi, Yami vene Ngwapwa. Kaha namukamona
Mwanamutu #13:26; Ndan 7:13natwame kulivoko lyaNgolo lyachilyo,
Ali nakwiza namavwi amwilu.
63Jino Kapilishitu wakulitulaho #Vili 14:14; Kula 14:6apulile uvwalo wenyi wahelu nakwamba ngwenyi, Nyi ika natutondela vinjiho veka?
64Munevu #Levi 24:16omu nasaula Kalunga. Munashinganyeka muka? Kaha vosena vamuhanyine mulonga ngwavo, Atela kufwa.
65Vamwe vaputukile #10:34; Mat 26:67kumufwijila maleji, vamukashile hameso nakumulukula jikonyi nakumwamba ngwavo, #Mat 26:68; Luka 22:64Polofweta! Iya nakuvete? Kaha vaka-kulama Tembele vamukwachile nakumuveta jimbanda.
Petulu mwakana Yesu
(Mat 26:69-75; Luka 22:55-62; Yowa 18:15-18, 25-27)
66Jino omu Petulu apwile mwishi muchipango, kwejile ndungo wamwanapwevo wahali vaze vandungo jakapilishitu wakulitulaho.
67Kaha ikiye hakumona Petulu #14:54ali nakwotela kakahya, amushishikile nakumwamba ngwenyi, Nayove nawa wapwanga naYesu wakuNazaleta.
68Oloze akanyine ngwenyi, Ovyo unahanjika kangwavijivileko kaha nawa kavyangulumbunukilileko. Alovokele nakuya kuchikolo, kaha ndemba asanyikile.
69Uze ndungo wamwanapwevo amumwene kaha aputukile cheka kuvalweza vaze vemanyineko ngwenyi, Ou apwa umwe wavo.
70Oloze akanyine cheka. Omu hashimbwile chachindende, vaze vemanyineko nawa vamwambile Petulu ngwavo, Mwamuchano ove wapwa umwe wavo, mwomwo #Mat 26:73ukaNgalileya.
71Oloze aputukile kulyangula nakulishinga ngwenyi, Ou Mutu kana muli nakuvuluka, kangwamwijivako.
72Hahaze vene ndemba asanyikile kamuchivali. Kaha Petulu anukile lizu lize ahanjikile Yesu kuli ikiye ngwenyi, #14:30Shimbu kanda ndemba asanyike kavali naukakana katatu ngwove kawangutachikizako. Chamuvetele mumuchima, kaha alilile.
Currently Selected:
Mako 14: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia