Mako 13
13
Kunongesa Tembele
(Mat 24:1-2; Luka 21:5-6)
1Omu apwile nakulovoka muTembele, kambaji kenyi umwe amwambile ngwenyi, Ove Muka-kunangula, tala omu awaha awa malolwa nomu awaha awa mazuvo!
2Yesu amwambile ngwenyi, Awa mazuvo amanene ngana unawamono, nyi? #Luka 19:43-44Kakweshi lilolwa limwe navakaseza halikwavoko hano, chakuzeneka kulyandumwina hamavu.
Vinjikizo vyahakukuminyina
(Mat 24:3-28; Luka 21:7-24)
3Omu atwamine hapili yaMilive, hakulitalasana naTembele, #5:37; 9:2; Mat 17:1Petulu naYakova naYowano naAndelei vamuhulishile kupenge ngwavo,
4Tulweze, #Luka 17:20evi navikasoloka mwaka uka? Nyi chinjikizo muka nachikapwa chakutachikijilaho omu vyosena evi navikaheta hakamwihi nakuvitesamo?
5Yesu aputukile kuvalweza ngwenyi, Nyingililenunga kuchina nakukapwa umwe mwakamihungumwisa.
6 Mwomwo vavavulu navakeza mulijina lyami nakwamba ngwavo, Yami vene Kulishitu, kaha navakahungumwisa vavavulu.
7Kaha omu namukevwa majita namangwavo amajita, kanda namukalizakaminako, evi kuvanga vikasoloke, oloze kukuma changonde eyi chichili kanda.
8Mwomwo lifuchi nalikafumbukila lifuchi likwavo, wangana naukafumbukila wangana ukwavo. Nakukapwa mindenda kujingalila jeka najeka nazala yakalombolombo. Vyuma evi chikiko kuputuka chamisongo yakusema#13:8 Nge ngwavo, kuputuka changonde yaluyando nalukeza hamavu..
9 #
13:9-13; Mat 10:17-22; Luka 21:12-17 Oloze enu, pwenunga muvakuvanguluka, mwomwo navakamihana kumavoko avaka-jizango javaYuleya#13:9 MuchiHelase ngwavo, Sunendeline. Sunendeline lyapwile likiko liuka lyavakulwane javaYuleya vakulitulaho., navakamiveta-veta mujisunangonga#13:9 Sunangonga chikiko chikungulwilo chakutangila vaYuleya. javo, namukemananga kumeso avanguvulu navamyangana, mwomwo wayAmi, mangana chikapwe unjiho kuli vakiko.
10Chatete kuvanga mujimbu wamwaza vanawambulula kumafuchi osena.
11 #
Luka 12:11-12
Kaha omu navakamitwala nakumihana kumavoko avaka-kusopesa, kanda namukalizakamina vyakuhanjikako shimbu kanda muhanjike, oloze cheshocho navakamihana halwola luze, chikiko vene namukahanjika, mwomwo keshi yenu namukahanjikako, oloze #Yowa 14:26; 16:7-11Shipilitu Wajila.
12Kaha songo yamutu chipwe yaya yamutu mwakajihisa ndumbwenyi, ise mwakajihisa mwanenyi, kaha vana navakavafumbukila visemi javo nakuvajihisa.
13 #
Yowa 15:21
Navakamihunga kuli vosena halijina lyami. Oloze ou mwakakakachila nakutwalililaho mukuunda palanga nakusongo, navakamuyovola.
14Oloze omu namukamona
#
Ndan 9:27; 11:31; 12:11; Mat 24:15; Kuso 13:14 Chize chaunyengwe#13:14 Omu navakahaka chifwanyisa chamuka-kole waKulishitu muze mwajila muTembele. Tala Kuso 13:11-18. chakunehesa ngundu#13:14 Nge ngwavo, limbo vaseza lyehi.,
chinemana kuze kachatela kwimanako (muka-kutanga chimulumbunukile), haze vene vaze navakapwa muYuleya vakachinyine kujipili.
15Uze mwakapwa helu yazuvo akachine kaha, kanda akasuluka nakwingila muzuvo yenyi nakumbatamo chumako.
16Uze mwakapwa kuwande kanda akakinduluka nakumbata chikovelo chenyi chachisukuko.
17Oloze #Luka 21:23; 23:29luvinda lwavaze navakemita, navaze navakamwisanga hamakumbi aze!
18Lombenunga mangana chikazeneke kupwa hangonde yachishika.
19Mwomwo hamakumbi aze nahakapwa luyando kana olwo kanda lyehi lupweko kufuma kukuputuka chatengeso atengele Kalunga palanga nakulelo, kaha kalweshi kwiza kukapwako chekako.
20Kaha nge MWATA keshi kukatepulula aze makumbiko, kakweshi mutu naumwe mwakayovokako. Oloze hali vaze vasakula, ásakwile, makumbi kana navakawatepulula.
21Haze vene, nge umwe mwakamyamba ngwenyi, Talenu Kulishitu ali kuno, chipwe ngwenyi, Talenu ali kuze, kanda namukachifwelelako.
22Mwomwo nakukalovoka vaka-kulyongela ukulishitu #Mat 7:15navaka-kulyongela upolofweto, navakalinga #Mat 24:24; Yowa 4:48vinjikizo navyakukomwesa, mangana nge chinahase, vakahungumwise vaze vasakula.
23Oloze enu zangamenunga. Ngunamilweze vyosena shimbu kanda visoloke.
Kwiza chaMwanamutu
(Mat 24:29-35, 42-44; Luka 21:25-36)
24Jino hamakumbi aze, hakukuma chaluyando kana, likumbi navakalilavisa, kakweji keshi kukalovola myejiko,
25vatanganyika navakahosomoka kufuma mwilu, kaha ngolo jamumelu navakajinyikisa.
26Numba vakamone Mwanamutu #8:38; Mat 16:27; Ndan 7:13ali nakwiza mumavwi nangolo jajinene naupahu.
27Haze vene mwakatuma vangelo nakukungulula venyi ásakula, kufuma kumitamba yosena yiwana#13:27 MuchiHelase ngwavo, Kufuma kujipeho josena jiwana., kufuma kusongo yamavu swi-i nakusongo yalilu.
28Jino linangwilenu hachishimo chamukuyu. Heshoho nayivovela mitango yawo nakusokolokela, mweji kutachikizanga ngwenu ngonde yaliyena yili hakamwihi.
29Ngocho nayenu nawa, omu namukamona evi vili nakusoloka, katachikizenu ngwenu ali hakamwihi, kuvikolo vene.
30Mwamuchano nangumilweza ngwami, Chisemunwino chino kacheshi kukahitako, kuvanga vyosena evi vinasoloka.
31 #
Mat 5:18; Luka 16:17 Lilu namavu navikahita, oloze Mazu ami kaweshi kukahitako.
32Oloze hakuvuluka #Mat 24:36; Vili 1:7likumbi kana chipwe lwola luze naumwe wauchi navitachikiza, chipwe vangelo mwilu chipwe MwanaKalunga, shina Ise kaha.
33Nyingililenunga, #Efwe 6:18; Kolo 4:2tonenunga, mwomwo lwola luze kamwalutachikizako.
34 #
Mat 25:14
Chinafwane nge mutu mwaya ungeji, mwaseza zuvo yenyi nakuhana vandungo jenyi ngolo hamilimo yavo, ou nawenyi, ou nawenyi, kaha mwalweza muka-kulama kuchikolo ngwenyi, Tonanga.
35 #
Mat 24:42; Luka 12:25-40 Shikaho tonenunga, mwomwo kamwatachikijile oho mwakejila mwenyazuvoko, pamo hakulauka chalikumbi nyi mukachi kaufuku, nyi havandemba nyi hachimene ngana.
36Kuchina hakwiza chakukasumwisa mwakamiwana #Loma 13:11muli mutulo.
37Kaha omu nguli nakumilweza, mukiko vene ngunalweze vosena ngwami, Tonenunga.
Currently Selected:
Mako 13: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia