Popular Bible Verses from Mako 13

Share

Navakamihunga kuli vosena halijina lyami. Oloze ou mwakakakachila nakutwalililaho mukuunda palanga nakusongo, navakamuyovola.

Nyingililenunga, tonenunga, mwomwo lwola luze kamwalutachikizako.

Kaha omu navakamitwala nakumihana kumavoko avaka-kusopesa, kanda namukalizakamina vyakuhanjikako shimbu kanda muhanjike, oloze cheshocho navakamihana halwola luze, chikiko vene namukahanjika, mwomwo keshi yenu namukahanjikako, oloze Shipilitu Wajila.

Lilu namavu navikahita, oloze Mazu ami kaweshi kukahitako.

Oloze hakuvuluka likumbi kana chipwe lwola luze naumwe wauchi navitachikiza, chipwe vangelo mwilu chipwe MwanaKalunga, shina Ise kaha.

Kaha omu namukevwa majita namangwavo amajita, kanda namukalizakaminako, evi kuvanga vikasoloke, oloze kukuma changonde eyi chichili kanda.

Shikaho tonenunga, mwomwo kamwatachikijile oho mwakejila mwenyazuvoko, pamo hakulauka chalikumbi nyi mukachi kaufuku, nyi havandemba nyi hachimene ngana. Kuchina hakwiza chakukasumwisa mwakamiwana muli mutulo. Kaha omu nguli nakumilweza, mukiko vene ngunalweze vosena ngwami, Tonenunga.

Mwomwo lifuchi nalikafumbukila lifuchi likwavo, wangana naukafumbukila wangana ukwavo. Nakukapwa mindenda kujingalila jeka najeka nazala yakalombolombo. Vyuma evi chikiko kuputuka chamisongo yakusema.

Chatete kuvanga mujimbu wamwaza vanawambulula kumafuchi osena.

Mwomwo vavavulu navakeza mulijina lyami nakwamba ngwavo, Yami vene Kulishitu, kaha navakahungumwisa vavavulu.

Oloze enu, pwenunga muvakuvanguluka, mwomwo navakamihana kumavoko avaka-jizango javaYuleya, navakamiveta-veta muji sunangonga javo, namukemananga kumeso avanguvulu navamyangana, mwomwo wayAmi, mangana chikapwe unjiho kuli vakiko.

Mwomwo nakukalovoka vaka-kulyongela ukulishitu navaka-kulyongela upolofweto, navakalinga vinjikizo navyakukomwesa, mangana nge chinahase, vakahungumwise vaze vasakula.

Jino hamakumbi aze, hakukuma chaluyando kana, likumbi navakalilavisa, kakweji keshi kukalovola myejiko, vatanganyika navakahosomoka kufuma mwilu, kaha ngolo jamumelu navakajinyikisa.