Mako 12
12
Chishimo chawande wamivinyo
(Mat 21:33-46; Luka 20:9-19)
1Kaha aputukile kuhanjika navakiko muvishimo ngwenyi, #Isa 5:1-7Kwapwile mutu
#
Isa 5:1-2
Alimine wande wamivinyo,
Ashichileko lushito chelele ndo,
Afulilemo chikamwino chavinyo,
Atungilemo nawa kaposhi.
Uze wande auselele#12:1 Mwenyawande alivwasanyine navo kulipangilanga mihako hangonde yakwaha. vanjimi vaulamenga, vawanyineho nakumuhanako mihako yawo, kaha ayile kulifuchi lyeka.
2Hangonde yakwaha atumine ndungo yenyi kuli vaze vanjimi, akamutambwileko mihako yimwe yamuwande wamivinyo.
3Kaha vamukwachile, vamuvetele nakumuhilwisa mavokovoko.
4Kaha atumineko ndungo yenyi mukwavo. Ikiye vamutwile mbandu kumutwe nakumusaula chikuma.
5Atumineko mukwavo, kaha ou vamujihile. Atumineko nawa vakwavo vavavulu, vamwe vavavetele, vakwavo vavajihile.
6Kuli Ikiye kwasalile umwe kaha, uze mwanenyi azangile. Hakukuminyina, amutumineko ngwenyi, Mwanaminyi navakamuvumbika.
7Oloze vaze vanjimi valyambile ngwavo, Ou ikiye swana. Twayenu, tumujihe, kaha uswana naupwa wetu.
8Kaha vamukwachile, vamujihile nakumumbila kusali yauze wande wamivinyo.
9 #
Mat 21:41
Shikaho uze mwenyawande mwakalinga muka? Mwakeza nakunongesa vaze vanjimi, kaha wande kana wamivinyo mwakauhana veka.
10Nyi Mazu-vasoneka-ajila kamwawatangako tahi? Awa akwamba ngwavo,
#
Samu 118:22-23; Vili 4:11; 1 Pet 2:7 Lilolwa eli vakanyine vaka-kutunga Tembele
Likiko linapu jino Mutwe wakukashisa mbango yazuvo.
11Chinafumu kuli MWATA,
Chapwa chakukomwesa kumeso etu.
12Kaha #11:18vasakile kumukwata, oloze vevwile woma walizavu. Mwomwo vatachikijile ngwavo chishimo kana nachitela vakiko. Kaha vamusezele, vayile.
Kumuhana mutelo Kesale
(Mat 22:15-22; Luka 20:20-26)
13Vamutuminyine vaFwaliseu vamwe navaka-Helote vamwe, #Luka 11:54mangana vamute kumazu enyi.
14Omu vejile, vamwambile ngwavo, Ove Muka-kunangula, tunatachikiza ngwetu umuka-muchano, weji kunangulanga mwamuchano mwaya jila yaKalunga, keshi hakwivwisa vatu kuwahako, kaha kawatwama nachihandwako. Mwaya Jishimbi chatamo kutela kuli Kesale tahi, nyi chiku? Tuhanenga mutelo tahi, nyi chiku?
15Oloze Ikiye hakutachikiza kulyongela chavo kwoloka, avahulishile ngwenyi, Muli nakungwesekela ika? Ngunehelenu ndenali#12:15 Tala ha6:17. nguyitale.
16Kaha vayinehele. Ikiye himwavahulisa ngwenyi, Ou mutwe uliho navasona volaho vyeya? Vakiko vamukumbulwile ngwavo, VyaKesale.
17Yesu avambile ngwenyi, #Loma 13:7VyaKesale muhanenunga Kesale, kaha vyaKalunga nawa muhanenunga Kalunga. Kaha valikomokelele chikuma mangana enyi.
Navamweseka Mwata hachihande chakusanguka
(Mat 22:23-33; Luka 20:27-40)
18Kaha vaSatuse vejile kuli Ikiye, vaze vamba ngwavo, Kakwatwama kusangukako. Kaha vamuhulishile ngwavo,
19Ove Muka-kunangula, Mose atusonekelele ngwenyi, #Lush 25:5Nge lunga ali nandumbwenyi walunga,
Kaha uze ndumbwenyi mwafwa
nakuseza pwevo lyenyi,
Oloze nge kasele mwanako, uze nasaleho ambate uze pwevo nakusangula mbuto yandumbwenyi.
20Kwapwile malunga vatanu navavali mulijimo lyavo. Uze watete ambachile pwevo, kaha uze lunga afwile, oloze kasele mwanako.
21Kaha uze wamuchivali amumbachile, afwile, kasele mwanako. Ngocho nauze wamuchitatu nawa.
22Kaha vosena vatanu navavali chochimwe, kavasele mwanako. Hakukuminyina, uze pwevo nawa afwile.
23Hakusanguka, omu navakasanguka#12:23 Mwomwo vaSatuse vamba ngwavo, kusanguka chauchiko., mwakapwa pwevo lyaumwe ulihi, mwomwo vosena vaze vatanu navavali vamumbachile?
24Yesu avakumbulwile ngwenyi, Kumana keshi hakiko munahungumukilako? Mwomwo kamwatachikiza Mazu-vasoneka-ajila, chipwe ngolo jaKalungako.
25Mwomwo omu navakasanguka muvafu, kaveshi kukambata chipwe kuhangisa mapwevoko, oloze navakapwanga nge vangelo mwilu.
26Jino hakuvuluka chihande chavafu omu navakavasangula, kamwatangile hamukanda waMoseko, tahi? Haze hamujimbu wachiputa chamingonga, Kalunga ambile ngwenyi,
#
Kulo 3:6
Ami yami Kalunga kaApalahama,
Kalunga kaIsaka,
Kalunga kaYakova.
27Ikiye kapwa Kalunga kavafuko, oloze kavavatonyi. Shikaho, munahungumuka chikuma.
Lushimbi muka lwalulemu?
(Mat 22:34-40; Luka 10:25-28)
28 #
12:28-34; Luka 10:25-28 Kwejile muka-kusoneka umwe, kaha avevwile omu vapwile nakulipula jipami. Hakumona ngwenyi Yesu #Luka 20:39-40navakumbulula kanawa, ahulishile Yesu ngwenyi, Lushimbi muka lwalulemu chikuma hajosena?
29Yesu amukumbulwile ngwenyi, Lwalulemu chikuma kuhambakana jikwavo olu ngwavo,
#
Lush 6:4-5
Ivwa, ove Isalele,
MWATA Kalunga ketu,
Apwa MWATA umwe kaha.
30Zanganga MWATA Kalunga kove
Namuchima wove wosena
Namwono wove wosena
Namangana ove osena
Nangolo jove josena.
31Lwamuchivali lukiko vene olu ngwavo,
#
Levi 19:18; Loma 13:9; Ngal 5:14; Yako 2:8 Zanganga mukwenu ngana omu walizanga ove ivene.
Kakweshi lushimbi lweka lwalulemu kuhambakana ejiko.
32Uze muka-kusoneka amwambile ngwenyi, Pundu vene, Ove Muka-kunangula, unahanjika mwamuchano, Kalunga apwa Umwe kaha, #Lush 4:35kakweshi wekako, shina Ikiye kaha.
33Kaha kumuzanganga namuchima wosena, namangana osena, nangolo josena, nakuzanganga mukwenu ngana omu walizanga ove ivene, #1 Samw 15:22; Hoze 6:6; Mika 6:6-8; Mat 9:13; 12:7chinahambakana mawana akulumba osena navimuna vakuvatula.
34Yesu omu amwene ngwenyi nakumbulula mwamangana, amwambile ngwenyi, Kaweshi kwakusuku nawangana waKalungako. #Mat 22:46Kaha kufuma haze naumwe wauchi ahasukile kumuhulisa cheka.
Yesu apwa Mwana Iya?
(Mat 22:42-46; Luka 20:41-44)
35Omu Yesu apwile #Mat 26:55nakunangula muTembele, ahulishile ngwenyi, Vaka-kusoneka vambila ika ngwavo, Kulishitu apwa #Mat 9:27MwanaNdavichi?
36 Shimbunyi Ivene Ndavichi ambile muli Shipilitu Wajila ngwenyi,
#
Samu 110:1
MWATA ambile Mwata wami ngwenyi,
Twamanga kulivoko lyami lyachilyo
Palanga nomu nangukahaka vaka-kole jove mwishi yavilyachilo vyove.
37Ivene Ndavichi amuvuluka ngwenyi, Ikiye Mwata. Kaha mwapwa ngachilihi Mwanenyi? Kaha lizavu lyalinene lyamwivwililile nakuwahilila.
Yesu mwavalweza vazangame navaka-kusoneka
(Mat 23:1-36; Luka 11:37-54; 20:45-47)
38Mukunangula chenyi ambile ngwenyi, Zangamenu navaka-kusoneka ava vasaka kutambwojoka, oku vanavwale uvwalo wausuku, #Luka 11:43nakuvamenejeka nakalemesa kuvilanjilo.
39 Vazanga nawa vitwamo vyaulemu mujisunangonga#12:39 Tala ha1:21., navihela vyaulemu kuviwanyino vyakulya.
40Veji kulyanga luheto lwavatuliwe vamapwevo#12:40 MuchiHelase ngwavo, Kulya jizuvo javatuliwe, nge ngwetu, kutambula luheto lwavo lwosena., kaha veji kulyonganga kupwa vaka-kukomoka Kalunga hakulomba nakutwalililaho. Vakiko navakavayanjisanga kuhambakana vakwavo.
Wana ahanyine pwevo watuliwe
(Luka 21:1-4)
41 Yesu atwamine kuze kwakulitalasana #Yowa 8:20nachikasha chamawana, kaha amwene lize lizavu omu lyapwile nakuhakamo jimbongo. Kaha vaka-luheto vavavulu vahakilengamo jajivulu.
42Kaha pwevo umwe watuliwe muka-kuhutwa, ejile nakuhakamo jimbongo#12:42 Lumbongo lumwe vavulukile Leputa, kulema chalwo nge fweto yakuzata lwola lumwe nakutambula likumi lyajo. jivali jajindende, josena kujifutula, kulema chajo#12:42 Kulema keshi kulema chapezuko, oloze changolo jamali. chinakehelamo chikuma.
43 Yesu asanyikile tumbaji twenyi nakuvamba ngwenyi, Mwamuchano nangumilweza ngwami, Ou pwevo watuliwe muka-kuhutwa nahakemo vyakuhambakana vosena váli nakuhaka muchikasha chakuhaka jimbongo.
44Mwomwo vosena vanahakemo mawana akusupukaho kuvyuma vyavo, oloze ikiye mukusuvala chenyi, nahakemo vyenyi vyosena apwanga navyo, vyachiyoyelo chenyi chosena.
Currently Selected:
Mako 12: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia