Habákuk 1
1
1Nyín kyitwóm ńkyí Óburúkpâbí o/sét mkpábé mú odasét byiraa emen, mú odabángê Habákuk.
Habákuk o/raa kyi-kim ne Acît eryí
2Ô Óburúkpâbí, me n-kó ng ǒ n/fu, chwáp mě ka-rí nǎ ne a-fwôo atông a-jwo mě, ne wo a-chi anwa aa*róng bě*. 3Ebóng wo amu a-mîng ng mě n-ri dyizong-afaníkong ńdyín. Wo a-cen n nǎ ne a-kûri azong-byibî nyín. Banet eju ne anwa enwa bii/wâng mě byi-fé ké kafâ, ne ashwôn ne anwa enwa byi/firi ké kángkáng byikit. 4Byije byi/firi kyeekyee ne byi*da/chîbyí chwǒm* ne banet ba-kú ba-ryí i acît. Byibî-banet byi-kú byi-já ng kanong, ne ba-kú ba-cít ng banet ḿbé banong ké bampan-acît eryí.
Óburúkpâbí o/faa Habákuk
5Óburúkpâbí o/sét banet emen o/fu, kû n̂g ekpúrî eshê nyí nyi e-kyú u fáráng ne ben, ne byiko byi/chi byi-kaa běn ké ńkyí bamu ba-ri ng. Me mu m-bâ ebachi chwǒm ńkyí ben baa*ba/chi ba-bángê* ké nkéré baa/jwo kyi-kim ne nkyí*. 6Me n/chi n-kye banet ḿbé Bábyílon busa, banet ámbe ḿbé mbe ne kyibî-kafâ esa, ḿbé baa*jwo chwǒm*. Mbé ba/chi ba-dim byití ké ejíí emúmú ba/fu, mbé ba-da ng ekoo esí ekíri. 7Mbé ba-kyâ bushî ne byiko ekaa, ne ké byiko ebe etông, baa*shî kyije nang kyibónge*.
8Bubyî-orá ebe bu-kwáng ng bu-shwôm ekpang, ne bu/bên to atyém bu-shwôm ekpang nyí esong e-kú e-nwa ng kányí. Banyû bubyî-orá ebe ba/fím ké esí nyí tíbítíbí mbe ba-yú u kámbú ba-bâ, bubyî-orá ebe ba-fuu ng esí bu-bâ. Mbe ba-bâ ba-tíngê e kyísí ba-bâ wǎ bukô ḿbú mbu ba-bâ ekám chwǒm.
9Basúja ebe mbe ba-bâ banet ekpógê ne busa, [ne nang nyá nké ba/ribi, banet ba-firi ng ne bushî.] Banet ḿbé mbé baa/kám ké byití baa/jê wǎ éshíshě. 10Mbé mbe ba-kyâ batu edángé, ba-jwó ng banet-ashí. Kyikit ńkyí badabwom ba-nwa byití kyi*fí ńkyí kyidachi kámbé ba-bwom*. Ba-wuri ng ecing ba-cít kánkyí, ba-koo kánkyí. 11Banet ḿbén ḿbé busa ebe mbu kámbé Osówo ebe, ba-shwôm m kyikit ánkyi wǎ bufú ba-dim.
Habákuk o/chîsét Óburúkpâbí ńkyí nkyi kyi-bán n ǎ
12Habákuk o/raa o/fu, Óburúkpâbí, kyi-fím ké kiimkpet kyikû, wo a-chi i Osówo. Wo a-chi i Osówo ejí mú mu kanong ne o-waa ng ne banyá. Osówo Óburúkpâbí ejí ne Onet-Oku ejí, wo aa/fîm banet ḿbé Bábyílon a/fu, a-kyâ kámbé busa eringe nyí, bada bě ekye busông. 13Nké wo a-cen n nǎ ne a-ri byibî-banet ḿbén. Achi eyên nyi anong a-shwôm nyí aa*man eri kyibî* ne wo aa*man ebwom a-ri banet ba-chi kyibî*. Ebóng kâng ńkyí wo amu a-cíbî ng pyêp a-mîng kámbé ba-ju banet ḿbé mbe kanong ba-shwôm kámbé.
14Ebóng ńkyí wo amu a-tî ng banet wǎ ekworê ne wǎ dyibóng-boǒnyâa ńdyí dyi*fí ne otu-dyishí mú odatông kámbú kiǐfáng*. 15Banet ḿbé Bábyílon mbe ba-kám m banet ké byílôp wǎ ba-chi i ekworê. Mbe ba-tut ng kámbé ba-dim m ne mbé ké boǒsém, ba-wonge e ne bunyîn-dyityém ké banet ámbe ḿbé baa/kám. 16Ké bubwô ámbu kâng, mbe ba-kyâ boǒsém ebe ofê ba-chi i byifen ba-kyâ kámbú, ké nǎ, boǒsém ebe mbu ba-kyâ kámbé kángkáng byěm ḿbyí byinong ḿbyí mbe ba-ryuu ng.
17Ba/chi ba-waa ne bushwám ebe ké abwô ne banyá? ba-ju ng eshê ba-câ baa*ri banet bafip*?
Currently Selected:
Habákuk 1: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985