2 Ilmakabayo 13
13
Etaraki metua Menelao
1Ore to lari le iip nabo o artam o naaudo neyiolou Yudas Makabayo o ltung'ana lenyena ajo egira Antioko adumakino Yudea eeta enjore kitok 2neboitare Lisia olaretoni oti lo laiguanani na kitok sii te nkitoria enye. Eeta apa ninche enjore kitok oo Lgiriki nara nkalifuni iip nabo o tomon o lakedok loo mbartan inkalifuni tomon o ltomia tikitam o are o ngarin iip uni natenikiaki ilkeek oata esumash sapuk. 3Ore Menelao neibung'are, ore te nkisunkur neitukuj pee epuo dukuya to larabal, neme te nkaraki isidain eyiwuaki ina kop, kake keisilig apa ninye ajo keitai olapolosani kitok. 4Kake neiput Enkai, Olaiguanani lo laiguanak engoro Antioko negorokino Memelau. Nejoki Lisia Antioko ele aruoni oyaua inyamalaritin enyena pooki; neitanap Antioko Menelao pee eyai enkanasa le Berea nelo abik teine. 5Ore teina anasa netii oltalet oado obore nkuruon neeti olosinko oata ilkedeta odoiki nena kuruon. 6Ore iltungana otasa ntorok tialo nkaitin aashu etaasa ae toroni neeyai inewueji nenangakini metuata. 7Etua apa sii ninye Menelau tene wueji neitu enukari, 8naa ina apake nanarikino Menelau. Etaasa apa ninye ingok kumok tialo olperere oitisinyaki enkima o nkuruon enyena.
Olarrabal te mbata e nkanasa e Modein
9Eshomo dukuya olaiguanani Antioko to lkuak lenye torrono arasaki Yudea eyieu neerare Ilyhudi alang enatarare papai lenye. 10Ore pee eyiolou Yudas nejoki iltungana pee eomon Olaitoriani dama o kewarie amu etii ninche batisho naiturarie inkitanapat enye o enkop enye o enkaji sinyati Enkai 11pee mebatata enkop enye ngejuk abatatakino inkaik o lmemurata. 12Ore te rishata oo nkolongi uni neirag te nkop, eishirita o eenata endaa eomonito Enkai meing'urrie. Neret ninche Yuda neitap peyie eretena. 13Ore tesiadi kuna netumore Yudas ilarikok lo Ilyhudi nemut pee ipang te nkidimata Enkai arare olaiguanani, alang enatoni aarreshu Antioko metarasaki Yudea neibung Yerusalem. 14Neing'ueiki olarabal olaitobirani le nkop neitukuj Yudas ilewa leyena pee epiju neenyora pee enang inkitanapat enye o enkaji Enkai, o Yerusalem enkop enye o nkishui enye pooki. Neun ilngoborri te mbata e nkanasa e Moden. 15Ore pee eidip airorie isikarini lenyena nejoki, “Ore emirishoi naa Enkai eing'ua,” ore teina kewarie nerasaki irkuti lewa lenyena opi embata olng'obor lo laiguanani near iltungana inkalifuni are. Etara sii metua oltome olariponi lenye. 16Nekuretu pooki ngae tolngobor inakata pee erinyo Yudas o lewa lenyena te mirishoi 17e nasiryie enkakenya. Etasate kuna baa pooki te nkaraki eripoto o eretoto Olaitoriani.
Eitobirua Antioko olning'o o Lyahudi
(1 Mak 6.48-63)
18Ore pee eyiolou olaiguanani Antioko empijan Olyhudi neingoru kulie oitoi naidimunye Ilyhudi. 19Etetema arare irishat kumok te Betzur, kake etimiraki ninye irishat pooki. 20Neirriwaki Yudas iyieunot isikarini oripito ina anasa 21kake etae osikari oji Rodokas oishoyie ilomon aisho ilmangati. Neyiolouni, neibungi neari metua. 22Nenyok olaiguanani anyora enatase to ltungana le Betsur ore pee eidip atoningoto o ninche neiwangie enjore enye. Nedumunye ninye alo arare Yudas kake neitokini ake amirr. 23Ore teina rishata netum Olaiguanani Antioko ilomon ajo Pilipo ninye olkitok lo sikarini, etigilunore apa ninye olaiguanani neiteru ninye olningo lo sotua o Lyhudi, nenyora inkitanapat enyeneisiligie tolmumai pee eitas ninche meeti orgela, neitaiki niche olasar, neitodolu enkanyit to Hekalu neitayu enkishooroto te lengon, 24nengamu Yudas Makabayo te mpiris. Ore pee eluso kuna baa, neut olaiguanani Hegemonid pee eeku Olgafanai le nkanasa e Potolemai o Gerar, 25nedumunye ninye alo Potlami. Etagorote iltungana le Potolemai te nkaraki osotua lo lningo oitobira tenebo Olyhudi negoro oleng o metaba ana nejo matigil ilo sotua. 26Nedumunye Lisia angor ilo sotua lo lningo ore te nkariyiano enye pooki neitigir iltungana pooki netum omom enye. Nerinyo Antioko. Neijia apa eikununo erasakinoto e Antioko o erinyoto natorinye ninye siadi.
Currently Selected:
2 Ilmakabayo 13: BIBLIACATHO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018