A Miise 2
2
Sẽn maand-b neb a taab pãngã sɩbgre
1Toog bee neb nins sẽn tagsd n dat
n maan wẽngã zutu.
Bãmb gãe b gãagẽ n saagd wẽnga,
tɩ beoog sã n vẽeg bɩ b pids-a,
bãmb sẽn tar pãn-tõog n tõe n pids-a wã yĩnga.
2Bãmb sã n dat ned pʋʋg n deege,
b reegd-a lame.
La b sã n dat ned roog n deege,
b reegd-a lame n sooge.
Bãmb maanda ned ne a zak rãmb pãnga,
n deegd bũmb nins b sẽn so wã.
3Yaa rẽ tɩ Sẽn-Ka-Saab yetẽ yaa:
«Ade, mam segendame n na n sɩbg
nin-bãmbã rãmba.
Yãmb kõn tõog n põse,
la y kõn leb n tõog n kẽn ne zu-zẽkr ye,
bala, yaa toog wakate.»
4Badaare, b na n dɩka yãmb tɩ y lebg yel-bũndi,
la b pʋt sũ-sãang yɩɩl yãmb wɛɛngẽ n yetẽ,
«Ade, b sãama tõnd zãng fasɩ!
B reesda mam nebã zĩisi!
Maana a wãn tɩ b wa reesd tõnd zĩisi?
B reesa tõnd pʋtã n pʋɩ kɩɩsdba!»
5Yaa rẽ tɩ Wẽnnaam nebã sã n
wa pʋɩt b zĩisã, yãmb sʋkã ned ba a
yembr kõn paam pʋɩɩr ye.
6B rag n zʋbsdame n yetẽ:
«Da-y zʋbs-y ye,
da-y zʋbs-y-yã a woto tɩ wẽnd
wa tõnd paoogrã ka na n tol n sɛ ye.
7Zakoob yagense, rẽ yĩnga,
d tog n goma a woto sɩda?
Sẽn-Ka-Saab sũ-marã sɛɛme la?
Bãmb minim n maanda a woto sɩda?
Rẽ yĩnga, mam goamã ka gom-nood ned ning
sẽn kẽnd-a tɩrlem pʋg yĩng sɩda?»
8Sẽn-Ka-Saab yetame: «Sẽn nan ka kaoose,
yãmb yikame n lebg mam nebã bɛɛba.
Bala, neb sã n yi zabr zĩigẽ n wat ne bãane,
yãmb yekd-b lame n yeesd b fu-tagdã.
9Yãmb digda mam nebã pagba,
tɩ ned kam fãa yi n bas a roog a sẽn nonge.
La mam sẽn kõ b kambã waoogr ningã,
yãmb yiisd-a-la wakat fãa yĩnga.
10Yik-y n loog-y tɩ yãmb ka leb n tõe
n paam vʋʋsg zĩ-kãngã ye.
Yãmb tʋʋm-dẽgdã yĩnga,
y na n sãamame,
la sãoongã na n yɩɩ kãsenga.»
11Ned sã n yik a meng yĩng n yagd zĩrẽ n yeele:
«Yãmb sã n kõ maam reezẽ rãam la rã-toos tɩ m yũ,
mam na n togsa pĩnd-n-bãngr goam y yĩnga»
yaa nin-kãng soabã n tog ne yãmba.
12N-yẽe, mam na n tigma yãmb fãa
sẽn yaa a Zakoob yagensã,
la m tigim Israyɛll bu-kellã.
Mam na n tigma bãmb
wa piis sẽn be yãgr pʋgẽ,
la wa rũms sẽn be b wãbneg zĩigẽ.
B na n leb n wʋma neb rãamd tẽngã pʋga.
13Sẽn pakd-a sorã na n lʋɩɩ bãmb taoore,
la b na n paka sorã n yi be n looge.
Bãmb dĩma yiime n be bãmb taoore,
la Sẽn-Ka-Saab bee bãmb taoore.
Currently Selected:
A Miise 2: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.