MI CILIMA 33
33
1Jakobo den yaadi ki diidi ki laa ke Esayu kpendi leni niba kobinaa. O den boagidi o bila kuli, Lea leni Lasela leni o potualiediba. 2O den teni ke o potuada leni bi bila n ga liiga, Lea leni o yaa bila n ŋoadi bi puoli Lasela mo n yuandi ki ŋoadi leni Josefi. 3Wani oba den ga bikuli liiga ki labini tinga po hali taalima lele ki nagini o kpelo kani. 4Esayu den sani ki tuogi o ki bibi o, ki cuo o. Bikuli den buudi. 5Esayu den yaadi ki laa bi puoba leni a bila ki yedi: «Ŋan pia yaa niba ne, bi tie ŋmenbe?» Jakobo den goa ki yedi o: «Bi tie U Tienu n puni a naacemo yaa bila.»
6A potuada den nagini bikani bani leni bi bila ki labini. 7Lea mo leni o yaa bila den nagini ki mo labini. Lani n pendi Josefi leni Lasela mo den nagini ki labini. 8Esayu den yedi: «Min bi tuogi leni yaa yangola kuli yeni, bi tie be yaa po yo?» Jakobo den goa ki yedi o: «Bi tie ke min baa ki nunmanga n diedo kani.» 9Esayu den yedi: «N waalo, n moko ye leni mi piacianma ŋan kubi a yaa yaala.» 10Jakobo go den goa ki yedi o: «Yen kaa n mia ŋa n yaa baa ki nunmanga a kani, ga npo n paabu, kelima li tie lani yaa po ke n diidi a nunga nani o nilo n baa diidi U Tienu nunga maama yeni ke a ga n cangu bonŋanla. 11Lanwani ŋan ga npo n paabu, min puni a yaabu kelima U Tienu den gbieni nni leni li *ŋanbili ke n naa luo pu.» O den tigini o yene hali ke o ga. 12Esayu den yedi: «Tin fii ki suagi liiga, n baa ye a liiga.»
13Jakobo den goa ki yedi o: «N diedo, a bani ke a bila dingi ki daa pia fidu. N pia a peñuana leni a naañuana yaaba n ŋaandi bi bila. Ti yaa deli ba ke bi cuoni tontoni baa dayenli, li yangoli kuli baa bodi. 14N diedo ga a naacemo liiga mini n baa ŋua dindini nani li yangoli yaali n cuoni n liiga n fidi maama leni a bila n fidi maama hali min pundi n diedo deni Seyila po.»
15Esayu den yedi: «Ama n bua ki ŋa ŋa leni n niba bi tianba ban ciani a.» Jakobo den goa ki yedi o: «Be yaa po! Jo, baa min baa a nunmanga moko yeni dagidi.» 16Laa daali Esayu den fii ki taa Seyila yaa sanu ki goa kuni. 17Jakobo den fii ki gedi Sukoti. O den maa o yuli po li dieli lankani ki go tii a yandiena a yangola po. Li tie lani yaa po yo ke bi yi laa kaanu Sukoti yaala n bundi a naga.
Jakobo kali ki kuli Sikema diema
18Jakobo n den ñani Padana-Alama ki guani, o den pundi Sikema dogu Kanana diema nni leni li pamanli ki kali u dogu nintuali. 19O den da u kuanu wan den tii o gbandieli naani. O den da u Hamola yaaba bijaba kani ki puni yaa ligi n yi kesita kobiga. Hamola den tie Sikema yaa baa.#Jos 24.32; Jan 4.5 20Jakobo den maa li *padibinbinli lankani ki yini li El-Elohe-Isalele.#33.20 U Tienu tie Isalele Tienu.
Jakobo bijaba tuu li panli Dina po
Currently Selected:
MI CILIMA 33: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.