Matayo 19
19
Ilakana nndumi na nka
(Mar 10:1-12)
1Kikavaany elyi ammarisya irera marero yoo moose, nawe kawara shia, kauka kulya Galilaya. Kaenda kyaaro kya uruka lwa Yudaya ashiiraa shia ya kwakulya ya Yordani. 2Vandu vakallatya matorito meengyi, nawe kava mwiivakirya-fo. 3Naasa Vafarisayo vakansheya vakamweesa vakaamba, “A ndesa nndu nndumi atiri muumu weelakana na nka wakwe kwakooya kwawonika kiteve kya ngata shoose?” 4Nawe kaallwa, “A mmbo mulasommyi kya yeto aleumba vandu mmbo alevaumba vakee nndu nndumi na nndu nka uka elyo mapookyony?” 5Kaamba, “Kimmba ni indo nndu nndumi ashuukaa kwa ndeye na maye nandekutira na nka wakwe, nawo vee vavii vashevaa mwiili umwi nsi. 6Kikavaany nshi vakee-se vavii-fo, mmbo vava mwiili umwi nsi. Naasany kindo Iruva allunga we muni, na nndu nta nalakirauwe-fo.” 7Nawo vakammbia, “A kyavaany inda, elyi Mose avavasye nndu naniinge nka barua ya llakanu nalakaniny nawe?” 8Nawe kavavia, “Ni kimaruma kya mirima yaany ikee myuumu indo nkyo kileniinga Mose kaniingya muumu weelakana na vaka vany. Uka elyo mapookyony nshi indo kyeekai-fo.” 9Neeny shamuvia, “ ‘Nndu kalakana na nka wakwe kwakooya kulaore ni kimaruma kya utuusi kaora ungyi mmbo atuusa.’ 10Naasa valya vakiloshyony kyakwe vakammbia, ‘Kwankooya ekyo kya mmi na nka kikae indo, mmbo kyevaa kisha kilanya kwakooya nndu ara nalaalyika nka.’ ” 11Nawe kavavia, “Nshi woose vamanya itira kirero ekyi-fo, kulaore ni yewo vakee vaniinge. 12Mmbo kwiifo valashiidimaa yoora uka elyo veerwaa, kukavekaa-fo vakee vaallwe indo mmbandu, kukavekaa-fo vakwaaluye indo wo veni kimaruma kya umangyi lwa iruveeu. Mwiidima itira kirero ekyo nakitire.”
Yesu avikya vana vadu mbora
(Mar 10:13-16; Luk 18:15-17)
13Nalyo keengywa fivana nafyeekerye maako navefiterevya efo kwa Iruva. Na valya vakiloshyony vakavakeemmya. 14Na Yesu kavavia, “Reny fivana efi fikusheye na kwakwa, nta mulafiimi! Mashika vakee va ngata yaawo mmbo umangyi lwa iruveeu lwava lwawo.” 15Naasa kafyeekerya maako. Kawuya kakwiipoo keenda.
Nndu isimba
(Mar 10:17-31; Luk 18:18-30)
16Nalyo akakau nndu ansha nau kammbia, “Llori, a fisha ntanaa mfyokyi shikooye muu wa llung'anu?” 17Nawe kammbia, “Nkyiki elyi kwashivesya kya efyo fisha? Yeto aifo akee nsha ni umwi-da! Indi kwakooya kukundye yaanga na muuny wa llung'anu va mwiiringa mavavaso!” 18Kaamba, “Nng'u angaa?” Na Yesu kammbia, “Kulawae, nta kulatuuse, nta kulaive, nta kulavike ukureekyi lwa wongo. 19Indya ndoo na mau. Na nndu uroo kuvenkunda ndesa kukukunndye kumuni.” 20Naasa nndu ulya, kammbia, “Efyo fyoose mmbo shileva mwiifiringa-da-te. A kindo kyashyaanguya-u nkyokyi?” 21Yesu kammbia, “Kwakooya kukundye iva nndu nsongovisi deny, enda kundekumba efyo kutiri, kufyaavye vakiva. Llyo kushetiraa masaa efo iruveeu. Kwammaa oshoony kusheshilatya.” 22Naasa nndu ulya eeta indo kasokywa mfyoova, mashika elyi ekee nndu atiri findo fiingyi. 23Naasa Yesu kavia valya vakiloshyony kyakwe, “Nkya dede shamuvia, ‘Nndu isimba atiri ngatara nnu yaanga umangyi ny lwa iruveeu.’ 24Na lyingyi-se shamuvia, ‘Nkyaangu kilanya ngamula iire na mmbweny ya sindanu,’ ngota nndu isimba ashaangaa neefo umangyi ny lwa iruveeu.” 25Naasa valya vakiloshyony vekiita indo, vakamatuka nnu, vakaamba, “Kwakooya ni indo, a nndu ashiidimaa ikirwa ni vi?” 26Naasa Yesu kavalola karii, kavavia, “Kunu vanduny ekyo nkishiidimikaa-fo, indi efo kwa Iruva mmbo fishiidimikaa fyoose.” 27Nalyo Petro kaallwa, kammbia, “Lla-te mbee! Yese mmbo lwiisityo-u findo fyeru fyoose, lukakulatya. A ekyo lusheonisaa-u nkyokyi?” 28Na Yesu kavavia, “Nkya dede shamuvia, ‘Yeni mushilatye mmbo mukooyaa elyi kwamfika meendi findo fyuumbe fisheviirwaa wiiya, elyi Mwana yeto wa nndu ashekaa rembo yoo kitiminy kyakwe kya itumbe, neeni mmbo mushekaa rembo fitimeny ikumi na fivii mushillye ngyufyari ikumi na ivii yeto ta Israeli.’ 29Na wo nndu aiyo areeye vanavamaye ao vamfwamaye ao ndeye ao maye ao vana ao marema ao mmba kwakooya ni kimaruma kya irina lyakwa, we mmbo awaryaa ando a kimwi naniingwa ka iyana, navewarya na muu wa llung'anu uve ding'u yakwe. 30Indi yewo vesonngwa veengyi vakaa vaaluke va numa, na yewo va numa vaaluke va mbee.”
Currently Selected:
Matayo 19: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.