Matayo 5
5
Oluta oni driari, ’ba drilebaru ’diyi ma e’yo ecezu indi
1 #
Luk 6:20-49
Erini ’ba ongulumuru ndreria, eri nga tu oni dria; ka ri va ’bo, ’ba erini imbale ’diyi nga eca eri vu.
2Eri nga i ti’e zi, nga yi imba kini:
3 #
Isa 57:15
Ba alioru orindi ma alia ’diyi yi drilebaru, te suru ’buari yini.
4 #
Isa 61:2; Zab 126:5; Eceza 7:17 ’Ba candi ’bapi ’diyi yi drilebaru, te yi nga yi asi omi.
5 #
Zab 37:11
’Ba e’yere ’diyi yi drilebaru, te yi nga angu bi awurusoru.
6 #
Isa 55:1-2
’Ba e’yo kililiruri ma abiri pini fule yi avijo be ’diyi yi drilebaru, te yi nga tia ra.
7 #
Yak 2:13
’Ba yiki be ’diyi yi drilebaru, te yi nga yiki isu ra.
8 #
Zab 24:3-4; 51:10; 73:1; 1 Yoh 3:2, 3 ’Ba asi alaru be ’diyi yi drile ’baru, te yi nga Mungu ndre.
9 #
Ebra 12:4
’Ba asi anzuru fepi ’diyi yi drilebaru, te ’ba nga yi omve anzi Munguni
10 #
1 Pet 3:14
’Ba inzale e’yo kililirusi ’diyi yi drilebaru, te suru ’buari yini.
11 #
1 Pet 4:14
Emi drilebaru, ’ba ka emi o’da, ’ba ka emi inza, ’ba ka e’yo onzikanyaru dria ’yo emi ruaa, inzo lizu emi dria e’yo manisi. 12#2 Sur 36:16; ’Yeta 7:52; Yak 5:10; Ebra 11:33-38Emi ovu di ayikosi nyona be tu, te oya emini amboru ’bua; a’disiku inza ndra nabi emi drilia oko ’diyi ’dini.
A’i pi diza be
13 # Mat 9:50; Luk 14:34-35 Emi a’i nyakuni; a’i nde ma aji ka i de ra, emi nga fe eri ma ovu aji be a’di afasi ya? Fu dri dika afa aluni ’yezu ku, te lu dazu amve ’bani otuzu pasi,
14 #
Yoh 8:12; 9:5 Emi diza wudrikuruni. Aku sile oni driari econi i zizaru ku. 15#Mar 4:21; Luk 8:16; 11:33Yi ’ini tala eri ’bazu afazu etia ku, te eri ’bazu afa tala ’bazuri ma dria uru, eri nga di ’ba dria ovupi joa ’diyi vu ani. 16#1 Pet 2:12; Efe 5:8, 9Diza emini ma di ’ba ma milia ’dini, yi ma ndre ’yeta emini onyiru ’diyi, ma inzi Ati emini ovupi ’buari ani beni.
Imbata Yesuni azita ma e’yosiri
17 #
Mat 3:15; Rum 3:31; 10:4 Emi osu ma eca azita pi ’bazu toko nabi be, ’dini ku; ma eca e’yo ’bazu toko ku, te e’yoni yi ’yezu yi paria ’yeke’i. 18#Luk 16:17; 21:33Ma ’yo emi tia ndi, ’bu nyaku be ka yi de ra ti, azita ma nukuta alu kani afa gakandiaru dule nyuri aluni ngani i de itu, de nga afa dria ’yeni yi ’paria leu. 19#Yak 2:10; 1 Kor 15:9’Ba ka ngoni ti, ka azita werearu tu ’diyi ma azi alu eza ra, ka ’ba imba ’yezu ku indi, yi nga eri omve ’ba werearu tu suru ’buaria; te ’ba ka ’ye ra, ka yi imba ’ba tia indi, yi nga eri omve ’ba amboru suru ’buaria. 20Te ma ’yo emi tia, e’yo kililiru emini ka ’ba waraga sipi ’diyiniri aga ’ba Farisaini be ku, econi emini fizaru suru ’buaria ku.
Imbata Yesuni aoko ma e’yosiri
21 #
Efu 20:13; 21:12; Lev 24:17; Azi 5:17; 17:8 Emi eri kini yi ’yo ’ba drio ’diyi ma tia ’bo, Mi ’di ’ba ku; ’ba Ita ’ba ’di ra, e’yo lizani nga eri nde ra. 22#1 Yoh 3:15Te ma’i, ma ’yo emi tia kini ’ba dria alu, ka ovu aokosi adripi erini be, e’yo lizani nga eri ode ra; ’ba auni ka adripi erini ede, e’yo amazani nga eri nde ra; te ’ba ka ’yo, Mi aza, e’yoni nga eri nde cazu Jehanuma aciniria. 23#Mar 11:25’Dini mi ka afa mini awa’diforuri eji pari edeta edezuria, te ’daa mi ka osu mi adripi ovu e’yo be mi vu, 24mi ku afa mini awa’diforuri pari edeta edezuri ma drilia, mi mu ti ecizu e’yo edezu mi adripi be oko raka, mi nga di emu afa mini awa’diforuri fe ndo.
25Mi ede e’yo onyiru ’ba mi topiri be mbele, de mi eri be geria; ’ba mi topiri kazu mi ejizu ’ba e’yo lipiri vu ku, ’ba e’yo lipiri kazu mi fezu asikari dri ku, kazu mi ’bezu arujoa ku; 26ma ’yo mi tia ndi, mi ngani efu aleniarisi ’de ku, kpere mini sente alu acepiri oferia ku.
Imbata Yesuni ali ’baza ma e’yosiri
27 #
Efu 20:14; Azi 5:18 Emi eri kini ’yo e’yo ’bo, Mi ’ba ali ku. 28#Yob 31:1; 2 Pet 2:14Te ma ’yo emi tia ’ba dria alu oku ndrepi asisile dropi drinia lisiri, ’ba ali eri be i ma asia ’bo. 29#Mat 18:8, 9; Mar 9:42, 47; Kol 3:5Mi mile dri ndiari ka fe mi aba ra, mi nze eri mi ruaarisi, mi ’be eri; eri mini onyiru mi rua ma esele aluni avizu, aga yini mi rua ’bezu pi Jehanumaari ra. 30#Mat 18:8; Mar 9:43Mi dri ndiri ka fe mi aba ra, mi ga eri mi ruaarisi, mi ’be eri; eri mini onyiru mi rua ma esele aluni avizu, aga mi rua driarini fizu Jehanumaari ra.
Imbata Yesuni oku droza ma e’yosiri
31 #
Azi 24:1-4; Mat 19:7; Mar 10:4 ’Yo i ’dini indi, Agu ka oku erini liro ra, eri ma fe waraga eri drozuri eri dri. 32#Mat 19:9; Mar 10:11-12; Luk 16:18; 1 Kor 7:10-11Te ma ’yo emi tia, ’ba dria alu oku dropi, de oku nde ’bani a kuri, fe eri dri ali ’bazuni; te ’ba oku drole rari bipiri ’ba vini ali indi.
Imbata Yesuni oyo soza ma e’yosiri
33 #
Lev 19:12; Kal 30:2; Azi 23:21; Efu 20:7 Dika, emi eri kini yi ’yo ’ba drio ’diyi ma tia ’bo, Mi so oyo inzosi ku, te mi ma ofe oyo mini Opi dri. 34#Yak 5:12; Isa 66:1; Mat 23:16-22; ’Yeta 7:49Te ma’i, ma ’yo emi tia, Mi so oyo aluni ku; kani ’bu rusi, eri oguna Munguni; 35#Isa 66:1; Zab 48:2kani nyaku rusi, eri pari erini pa ’bazuri; kani Yerusalemu rusi, eri aku amboru Meleki amborurini. 36Mi so oyo dri mini e’yosi ku, te econi mini dribi efi aluni ojazaru kani emveru kani iniru ku. 37#2 Kor 1:17; Yak 5:12E’yo ’yoza mini ma ovu ’dini, E, e; Yo, yo; te e’yo o’bale drinia ’diyi ibi ’ba onzi vu.
E’yo ’bani ari’ba lezuri
38 #
Efu 21:24; Lev 24:20; Azi 19:21 Emi eri, ’yo e’yo ’dini, Mile, pi ma obi dri mile be, si pi si be. 39#Luk 6:27-36#Yoh 18:22, 23; Lev 19:18Te ma ’yo emi tia, Emi oga ’ba onzi ku. ’Ba ka mi sa o’bolo dri ndiaria, mi oja aziniri eri dri indi; 40#1 Kor 6:7’ba ka le mi to, bongo mini alialeruri pazu, mi ku eri dri, mi fe vini koti indi; 41te ’ba ka mi bi okposi muzu i be mailo alu, mi mu eri be iri. 42Mi fe ’ba mi zipiri dri, mi oja mi nguku ’ba lepi mari a’ipi mi driri vu ku.
43 #
Lev 19:18
Emi eri kini ’yo e’yo ’dini, Mi le mi agyi, mi ngu ari’ba mini’i. 44#Efu 23:4, 5; Rum 12:14, 20; Luk 23:34; ’Yeta 7:59Te ma ’yo emi tia, Emi le ari’ba emini, emi zi Mungu tia ’ba emi inzapi ’diyi dri, 45#Efe 5:1’dini emi ma ovu anzi ati emini ovupi ’buarini ani; te eri fe etuni di ’ba onzi piyi ma dria ’ba onyiru ’diyi be, ozoo fezu ’ba kililiru ’diyi pi ma dria ’ba kililiru ku ’diyi be. 46Emi ka ’ba emi lepi ’diyi le’i, oya emini ngoa ya? ’Ba musoro okupi ’diyi ’yeni tro tro ’dini ku ya? 47Emi ka emi adripi zi’i a’dule, ’yeta emini agapiri a’dini ya? ’Ba jururu ’diyi ’yeni tro tro ’dini ku ya? 48#Lev 19:2; Azi 18:13E’yo ’disi emi ma ovu ’yeke, ekile Ati emini ovupi ’buarini ovule ’yekerile.
Currently Selected:
Matayo 5: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.