Matayo 25
25
Omobayeeno bw’abaiseke ikomi baganyete omonywomi
1 #
Luk 12:35
Ase chingaki echio, oborwoti bwa igoro nigo boragwekanigwe n’abaiseke ikomi ababogoretie chitaaya chiabo, bagasoka gochia korotota omonywomi. 2Batano ase barabwo nigo barenge abariri, na batano abang’aini. 3Na ekero baria abariri baimogetie chitaaya chiabo, korende tibaimokia y’ogochi komenta; 4korende baria abang’aini bakaimokia amaguta ase ebinto biabo amo ne chitaaya chiabo. 5Ekero omonywomi atebana gocha, bagasundoka bonsi, bakarara. 6Korende botuko gati gekaba egeturi: Rigereria, omonywomi oyo! Soka momorotote! 7Erio abaiseke baria bonsi bakaimoka koroisia chitaaya chiabo. 8Baria abariri bagateebia baria abang’aini: Twatanere amaguta aino, ekiagera chitaaya chiaito chiarimire. 9Korende baria abang’aini bakabairaneria: Taibo. Takonyara gotoisana intwe amo nainwe, mbuya mogende mwegorere ase abaonia. 10Na ekero bachia kogenda kogora, omonywomi agacha, na baria bebegete ang’e bagasoa amo nere ase omoyega bw’enyangi; na egesieri kegasiekwa. 11#Luk 13:25Naende magega yaye abaiseke baria bande bagaacha, bakaboora: Omonene, toigorere! 12Korende akabairaneria: Nekeene nabateebirie: Timbamanyeti inwe. 13Yeso agakoora ogoteeba “Ase igo renda, ekiagera timomanyeti rituko, nonya nensa.
Omobayeeno bwe chitalanta
14 #
Luk 19:11-27
“Ase chingaki echio nigo erache koba buna omonto ore kogenda orogendo, akarangeria abasomba baye, akabeeka enibo yaye ase bare. 15Akaa oyomo chitalanta isano, na oyonde ibere, na oyonde eyemo, kera omonto koreng’ana nokonyara kwaye. Erio akagenda. 16Oria oetwe chitalanta isano akagenda erio kegima, agachionchoreria, akanyora ebitoki, chitalanta chinde isano. 17Naboigo noria oetwe chitalanta ibere akanyora ebitoki, chitalanta chinde ibere. 18Korende oria oetwe etalanta eyeemo akagenda, agakuunya inse, akabisa ebesa y’omonene oye. 19Magega y’amatuko amange omonene bw’abasomba baria agacha, akarigia gokora omobaro nabarabwo. 20Oria oetwe chitalanta isano agacha ne chitalanta chinde isano, akabora: Omonene, nkwang’ete chitalanta isano, rora nanyorire ebitoki, chitalanta chinde isano. 21Omonene oye akamoteebia: Gwakorire buya aye, omosomba omuya naende omwegenwa; kwabeire omwegenwa ase ebire ebike, ninkobeke igoro ase ebire ebinge. Soa ase omogooko bw’omonene oo. 22Naende oria oetwe chitalanta ibere agacha, akabora: Omonene, nkwang’ete chitalanta ibere, rora, nanyorire ebitoki, chitalanta chinde ibere. 23Omonene akamoteebia: Gwakorire buya aye, omosomba omuya naende omwegenwa; kwabeire omwegenwa ase ebire ebike, ninkobeke igoro ase ebire ebinge. Soa ase omogooko bw’omonene oo. 24Na oria oetwe etalanta eyemo agacha, akabora: Omonene, nakomanyete ng’a nigo ore omonto omokong’u, okogesa aase otasimegete, na gosangereria aase otabusurete; 25erio nkoboa, nkagenda nkabisa etalanta yao inse. Nero eye. 26Korende omonene oye akamoiraneria: Aye omosomba omobe naende omworo! Nkwamanyete ng’a nigo nkogesa aase ntasimegete, naende nigo ngosangereria aase ntabusureti? 27Gaki nkwagwenerete kobeeka chitaabu chiane ase abakorua efaida, na inche ngocha, anga nanyora echiane amo nefaida y’ane. 28Bono moure etalanta yaye, moe oria obwate chitalanta ikomi. 29#Mat 13:12; Mar 4:25; Luk 8:18Inaki kera oyore negento naegwe, naende amenteranigwe; korende ere oyotari negento, nonya nkeria abwate naurwe. 30#Mat 8:12; 22:13; Luk 13:28Na omosomba oria otagwenereti, motugute isiko ase omosunte, aroro narere na koriania amaino.
Okogambigwa kw’omoerio
31 #
Mat 16:27;
Mat 19:28
“Ekero Omwana-o-Mwanyabaanto agochi‐goocha ase obonene bwaye, na abamalaika bonsi amo nere, erio naikaranse ase ekerogo kiaye ki’obonene. 32Ebisaku bionsi nabisangererie ase obosio bwaye; ere naatanane abanto buna omorisia agwatanana ching’ondi ne chimbori. 33Ching’ondi nachibeeke ensemo y’okoboko kwaye gw’okorio, korende chimbori ensemo y’okoboko kwaye gw’okobee. 34Erio Omorwoti nateebie abare ensemo y’okoboko kwaye gw’okorio: Inchuo inwe abamwasesenetigwe na Tata one, soa ase omwando bw’oborwoti mwaroiseretigwe korwa ogotongwa gw’ense, 35ekiagera inarenge nenchara, mokang’a endagera; inarenge nerang’o, mokang’a nkanywa; inarenge omogeni, mokandoisia; 36inarenge getirianda, mokamboyia; inarwarete, mogaacha kondora; inasibetwe echela, moganchichera. 37Erio abanyene oboronge nabamoiranerie: A! Omonene, indi twakorooche kore nenchara, togakorageria? Gose indi twakorooche kore nerang’o, togakoa okanywa? 38Indi twakorooche kore omogeni, togakoroisia, gose getirianda, togakoboyia? 39Naende indi twakorooche kore omorwaire, gose gosibire echela, togaacha gokorora? 40Na Omorwoti nabairanerie: Nekeene nabateebirie: Koreng’ana buna mware gokorera oyomo bw’aba abaminto abare abake, ninche mwakorerete. 41Erio nateebie abare ensemo y’okoboko kwaye gw’okobee: Karue ase ’nde inwe abamwaragereretigwe, mogende ase omorero o kare na kare, oyoroiseretigwe Saitani na abamalaika baye, 42ekiagera inarenge nenchara, timwang’a endagera; inarenge nerang’o, timwang’a inywe. 43Inarenge omogeni, timwandoisia; inarenge getirianda, timwamboyia; inarwarete, naende inarenge echela ime, timwacha kondora. 44Erio barabwo nabamoiranerie: Omonene, indi twakorooche aye kore nenchara, gose kore nerang’o, gose kore omogeni, gose kore getirianda, gose kore omorwaire, gose kore echela ime, na titwagokorera? 45Erio omorwoti nabairanerie: Nekeene nabateebirie: Koreng’ana buna motare gokorera oyomo bw’aba abare abake, timwankorerete inche. 46#Dan 12:2Na abanto aba nabagende ase egesusuro gia kare na kare, korende abanyene oboronge inabagende ase obogima bwa kare na kare.”
Currently Selected:
Matayo 25: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021