Matayo 3
3
Yohana Omobatisi na amang’ana aye
(Mar 1:1-8; Luk 3:1-17)
1Ase amatuko aria Yohana Omobatisi akaoroka ase erooro ya Boyahudi agachaaka korandia, ogoteeba, 2#Mat 4:17; Mar 1:15“Onchoka, ekiagera oborwoti bwa igoro bwaikire ang’e!” 3#Isaya 40:3Oyo Yohana nere oteebetwe n’omobani Isaya, ekero ateebete,
“Eriogi ri’oyogoaka egeturi ase erooro:
Roisia enchera y’Omonene,
rongeyia oboeto bwaye.”#Isaya 40:3
4 #
2 Abar 1:8
Ere Yohana nigo arenge kobeeka chianga chiaroiseirie amarionya y’engamia na kweboeria orokini rwe riiyo kenama kiaye, na endagera yaye nigo yarenge chingige na obooke bw’orosana. 5Engaki eyio abanto ba Yerusalemu, na Boyahudi yonsi, ne chinsemo chionsi chia Yorodani bakamochiera. 6Bakangama ebibe biabo erio bakabatiswa nere ase orooche rwa Yorodani.
7 #
Mat 12:34; 23:33 Ekero Yohana arora abanto abange ase Abafarisai na Abasadukai bakomochiera erio ababatise, akabateebia, “Inwe oroiboro rwe chinchoka, ning’o obakuureire ng’a motame korwa ase endamwamu egochia‐gocha? 8Gaki, orokia ase ebikorwa buna ekeene mwaonchokire; 9#Yoh 8:33gose timona goteeba ase emioyo yaino ime: Ntore na sokoro yaito Aburaamu, ekiagera nabateebirie, ng’a Nyasae n’are nokobua ase amagena aya gokorera Aburaamu abana. 10#Mat 7:19Nonya mbono egesire kiabekirwe ase emeri y’emete; nabo kera omote otaameti okwama okuya nonachwe, otugutwe ase omorero.
11“Inche n’amaache nkobabatisera ase okoonchoka, korende ere, oyoraache magega y’ane, nare ne chinguru kombua. Ting’isaini koimokia ebikoroto biaye. N’ere orababatise ase Omoika Omochenu na ase omorero. 12Oroteru rw’aye nigo rore koboko kwaye, ere naabuse ekeooreri kia’ye, nasangererie engano ase ekiage kiaye, korende omoiruro nayosambe ase omorero otakorimeka.”
Okobatiswa kwa Yeso
(Mar 1:9-11; Luk 3:21-22)
13Ekero ekio Yeso akarua Galili, akagenda ase Yohana ase orooche rwa Yorodani abatiswe nere. 14Korende Yohana akarigia kwanga, agateeba, “Inche ndigetie kobatiswa naye, na aye kogocha ase ’nde?” 15Korende Yeso akamoiraneria, “Ancha ebe iga bono, ekiagera naboigo etogwenerete goikerania oboronge bwonsi.” Erio agwo Yohana akamwanchera. 16Na Yeso, ekero abatisirwe, agendererete gotiira korwa ase amaache ime; igoro ekamaanoka, na ere akarora Omoika o Nyasae ogoika buna riruma, ogocha igoro ase are. 17#Omoch 22:2; Zab 2:7; Isaya 42:1; Mat 12:18; 17:5; Mar 1:11; Luk 9:35Na rora, eriogi rikarwa igoro rigateeba, “Oyo nere Omwana one omwanchwa, oyio ngokirie nere.”
Currently Selected:
Matayo 3: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021