Matayo 2
2
Abageni korwa moocha
1Yeso nigo aiboretwe ase omochie o Bethlehemu ime ya Boyahudi, ase amatuko aria Herode arenge omorwoti. Matuko make igo nyuma kaiboirwe, abaringoria b’eching’enang’eni bagacha korwa moocha goika Yerusalemu. 2Erio bakaboria “Ng’ai are omwana oiborwe oyio orabe omorwoti bw’Abayahudi? Nigo twaroche eng’enang’eni yaye ekero yachete agwo igoro ime ya moocha, naende intwe nigo twachire komosasiima.” 3Ekero omorwoti Herode achia koigwa aya ere agaichana mono, nabo igo kera omonto ime ya Yerusalemu. 4Ere akabarangeria amo abakuani abanene bonsi amo n’aborokia b’amachiiko akababoria, “Narai gose Kristo araiborerwe?” 5Barabwo bakairaneria. Ase omochie o Bethlehemu ime ya Boyahudi, ekiagera aya naro omobani ariigete:
6 #
Mika 5:2
’Bethlehemu ase ense ya Yuda,
ase enchera ende yonsi aye tori moke ase egati y’emechie emenene ya Yuda;
ekiagera korwa ime yao nache omorai oyio orarae abanto baane ba Israeli.
7Erio Herode akarangeria abageni baria barwete moocha agatwara okoumerana kwa bobisi nabarabwo, erio akamanya korwa ase bare kegima chingaki eng’enang’eni eria yarorekanete. 8Akabatoma goika Bethlehemu, n’amang’ana akobwatia: “Genda morigie buya omwana oyio, ekero moramonyore ere, nainche momanyie, erio nainche boigo ingende komosasiima ere.” 9-10Ase igo barabwo bakarwa aroro, kobare nchera kogenda bakarora naende eng’enang’eni eria eria baroche ase ensemo ya moocha. Ekero barabwo bayeroche omogoko obo okabucha, inaki omogoko obo obete omonge! Ekabatang’ana, goika egatenena igoro aase omwana oria arenge. 11Bakagenda bagasoa nyomba, bakarora omwana amo na Mariamu ng’ina, bagatung’ama inse, bakamosasiima. Erio bagakuunora chinibo chiabo, bakamokwaneria ebinto ebiya, etaabu, na ubani, na manemane. 12Erio bakairana gochia soobo bakabwatia enchera eng’ao ekiagera Nyasae konya obakuureire ase chindoto nga tibairanera ase Herode.
Ogotamigwa kw’Omwana gochia Misiri
13Magega k’abageni baria bachiire, omomalaika bw’Omonene akaorokera Yusufu ase chindoto, akamoteebia, “Imoka korwa aa, oire omwana na ng’ina, otame gochia Misiri, omenye aroro goika ngoteebie, ekiagera Herode narigie omwana oyo anyare komoita.” 14Ere akaimoka botuko, akaira omwana oria na ng’ina, akagenda Misiri, 15#Hos 11:1akamenya aroro goika Herode agakwa, erinde rinyare goikerana eriateebetwe n’Omonene ase omonwa bw’omobani, “Korwa Misiri nkarangeria omwana one.”#Hos 1:11; Okong’ 4:22
Herode ogoita abana ba Bethlehemu
16Ekero Herode achia korora ng’a ochaayirwe n’ abaringoria baria b’eching’enang’eni, akaba nekeririanda ekenene mono, agatoma abanto goita abana abaisia bonsi abarenge Bethlehemu ne chinsemo chiaye chionsi, abwo barenge inse y’emiaka ebere, koreng’ana n’ekero keria atebetigwe n’abanto baria abang’aini. 17Ekero ekio rigaikerana eriatebetwe nomobani Yeremia,
18 #
Yer 31:15
“Eriogi riaigurwe Rama, okorera na okweumia.
Raeli nkoreera are abana baye,
tancheti akirigwe, ekiagera bonsi bakuure.”#Omoch; 35:16-20; Isaya 53:3; Ogok 5:31; Abaibr 1:3
Okoiranigwa kw’Omwana korwa Misiri
19Magega Herode gakuure, omomalaika bw’Omonene akamoorokera Yusufu aria Misiri ase chindoto, akamoteebia, 20“Imoka, oire omwana na ng’ina, mogende ase ense ya Israeli, ekiagera baria barenge korigia obogima bw’omwana bakuure.” 21Akaimoka, akaira omwana amo na ng’ina, akagenda ase ense ya Israeli. 22Korende agachia koigwa ng’a Arikelau obekirwe oborwoti Boyahudi ase ribaga ria Herode ise, akairoka kogenda aroro, korende erio gakuureirwe na Nyasae ase okorota, akagenda ensemo ya Galili. 23Akagenda, akamenya omochie oyomo okorokwa Nazareti, rinyare goikerana eriatebetwe nababani, “Igo ararokwe Omonazareti.”
Currently Selected:
Matayo 2: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021