Zekaria 7
7
Juk pi Kwiro Cam ku Cwiny Mandha Ngo
1Man etimbre i rundi mir ang’wende p’ubimo Dario, nia lembe pa Yehova wok ba Zekaria i ceng’ mir ang’wende mi dwi abung’wende, ma Kislev.#Kislev = dwi mir abung’wende mi Juyahudi, dwi apar acende ku mir arionde mi oro mwa. 2Nie dhanu mi Beth-el gioro Carezer man Regemmelek, ku dhanu migi, kara gikwai ngisi pa Yehova, 3man kara giwec ku julam mi ot pa Yehova mir udul, man ku jubila, giwac kumae, Maku aywak i dwi mir abije, m’akoira ko gira, calu abedatimo i rundi dupa maeni? 4Lembe pa Yehova mir udul ulund ubino i bang’a, m’uwacu kumae, 5Wac ni dhanu ceke m’i ng’om, man ni julam, wac kumae, Ka wuweko cam wuywak de i dwi mir abije man i dwi mir abirone, cil rundi pier abiro maeni, wukwiro cam ira pi gin moko, cil ira? 6Man ka wucamu, man ka wumadhu, wucamu iwu giwu ngo, man wumadhu iwu giwu ngo? 7Maku wuwinj lembe ma Yehova Lwong’o ku dhu jubila ma kwong’a ngo, ka dhanu bedo i Yerusalem man lembe bedo miero, kud adhurane m’utieke, man ng’om ma yor ariwa ma piny ku ng’om poga dhanu bedo i ie?
Camuco Ketho Gicidho i Ng’eca
8Man lembe pa Yehova bino ba Zekaria, m’uwacu kumae, 9Yehova mir udul uyero kumeni, ewacu kumae, Tim lembapoka mandha, man nyuth bero ku ngisi ku ba dhanu nzu ng’atuman ni wadi man ni wadi; 10man kud wuketh lembe bed tek ni dhaku ma cware tho, kadi ni kic, kadi ni umondo, kadi ni jucan; man i ng’atu moko m’i kindwu kud upid rac kum wadi i adundene.
11Ento gikwero winjo, man giloko ng’eigi, man gimio ithgi, kara ku giwinji, 12Eyo, giketho adundegi calu kidi ma tek, kara ku giwinj cik, ku lembe ma Yehova mir udul uoro ku Tipo pare ni kum jubila ma kwong’a: ka kumeno kwinyo ma dit uai ba Yehova mir udul. 13Man etimbre, kan elwong’o, man gikwero winjo, e gibilwong’o kumeca, man abiwinjo ngo, Yehova mir udul uwacu; 14ento abikethogi ku wavuvu i kind thek ceke ma fodi ging’eyo ngo. Ka kumeno ng’om ubedo ni uvuru i ng’eigi, ketho nia ng’atu moko mbe ma kadhu kud i ie kadi ma dwogo: kum gidwoko ng’om ma ber ni uvuru.
Currently Selected:
Zekaria 7: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.