Zekaria 2
2
Ginmawokiwang’ pa Jabila pi Ng’atu M’ubedo ku Thol mi Poropiny
1E ating’o wang’a malu, man aneno, man, nen, ng’atu moko ku thol mi poropiny i cinge. 2Alund awacu kumae, Icidho kani? Man ewacu ira kumae, Niporo Yerusalem, nineno karamb lacne, man karamb borne. 3Man, nen, malaika ma waweco wakude cidho woko, e malaika mange cidho woko nirombo kude, 4man ewacu ire kumae, Ringi, wec ku jalawobi maeni, wac kumae, Dhanu bibedo i Yerusalem, calu pacu ma gang’kidi mbe, kum udul dhanu ku lim ma ni ie, 5Kum an, Yehova wacu, abibedo ire ni gang’ mi mac m’utieke gbur, man abibedo ni dwong’ i diere.
Julwong’o Ju M’uai i Ng’eca
6E, e, piei kud i ng’om ma yor ariwa ma malu, Yehova wacu; kum alaluwu nge nge calu the yamu ang’wen, Yehova wacu. 7E Sayuni, bodhri, e in m’ibedo karacelo ku nya Babeli. 8Kum Yehova mir udul uwacu kumae: Pi dwong’ eora ba thek m’uyakuwu; kum ng’atu m’umulo wu emulo tong wang’e. 9Kum, nen, abiyengo cinga i wigi, e gibibedo ni ayeki ni ju m’utimo igi; e wubing’eyo nia Yehova mir udul uora. 10Wer man anyong’a negi, E nya Sayuni; kum, nen, abino, man abibedo i kindi, Yehova wacu. 11Man thek dupa gibiribri ba Yehova i ceng’ maeca, man gibibedo dhanu para; man abibedo i kindi, e ibing’eyo nia Yehova mir udul uora i beng’i. 12Man Yehova bicamu ker wi Yuda calu makapiny pare i ng’om ma leng’, man fodi ebigoyo wi Yerusalem. 13Kum ceke, wubed ling’ i wang’ Yehova; kum eceu kud i kabedo pare ma leng’.
Currently Selected:
Zekaria 2: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.