Matayo 18
18
Ng’a ma Dwong’ ma Sagu?
(Mk 9:33-37; Lk 9:46-48)
1 #
Lk 22:24
I saa nica julub gibino ba Yesu, giwacu kumae, Ka kumeno ng’a ma dwong’ ma sagu i ker m’i polo? 2Man elwong’o nyathin ma nyanok i bang’e ekethe de i kindgi, 3#Mk 10:15; Lk 18:17ewacu de kumae, Andha awacu iwu kumae, Tek wulokru ngo, wudoko calu nyithindho ma thindho de ngo, wubimondo i ker m’i polo ki ngo. 4Ka kumeno ng’atu ma tek bijwigre gire va nyathin ma nyanok maeni, ng’atuni e ma dwong’ ma sagu i ker m’i polo. 5Man ng’atu ma tek bijolo nyathin ma nok acel ma kumeni i nyinga meca ejolo an.
Gin ma Ketho Jukier
(Mk 9:42-48; Lk 17:1-2)
6Ento ng’atu ma tek biketho acel m’i kind nyithindho ma thindho maeni m’uyia ukier, en e kuloka ire tek jung’abu pom i ng’ute, ka juthung’e ko the nam.
7Can wi ng’om kum gin ma ketho jukier! kum ebedo kumeno nia gin ma ketho jukier ukoubin be; ento can wi ng’atu maeno ma gin ma ketho jukier uwok ni kume! 8#Mt 5:30Man tek cingi kadi tiendi ketho ikieri, thume woko, baye kud i kumi: e ber iri ya imond i kwo kud abala mi bot kadi mi tielo, sagu ma tek ibedo ku cingi ario kadi tielo ario ma jubibolo i mac ma rondo ku rondo. 9#Mt 5:29Tek weng’i de ketho ikier, kabe woko, baye cen kud i kumi: en e ber iri ya imond i kwo ku weng’i acel, sagu ma tek ibedo ku weng’i ario ma jubibayu i gehena mi mac.
Lembabola pi Rombo M’urwinyo
(Lk 15:3-7)
10 #
Lk 19:10
Nen nia kud wucai acel m’i kind ju ma thindho maeni: kum awacu iwu, ya malaika migi m’i polo gineno wang’ Vwa m’i polo thiri thiri. 11Kum Wod dhanu bino nilaru ju m’urwinyo. 12Wuwacu nyo ang’o? tek ng’atu moko bedo ku rombe dak acel, acel m’i kindgi de kiewo, eweko pier abung’wen wi abung’wen ungo, ecidho de wi got, man eyenyo maeno m’ukiewo ngo? 13Man tek ebedo kumeno nia enwang’e awacu iwu andha, mutoro nege i kume ma sagu mi pier abung’wen wi abung’wen m’ukiewo ngo. 14Kumeno en e yeny ma Wegwu ma ni i polo yenyo ngo, nia acel m’i kind ju ma thindho maeni urwiny.
Umego M’udubo
(Lk 17:3)
15 #
Lk 17:3
Man tek umeru dubo iri, cidh, inyuth ire dubo pare i kindwu wukude kendwu: tek ewinjoi, nwang’u wuripo kindwu wukud umeru. 16#Poi 19:15Ento tek ewinjoi ngo, gam ng’atu acel kadi ario mange wuci kugi, kara lembe ceke cung i jumulembe ario kadi adek. 17Man tek ekwero winjogi, yere ni kanisa: tek ekwero winjo kanisa bende, wek ebed iri calu Thekdhanumange ku won ajok bende.
Twio ku Gonyo
18 #
Mt 16:19; Yoh 20:23 Andha awacu iwu, Gin ceke ma tek wubitwio i ng’om bibedo atwia i polo; gin ceke ke ma tek wubigonyo i ng’om jubigonyo i polo. 19Kendo awacu iwu, nia tek juario m’i ng’om cwinygi ripo pi gin moko ma gikwayu, Vwa m’i polo biketho etimbre igi. 20Kum ka ma juario kadi adek gicokri ie karacelo i nyinga, anuti i kindgi kakeca.
Lembabola pi Jatic M’uweko Banja Ngo ni Wadi
21 #
Lk 17:3, 4 Petro lund ubino uwacu ire kumae, Rwoth, umira bidubo wang’ adi ira, m’awek ire woko? kadok wang’ abiro? 22#Tha 4:24Yesu wacu ire kumae, Awacu iri ngo kumae, Cil wang’ abiro; ento kumae, Cil pier abiro wang’ abiro. 23Ka kumeno ker m’i polo juporo kud ubimo moko m’uyenyo ekwan wel banja mi jumiru pare. 24Man kan emaku kwanu, jukelo ng’atu acel i bang’e, m’ucamu banja pare talanto#talanto = I nindo ma jugoro ie lembabola maeni nwang’u talanto nuti i ng’om Filistia ma acel yenyo romo shilling 4,000. rubanga apar. 25Ento kum ebedo ku gin moko ngo m’ecul, rwoth pare ng’olo ya jung’iewe, ku cege, ku nyithindho, ku gin ceke m’ebedo ko, man ecul wang’ banja. 26Ka kumeno jatic upodho piny erwo ire, ewacu kumae, Rwoth, twi cwinyi i kuma, man abiculo iri ceke. 27E rwoth pa jatic nino, ma ngisi nege, egonye, eweko ire banjane woko. 28Ento jamiru maeno ai, man enwang’u acel m’i kind jutic wagi, ma jabanja pare mi denarii dak acel: e emake, man edeyo dwande, ewacu kumae, Cul wang’ banjane. 29Kum kumeno jatic wadi podho piny epaku ire dhoge de, ewacu kumae, Koitwi cwinyi i kuma do, man abiculo iri. 30E eyio ngo: ento ecidho ecwale i odkol, maram ebiculo ko wang’ banjane. 31Kum kumeno ka jutic wadi gineno gin m’utimbre, can umakugi dit apila, man gibino giyero pi gin m’utimbre ni rwoth migi. 32E rwoth pare lund ulwong’e i bang’e, man ewacu ire kumae, In i jatic ma rac, aweko banja maeno ceke iri, kum ipaku dhogi ira: 33in ke emaku ngo itim ku ngisi kum jatic wedu, cil calu atimo ku kisa i kumi? 34E kwinyo maku rwoth pare, emie de ni jusend, maram ebiculo banja maeno ceke. 35E Vwa m’i polo bende bitimo iwu kumeno, tek wuweko kier mir umego woko ngo kubeng’wu kubeng’wu ku i adundewu.
Currently Selected:
Matayo 18: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.