MALEAKHI 3
3
1 #
Mat. 11:10; Mrk. 1:2; Luk. 1:76, 7:27 Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”
2 #
Yl. 2:11; Nin. 6:17 Tehu see hapu nakatatakak nai Manetualain fai mamain-na, ma natu'du aoinan-na? Nana, Ndia sama leo tuka manatao namaneu liti-a, ha'in-na, ma sama leo babu manasafe-sak-ka, sabun-na. 3Ana mai fo naketu-nala'di, sama leo hataholi manatao balisi, ma manapoli lilofulak-ka. Sama leo tuka liti esa, ana tao namaneu lilopilas ma lilofulak-ka, leondiak boe, Manetualain hataholi nadedenun-na, neukose ana tao namaneu basa imam-mala, fo ela ala tunu-hotu tutunu-hohotuk nenik enok fo Manetualain nahiik-kana. 4Boema sama leo nai tepo-lelek makahulun-na, neukose Manetualain nahiik tutunu-hohotuk fo laun Yehuda, ma laun Yerusalem-mala tunu-hotuk-ka.
5 Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”
Baba'ek 10 soona, fe baba'ek esa leo Manetualain neu
6“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa. 7Sama leo emi bei-bai kaim makahulun-nala, emi basa-basam-mala boeo la'ok sala neme Au hoholo-lalaneng mai, ma ta lilineka nai nakalala'on-na dalek fa.
Fali leo Au mai leon, soona neukose Au boeo fali leo emi neu. Tehu emi matane mae, ‘Ami muse tao leobeek, fo ami fali leo O meu?’ 8Besak ia, Au atane emi: Hataholi daebafak-ka, bole ke'di-ndiu Manetualain do ta? Tao leo bee-o, ta hetu. Tehu emi ke'di-ndiu Au boe. Emi matane mae, ‘Da'di, tao leo bee?’ Au ataa ae, Nai dede'ak, fo fe baba'ek esa neme 10 mai, ma nai fe tunu-hotuk-ka dalek. 9Basa leoina lala'en-na, ke'di-ndiu Au, de soo-supak-ka lae emi basa-basam-mala.
10 #
Im. 27:30; Bil. 18:21-24; Ul. 12:6, 14:22-29; Neh. 13:12 Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na. 11Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu. 12Soona, neukose basa leoina-la lafa'da lae, emi maua-manale, nana emi nusam-ma da'di mamana malole, soaneu leo-napalasan.”
Manetualain helu, Ana sue-lai
13 Manetualain nafa'da nae, “Emi dede'a-kokolam, tete'ek-ka nakamumulu-nakamamaek Au.” “Tehu emi matane mae, ‘Ami kokolak beek la'eneu O?’ 14Emi mafa'da mae, ‘Sosoa-ndandaan ta la'iesak-kana, sene-do'ok neu Manetualain. Sosoak hata, ita takalala'ok ita bela-ba'un soaneu Manetualain Fo Manakoasa, do tatu'dun tae, ita tasasale dale, neu ita salan-nala so? 15Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”
16Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.
17 Manetualain Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na. 18Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”
Currently Selected:
MALEAKHI 3: twu
Highlight
Share
Copy
Want to have your highlights saved across all your devices? Sign up or sign in