Popular Bible Verses from MALEAKHI 3

Share

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu. Soona, neukose basa leoina-la lafa'da lae, emi maua-manale, nana emi nusam-ma da'di mamana malole, soaneu leo-napalasan.”

MANETUALAIN Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na. Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

MANETUALAIN Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, MANETUALAIN fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”