RAROLOHANG 1
1
1 #
Luk. 1:1-4
I Teofilus makěndagẹ̌,
Su ral᷊ungu bukẹ̌ku humotong seng takụ nitualagẹ̌ kěbị apang kinoạ dingangu nitěntirong Yesus dokeng i Sie nanětạ u munaranʼE, 2sarang ěllo ini i Sie nasapuạ sol᷊ong sorga e. Kal᷊amonan i Sie nasapuạ sol᷊ong sorga e, dingangu kawasang Rohkẹ̌ u Ruata e, i Sie nẹ̌gěllịu manga sasal᷊ěntihọ su manga rarolohange apang kinapile. 3Sarangke i Sie napohong, karěngụeweng ěpạ u pul᷊o su ěllone i Sie masau měngonggọu ral᷊enge mal᷊ahẹ su manga rarolohange u i Sie mamben těngadẹ̌ biahẹ̌. I sire nakasilo si Sie dingangu i Sie nẹ̌bisarang sire mạanụeng kereapa Mawu Ruata e mẹ̌pẹ̌parenta kere sěngkatau Ratu. 4#Luk. 24:49 Kụ su tempo ene i Sie nẹ̌komol᷊ẹ̌ dingang i sire,#1:4: Su tempo ene i Sie nẹ̌komol᷊ẹ̌ dingang i sire: su tempong i sire nẹ̌komol᷊ẹ̌; arau su tempong i Sie kimaěng dingang sire. kụ i Sie nẹ̌parenta kere ini si sire, ”Abe pěměnsọ bọu Yerusalem. Pěngampal᷊ẹ̌ sene sarang i Amang měngonggọu kěbị apan seng niriandinʼE, apan seng Takụ nihabarẹ̌ si kamene su tempo tamai.
5 #
Mat. 3:11; Mrk. 1:8; Luk. 3:16; Yoh. 1:33 Batụ u i Yohanes e něnahani ringangu akẹ, arawe pira ěllo l᷊ai ramahi e, i kamene sarung sahaniang u Rohkẹ̌ u Ruata e.”
Mawu Yesus nasapuạ sol᷊ong sorga e
6Piạ e manga rarolohange mạkakomol᷊ẹ̌ dingang i Yesus, i sire e nakiwal᷊ọ e si Sie, ”Mawu, tempo ini e Mawu mapulu ngae měndarisị kapia Kararatuang u tau Israel?”
7Mawu Yesus simimbang, ”I Amang-Ku sẹ̌sane e němoěngu ěllone ringangu tempone. Tawahal᷊uasu i kamene masingkạ u hal᷊ẹ̌ ene, u ene kai hakẹ̌ i Amang. 8#Mat. 28:19; Mrk. 16:15; Luk. 24:47-48 Arawe i kamene sarung makahombang kawasa, kamagengu Rohkẹ̌ u Ruata e seng diměnta si kamene. Dingangu i kamene sarung makoạ manga sahidiku su Yerusalem, su kaguwạu Yudea, su Samaria, ringangu sarang pondol᷊u dunia.” 9#Mrk. 16:19; Luk. 24:50-51 Bọuten Mawu Yesus něhengetang kerene, i Sie nẹ̌těngkasapuạ sol᷊ong sorga e ikẹ̌kasilon sire, kụ piạ e winawa namikung si Sie, hakịu seng ta nikasilong sire.
10Piạ i sire reng kạdal᷊ingarane langị, su tempong i Yesus nẹ̌těngkasapuạ, sěngkělěndịu piạ duang katau pakeange mawira dụdarisị su sěmběkan sire. 11”E i kamene tau Galilea,” angkuěng i rẹ̌dua ene, ”unụe i kamene měngkate mạhundarisị sene rudal᷊ingara l᷊angị e? Mawu Yesus kụ nikasilong kamene nasapuạ sol᷊ong sorga e kụ kinasilo su těngong kamene e, sarungbe mẹ̌sul᷊e kapia ringangu kakakoạ e kerene, kerẹewe wuhu kinasilong kamene.”
Pěngangaweng si Yudas
12Bọu e manga rarolohang e nẹ̌sul᷊e kapia sol᷊ong Yerusalem bọu Wukidʼu Zaitun. Bukide ene, piạ u manga sěngkilo karaune wọu Yerusalem. 13#Mat. 10:2-4; Mrk. 3:16-19; Luk. 6:14-16 Su Yerusalem tangu i sire nakoạ sol᷊ong bal᷊e tampạ pạnumpangeng i sire, kụ dimangeng sol᷊ong kamarẹ̌ su wowone. Manga rarolohange, i Petrus dingang i Yohanes, i Yakobus dingang i Andreas, Filipus dingang i Tomas, Bartolomeus dingangʼi Matius, Yakobus anạ i Alfeus, Simon mẹ̌tatahutěndạ u wanua, dingangi Yudas anạ i Yakobus; 14kěbị e mang sěngkanaung mẹ̌tampung mẹ̌kal᷊iomaneng. I sire mẹ̌kal᷊iomaneng sěngkapẹ̌kal᷊iomaneng dingangu manga wawine pirang katau ringangʼi Maria i ninang i Yesus dingangu manga anạ u sěmbaụ i Yesus.
15Piạ su sahěllo, su tempong i sire kạtatampung – piạ u manga mahasụ duam pul᷊o su kataune nasongo e – i Petrus dimarisị mẹ̌deạu mẹ̌bisara. Ene i sie nẹ̌berạe, 16”Manga anạ u sěmbaụ! Apang kụ mạbawohẹ su Bukẹ̌ Susi e mambeng mariadi. Nạung su tempo kal᷊amona wọu i Daud, Rohkẹ̌ u Ruata e seng bọu naněbal᷊u kakakoạ i Yudas, těmbonang u taumata apan němpěnamẹ si Yesus ene. 17I Yudasẹ̌ e kai sěngkatau wọu i kitẹ, kụ i sie seng nipile mal᷊aing baugu měmunara ringang i kitẹ.”
(18#Mat. 27:3-8 I Yudasẹ̌ ini e seng nakaěbạ ěntana pěndal᷊ěbingange wọu roitʼu karakine ral᷊akisẹ̌. I sie nanawo kụ nate ringangu tiange naběse kụ sarang tinaine nasue nasẹ̌bang. 19Kal᷊awọu taumata apang měmpẹ̌tẹ̌tanạ su Yerusalem e masingkạ u hal᷊ẹ̌ ene. Kụ kai ene hakịu su werang sire ěntana ene isẹ̌sěbạ Akeldama, mangal᷊ene ’Ěntanan Daha’.)
20 #
Mzm. 69:26, 109:8 ”Batụ u su ral᷊ungu bukẹ̌ u Mazmurẹ̌ e piạ mạbawohẹ kere ini,
’Balạe kere pẹ̌tatanakenge kạtatanạ marěmasẹ̌;
kumbahang sarang piạu sěngkatau matanạ su ral᷊unge.’
Piạ l᷊ai mạbawohẹ kere ini,
’Balạete pangkate pakirol᷊ose su wal᷊ine.’
21-22 #
Mat. 3:16; Mrk. 1:9, 16:19; Luk. 3:21, 24:51 Ual᷊ingu ene, harusẹ̌ piạ sěngkatau tumol᷊e si kitẹ makoạ sahiding Mawu Yesus kụ seng nẹ̌bangung kapia wọu papate. Tau ene harusẹ̌be sěngkatau wọu tal᷊oarang taumata hanesẹ̌ dingangi kitẹ e su tempong i kitẹ tụtol᷊e si Yesus Kristus e walạewe sol᷊ong apa, dokeng i Yohanes nanětạ něnahani#1:21-22: Dokeng i Yohanes nanětạ něnahani: arau nanětạ i Yohanes něnahani si Sie. sarang tempong Mawu Yesus nasapuạ sol᷊ong sorga wọu tal᷊oarang kitẹ.”
23Tangu i sai-sain diměnta sene naněgu ruang katau, si Yusup nisunggahị lai si Barsabas (i sie isẹ̌sěbạ l᷊ai si Yustus), rẹ̌duan Matias. 24-25Mase i sire nẹ̌kal᷊iomaneng. Angkuěng i sire, ”Mawu, i Kau masingkạ u naungu kěbị taumata. I Yudasẹ̌ e kai nal᷊ohosẹ̌ bọu pangkate sěngkatau rarolohang, kutẹu selaing nate. Kụ lahẹko si kami, i sai wọu i rẹ̌dua ini nipilen Mawu ipẹ̌gěllirangu munara e ipěngaweng si Yudas.” 26Bọu e areng i rẹ̌dua pinẹ̌dal᷊ahurị e, mase lahurịe kai nihino si Matias. Tangu i sie nihengkẹ nakoạ darolohang tadeạu i sie sěngkapěmunara ringangu manga rarolohang i sire mapul᷊o ěsa.
Currently Selected:
RAROLOHANG 1: SXN
Highlight
Share
Copy
Want to have your highlights saved across all your devices? Sign up or sign in