Popular Bible Verses from RAROLOHANG 1

Share

Arawe i kamene sarung makahombang kawasa, kamagengu Rohkẹ̌ u Ruata e seng diměnta si kamene. Dingangu i kamene sarung makoạ manga sahidiku su Yerusalem, su kaguwạu Yudea, su Samaria, ringangu sarang pondol᷊u dunia.”

Mawu Yesus simimbang, ”I Amang-Ku sẹ̌sane e němoěngu ěllone ringangu tempone. Tawahal᷊uasu i kamene masingkạ u hal᷊ẹ̌ ene, u ene kai hakẹ̌ i Amang.

Kụ su tempo ene i Sie nẹ̌komol᷊ẹ̌ dingang i sire, kụ i Sie nẹ̌parenta kere ini si sire, ”Abe pěměnsọ bọu Yerusalem. Pěngampal᷊ẹ̌ sene sarang i Amang měngonggọu kěbị apan seng niriandinʼE, apan seng Takụ nihabarẹ̌ si kamene su tempo tamai. Batụ u i Yohanes e něnahani ringangu akẹ, arawe pira ěllo l᷊ai ramahi e, i kamene sarung sahaniang u Rohkẹ̌ u Ruata e.”

Sarangke i Sie napohong, karěngụeweng ěpạ u pul᷊o su ěllone i Sie masau měngonggọu ral᷊enge mal᷊ahẹ su manga rarolohange u i Sie mamben těngadẹ̌ biahẹ̌. I sire nakasilo si Sie dingangu i Sie nẹ̌bisarang sire mạanụeng kereapa Mawu Ruata e mẹ̌pẹ̌parenta kere sěngkatau Ratu.

Bọuten Mawu Yesus něhengetang kerene, i Sie nẹ̌těngkasapuạ sol᷊ong sorga e ikẹ̌kasilon sire, kụ piạ e winawa namikung si Sie, hakịu seng ta nikasilong sire.

Piạ i sire reng kạdal᷊ingarane langị, su tempong i Yesus nẹ̌těngkasapuạ, sěngkělěndịu piạ duang katau pakeange mawira dụdarisị su sěmběkan sire. ”E i kamene tau Galilea,” angkuěng i rẹ̌dua ene, ”unụe i kamene měngkate mạhundarisị sene rudal᷊ingara l᷊angị e? Mawu Yesus kụ nikasilong kamene nasapuạ sol᷊ong sorga e kụ kinasilo su těngong kamene e, sarungbe mẹ̌sul᷊e kapia ringangu kakakoạ e kerene, kerẹewe wuhu kinasilong kamene.”