Kutwula 8
8
1Kandi Yahova ya volera Musa Ingira ku Farao, na u mu volere Yahova a vola, U lakule avandu vange, va tsie kuntumekira. 2Kandi nu u va nu u sula kuvalakula va tsie, henza, nda duya kivala kyosi mu tsinzako tsitsyo na makere: 3na mugera gu lizula makere, aga li senuka nokwingira mu inyumba yoyo, nomu buliri bubwo, noku kitali kikyo, nomu tsinyumba tsya vatunnekiri vovo, noku avandu vovo, nornu mahiga gogo, nomu viju vyokulugira: 4Na makere ga la senuka ku ive, noku avandu vovo, noku avatumekiri vovo vosi. 5Na Yahova ya volera Musa, U volere Haruni, Nyira mukono gugwo nempimbo yoyo ku migera, noku visenukiru vya amadzi, noku madavalia, u senukidze makere ku kivala kya Egepeti. 6Na Haruni ya nyira mukono gwigwe ku amadzi ga Egepeti; na makere ga senuka, na ga kunika kivava kya Egepeti. 7Na avasegetiri va kola ndiyo nobusegetiri bwavo, na va senukidza makere ku kivala kya Egepeti.
8Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka. 9Na Musa ya volera Farao, Wekuminye ku inze mu inkuva yiyi: inyinga ki nda ku saalira ive, na vatumekiri vovo, na avandu u ovo, makere ga dividzwe kutwula ku ive na tsinyumba tsitsvo, na ga menye mu mugera vutswa. 10Naye ya vola, Mugamba. Na ya vola, Ga ve kuli likuva lilyo; u duke kumanya si ha veye nowundi u leng'ana na Yahova Nyasaye wetu. 11Na makere ga la twula ku ive, nomu tsinyumba tsitsyo, noku avatumekiri vovo, noku avandu vovo; ga la tigala mu mugera vutswa. 12Kunangwa Musa na Haruni va twula ku Farao: na Musa ya saala Yahova ku makere ga ya leta ku Farao. 13Na Yahova ya kola kuli likuva lya Musa; na makere ga kudza kutwula mu tsinyumba, no hamugidzi, nomu milimi. 14Na va ga vungidza mu vitumi, na kivala kya funya ubugundu. 15Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.
16Na Yahova ya volera Musa, U volere Haruni, U nyire impimbo yoyo na u duye ulugukyi lwa marova, lu duke kuva tsindaa mu kivala kyosi kya Egepeti. 17Navo va kola ndiyo; na Haruni ya nyira mukono gwigwe nempimbo yeye, na a duya ulugukyi lwe kivala, na ha li netsindaa ku vandu, noku mitugu; na lugukyi lwazi lwa marova lwa gwa tsindaa mu kivala kyosi kya Egepeti. 18Na vasegetiri va kola ndiyo nobusegetiri bwavo kuleta tsindaa, navutswa si va nyala mba: na tsindaa tsya li ku vandu, noku mitugu. 19Hene yaho avasegetiri va volera Farao Inkuva yiyi i veye kidete kya Nyasaye: na mwoyo gwa Farao gwa dinyeridzwa, naye si ya va hulira mba; kuli Yahova ya vola.
20Na Yahova ya volera Musa, U vuke mugamba mabwebwe, na u singire imbiri wa Farao; henza, a twulanga kutsia ku amadzi; na u la mu volera, Yahova a vola ndi, U lakule avandu vange va tsie kuntumekira. 21Kinga, nu u va nu u sula kuvalakula va tsie, henza, nda leta maduuma getsingi ku ive, noku vatumekiri vovo, noku avandu vovo, nomu tsinyumba tsitsyo: na tsinyumba tsya Avaegepeti tsi lizula maduuma getsingi, na kandi marova ga tsinyumba tsi veye kugo. 22Kandi ku lidiku yilyo ndavukanya kivala kya Goshen, ha avandu vange va menya, maduuma getsingi tsi vule kuva mu; ive u duke kumanya inze mbeye Yahova hagati helirova. 23Na nda vika lwako hagati ha avandu vange na avandu vovo: lilolekidza yili li la va lya mugamba. 24Na Yahova ya kola ndiyo; na maduuma getsingi madamano ga duka mu inyumba ya Farao, nomu tsinyumba tsya avatumekiri veve: nomu kivala kyosi kya Egepeti kivala kyononywa kigira maduuma getsingi.
25Na Farao ya langa Musa na Haruni, na a vola, Mu tsie, mu lombere Nyasaye wenyu isadaka mu kivala. 26Na Musa ya vola, Si ga ku dukira kukola ndiyo; kigira ku la lombera Yahova Nyasaye wetu isadaka yekivihiri kya Avaegepeti imbiri wetsimoni tsyavo: henza, ku la lomba isadaka yekivihiri kya Avaegepeti imbiri wetsimoni tsyavo, navo si va la ku lasa magina? 27Ku la tsia ulugendo lwa madiku kavaka mwigendinyama, na ku la lombera Yahova Nyasaye wetu isadaka, kuli a ku laga. 28Na Farao ya vola, Nda mu ha munwa kutsia kulombera Yahova Nyasaye wenyu isadaka mwigendinyama; navutswa si mu la tsia ihale mba: mu nsaalire. 29Na Musa ya vola, Henza, ntwulanga ku ive, na nda saala Yahova maduuma getsingi ga twule ku Farao, noku avatumekiri veve, noku avandu veve, mugamba: navutswa Farao a ta kola ubugadi kandi ku livula kulakula avandu va tsie kulombera Yahova isadaka. 30Na Musa ya twula ku Farao, na a saala Yahova. 31Na Yahova ya kola kuli likuva lya Musa; naye ya twulidza maduuma getsingi ku Farao, noku avatumekiri veve, noku avandu veve; si ha tigala nendala. 32Na Farao ya dinnya mwoyo; gwigwe inyinga yiyi kandi, na si ya lakula avandu va tsie mba.
Currently Selected:
Kutwula 8: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967