Kutwula 5
5
1Kandi inyima Musa na Haruni va tsia, ni va volera Farao, Yahova, Nyasaye wa Israeli a volanga ndi, U he avandu vange munwa va tsie, va duke kunombera lidiku lyelisangala mwigendinyama. 2Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia. 3Navo va vola, Nyasaye wa Vahebraina u vugani na kwinye: mwadza, u ku he munwa kutsia ulugendo lwa madiku gavaka mwigendinyama kulombera Yahova Nyasaye wetu isadaka; gase a la ku duya nobulwaye, kinga nekivavi. 4Na mwami wa Egepeti ya a va volera, Kigira ki mwinye, Musa na Haruni, mu twulidza avandu ku miyinzi gyavo? Mu tsie ku misigo gyenyu. 5Na Farao ya vola, Henzi, avandu vekivala va veye vanyingi, na mwinye mu va sosidzanga va leke misigo gyavo. 6Na ku lidiku yilyo Farao ya laga avasingiriri na avanyampara vavo ava li ku avandu, na a vola, 7Mu ta ha avandu kandi bunyasi bwokuvika mu matafali ga va lombanga, kuli matsyambiri: va tsie kwenya bunyasi avene. 8Na livalidzwa lya matafali ga va lombanga matsyambiri, li ve ndiyo kuvo; mu ta gehidza kuvo kali lilala, kigira va veye avagata; kigira yaga va kola liyoga, nokuvola, U ku he munwa kutsia kulombera Nyasaye wetu isadaka. 9Miyinzi midinyu kukira gyi vikwe ku avandu yava, va yinzire mugyo; va ta yeka ku makuva gobubehi.
10Na avasingiriri va avandu, halala na avanyampara vavo, va tsia ni va volera avandu, ni va vola Farao a volanga ndi, Si nda mu ha bunyasi. 11Mu tsie avene, mwenye bunyasi ha mu nyala kubunyola kigira si mu la gehidzirwa miyinzi gyenyu kali hakuzu. 12Ma avandu va salana mu kivala kyosi kya Egepeti kuvungidza uluvuva lwomulimi mbugono bwobunyasi. 13Na avasingiriri va va yugidza, ni va vola, Mu dukidze miyinzi gyenyu, lididikana lyenyu lya madiku, kuli lwa bunyasi bwa li ho. 14Na avanyampara va avana va Israeli, ava vasingiriri va Farao ya va vikira, va kuywa, ni va tevwa, Kigira ki mwinye si mu dukidzi lididikana lyenyu mgolova, na lero, kulomba matafali kuli matsyambiri?
15Hene yaho avanyampara va avana va Israeli, vadza ni va lira ku Farao, ni va vola, Kigira ki u koleranga ndi kwinye avatumekiri vovo? 16Kwinye avatumekiri vovo si ku hebeywi bunyasi mba, navo va ku volera, Lombi matafali: na, henza, kwinye avatumekiri vovo ku kuyangwa; navutswa lihyola yili ni lya avandu vovo avene. 17Navutswa ya vola, Mwinye mu veye avagata, mu veye avagata: kigira yaga mu volanga, U ku he munwa kutsia kulombera Yahova isadaka. 18Kalunu mu tsie kukola miyinzi; kigira si mu la hebwa bunyasi, navutswa mu la leta matafali kuli wa ga vedzanga. 19Na avanyampara va avana va Israeli va lola va li mu kivi, lwa va volerwa, Si mu la gehidzirwa kali lilala lya matafali, lididikana lyenyu lya madiku. 20Na va vugana na Musa na Haruni, va li ni va singiye ku inzira, lwa va twula ku Farao: 21ni va va volera, Yahova a henze mwinye, nokumukalagira; kigira mu koli mwoyo gwetu kudunyirwa imbiri wa Farao, na imbiri wa avatumekiri veve, kuvika kivavi mmukono gwavo kukwiita.
22Na Musa yirana ku Yahova, na a vola, Mwami, kigira ki u kolanga avandu vovo ubudamano? Kigira ki u ntumi? 23Kigira kutwula lwa nda tsia kuvolera Farao ku lieta lilyo, a va koleye ubudamano, kandi si u konyi avandu vovo mba.
Currently Selected:
Kutwula 5: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967