Kutwula 39
39
1Na ku luvusi lweblue, na lwekiorosadi, na lwenzakanyu va lomba tsingubo tsindahi, kutumikwa mu miyinzi mu hatakatifu, na va lomba tsingubo tsintakatifu tsya Haruni; kuli Yahova ya laga Musa.
2Kandi ya lomba kisibao, netsimbusi tsyethahabu, na tsyeblue, na tsyekiforosadi, na tsyenzakanyu, na tsyekatani indahi ya sitwa. 3Navo va duya ithahabu kuduka kuva tsimbale tsinyangu, ni va tsi kalaga nokulomba tsimbusi, va duke kutsisita halala netsimbusi tsyeblue, na tsyekiforosadi, na tsyenzakanyu, na tsyekatani indahi, miyinzi gyomusidza weligali. 4Na va lomba vidonye vyoku mavega vi hambanywa halala; mikanda gyavyo gyiviri gya hambanywa halala. 5Na lukanda lwokusitwa nobusidza, lwa li kukyo kukiboha, lwa li kindu kilala nakyo, na miyinzi gwa leng'ana nakyo; lwethahabu, lweblue, na lwekiforosadi, na lwenzakanyu, na lwekatani indahi ya sitwa; kuli Yahova ya laga Musa.
6Navo va lomba magina geberulo, ga vikwa mu viduku vyethahabu, ga vadzwa kuli livadza lyomuhuri, na ameta ga avana va Israeli. 7Na ya ga vika ku mikanda gyoku mavega gyekisibao, kuva magina gokwidzulitsira avana va Israeli; kuli Yahova ya laga Musa.
8Na ya lomba isalamba yomukiritu nemiyinzi gyomusidza ligali, kuli miyinzi gyekisibao; yetsimbusi tsyethahabu, na tsyeblue, na tsyekiforosadi, na tsyenzakanyu, na tsyekatani indahi yasitwa. 9Ligera lyayo lya leng'ana tsimbega tsyosi; va lomba isalamba yomukiritu yokulingwa mu kaviri; ubutambi bwayo bwa li ligera lyokutwula ku kidete kinene kuduka ku kyenyasi, na bugalamu bwayo bwa li ndiyo, na ya li yokulingwa mu kaviri. 10Na va handidza muyo tsimbaso tsine tsyamagina. Luvaso lwokutanga lwa li ligina lyakanyu, na itopazi, na lisembe, yaga ga li mu luvaso lwokutanga; 11na uluvaso lwa kaviri, lwa li zumaradi, na isafiro, na limasi; 12na luvaso lwa kavaka, lwa li kuakinso, na lisalago, na amasusito, 13na luvaso lwa kane iberulo, na ijazaa, na ijasipi: Ga handidzwa mu ithahabu mu viduku vyago. 14Na magina ga li kuli ameta ga avana va Israeli, likumi na gaviri, kuli ameta gavo; kuli livadzwa lyomuhuri sa mulala kuli lieta lilye, getsihiri likumi na tsiviri. 15Na va lomba ku isalamba yomukiritu, minyoro kuli lisitwa lyomugoye gwethahabu indahi. 16Na va lomba vyulu viviri vyethahabu, na tsimingiri tsyethahabu, na va vika tsimingiri tsiviri ku mikanda gyiviri gyesalamba. 17Na va vika minyoro gyiviri gya sitwa gyethahabu mu tsimingiri tsiviri tsya li ku mikanda gyesalamba yomukiritu. 18Na tsisonga tsindi tsyeminyoro gya sitwa, va tsi vika mu viduku viviri, na va vi vika ku tsinkanda tsyekisibao ku mavega imbiri. 19Na va lomba tsimingiri tsiviri tsyethahabu, na va tsi vika ku mikanda gyesalamba yomukiritu, kundulu kwayo ku luvega lwa isi ku kisibao. 20Na va lomba tsimingiri tsiviri tsyethahabu, na va tsi vika ku mikanda gyekisibao gyoku mavega gombi, isi wakyo ku luvega lwembiri, himbi nobuhambaniru bwakyo, igulu womusipi gwekisibao gwa sitwa nomusidza. 21Na va boha isalamba yomukiritu netsimingiri tsyayo ku tsimingiri tsyekisibao nomugoye gwoluvusi lweblue, i menye ku musipi gu sitwa nobuidza, gwekisibao, na isalamba yomukiritu i vule kwavukanywa na k'isibao; kuli Yahova ya laga Musa.
22Na ya lomba ijoho yekisibao, ya sitwa yosi yeblue; 23na bwa li ubwiyangu hagati hejoho, kuli ubwiyangu bu vedzanga mu likoti lyekivya, na luliga lwa sitwa kuvodonkana ubwiyangu bwayo, i vule kutanduka, 24Na va lomba ku lukigiti lwejoho, makomamanga geblue, na kiforosadi, na inzakanyu, na ikatani indahi i sitwa. 25Kandi va lomba vikuli vyethahabu indahi na va vi vika hagati ha makomamanga ku lukigiti lwejoho tsimbega tsyosi, hagati ha makomamanga, 26kikuli na likomamanga kikuli na likomamanga, ku lukigiti lwejoho kugikumbiridza tsimbega tsyosi, va tumekira mu; kuli Yahova ya laga Musa.
27Na va lombera Haruni na avana veve makoti gekatani indahi ya sitwa, 28na igudwa yekatani indahi, na vigudwa vilahi vyekatani indahi na tsisurali tsyekatani indahi yekatani ya sitwa, 29Na musipi gwekatani indahi ya sitwa, yeblue, na yekiforosadi, na yenzakanyu, miyinzi gyomusidza wokulomba ubusalago; kuli Yahova ya laga Musa.
30Na va lomba kibale kyetaji intakatifu kyethahabu indahi, na va ng'oda kukyo mang'oda kuli livadzwa lyomuhuri, MUTAKATIFU KU YAHOVA. 31Na va vika kukyo mugoye gweblue, kukiboha ku igudwa ku luvega lwegulu; kuli Yahova ya laga Musa.
32Na ndiyo miyinzi gyosi gyelihema lyokuvuganira mu, gya malilidzwa: na avana va Israeli va kola kuli gosi ga Yahova ya laga Musa; va kola ndiyo. 33Na va leta ku Musa lihemaj Lihema, na viju vyalyo vyosi, na visunga vyalyo, na tsimbao tsyalyo, na tsinzidzi tsyalyo, na tsitiru tsyalyo, na vyokusingeridza ku vyalyo; 34Na kikuniko kyetsingubo tsya magondi makole tsyabuulwa irangi inzakanyu, na kikuniko kyetsingubo tsyelitsivi, na ingubo yokukinga; 35na lisanduku lyelilolekidza, na misala gyokuginga gyalyo, na intebe yetsimbabasi; 36imeza, na viju vyayo vyosi, na ubukima bwokumanyira; 37na kinara kilahi kyetaya, na tsitsya tsyakyo, kali tsitaya tsyokulohidzwa, na viju vyatsyo vyosi, na maguta getsitaya; 38na ubwali bwethahabu, na maguta gokuvaka, na kimuli kilahi, na ingubo yokukinga yomuliango gwa Lihema; 39na ubwali bwomugasa, na kikereko kyomugasa, na misala gyabwo, na viju vyabwo vyosi, na lwero, na bwikaliru bwalwo; 40na tsingubo tsyokusunga tsyomugidzi, na tsitiru tsyagwo, na vyokusingeridza ku vyatsyo, na ingubo yokukinga kiribwa kyomugidzi, na migoye gyagwo, na vivambo vyalyo, na viju vyosi vyokutumikira mu lihema na vyelihemalyokuvuganiramu; 41na tsingubo tsindahi tsyobutumiki mu hatakatifu, na tsingubo tsintakatifu tsya Haruni musalisi, na tsingubo tsya avana veve, kutumikira mu miyinzi gyobusalisi. 42Kuli gosi ga Yahova ya laga Musa, na ndiyo avana va Israeli va kola miyinzi gyosi. 43Na Musa ya lola miyinzi, henza, va mala kugyikola; kuli Yahova ya laga va kola ndiyo; na Musa ya va gasidza.
Currently Selected:
Kutwula 39: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967