Kutwula 37
37
1Na Bezaleli ya lomba lisanduku lyomusala gwe kikuma: ubutambi bwalyo bwa li ligera lyamakono gaviri na inusu, na ubugalamu bwalyo bwa li ligera lyomukono mulala na inusu, na ubudiguluku bwalyo bwa li ligera lyomukono mulala na inusu: 2naye ya li handidza ku ithahabu indahi mugati na ikyova, na ya li lombera itaji yethahabu kuvodonkana tsimbega tsyosi. 3Na ya li lombera tsimingiri tsine tsyethahabu, ku tsikorna tsyalyo tsine, tsimingiri tsiviri ku luvega lulala, na tsimingiri tsiviri ku luvega lundi. 4Na ya lomba misala gyokuginga gwomusala gwe kikuma, na ya handidza ku ithahabu. 5Na ya vika misala mu tsimingiri tsya li mmbalu mwalyo kuginga lisanduku. 6Na ya lomba intebe yetsimbabasi yethahabu indahi: ubutambi bwhayo bwa li ligera lyamakono gaviri na inusu, na ubugalamu bwayo bwa li ligera lyomukono nulala na inusu. 7Na ya lomba vakerubi vaviri vethahabu; ya va lomba nemiyinzi gyokutuula, ku viheri viviri vyentebe yetsimbabasi; 8mukerubi mulala ku kiheri kilala na mukerubi ku kiheri kindi: ya va lomba ku kindu kilala nentebe yetsimbabasi ku viheri viviri vyayo. 9Na vakerubi va nyira tsimbaha igulu, va kinga intebe yetsimbabasi netsimbaha tsyavo, na mmoni mwavo mwa henzana; uyu na uyu; na mumoni mwa vakerubi mwinama kuhenza intebe yetsimbabasi.
10Kandi ya lomba imeza yomusala gwe kikuma: ubutambi bwayo bwa li ligera lyamakono gaviri, na bugalamu bwayo bwa li ligera lyomukono mulala, na ubudiguluku bwayo bwa li ligera lyomukono mulala na inusu: 11naye ya handidza ku ithahabu indahi, na ya gi lombera itaji yethahabu kugikumbiridza tsimbega tsyosi. 12Kandi ya lomba lukigiti lwayo kukumbiridza tsimbega tsyosi lwobugalamu bwalwo bwa li ligera lyevidete vine, na ya lu lombera itaji yethahabu kulukumbiridza tsimbega tsyosi. 13Na ya gi lombera tsimingiri tsine tsyethahabu, na ya tsi vika mu tsikorna tsine tsya li ku virenge vyayo vine. 14Na tsimingiri zana tsya li himbi ku lukigiti, tsi ve hokuvikira misala gyokuginga imeza. 15Na ya lomba misala gyokuginga ku musala gwe kikuma, na ya handidza kugyo ithehabu, kuginga imeza. 16Na ya lomba viju vya li ku imeza, tsisahani tsyayo, na vijiko vyayo, na tsindavo tsyayo, na vikombe vyokutsukira, vya lombwa nethahabu indahi.
17Na ya lomba kinara kyetaya kyetbahabu indahi: ya lomba kinara kyetaya nemiyinzi gyokutuula, bwikaiiru bwakyo, na musala gwakyo; na vikombe vyakyo, bwevumbu bwakyo, na vimuli vyakyo, vyosi vya li vyekindu kilala: 18na tsya li netsisya tsitano na lulala tsya twula mmbalu mwakyo; tsitsya tsivaka tsyekinara kyetaya tsya li ku luvega yilu, na tsisya tsivaka tsyekinara kyetaya tsya li ku luvega yilwo: 19vikombe vivaka vya lombwa kuli vimuli vyomutsyulu mu lusya lulala, bwevumbu na kimuli, na vikombe vivaka vya lombwa kuli kimuli kyomutsyulu ku lusya lundi, bwebumbu na kimuli: na ndiyo tsisya tsitano na lulala tsya twula ku kinara kyetaya. 20Na mu kinara kyetaya vikombe vine vya lombwa kuli vimuli vyomutsulyu, bwevumbu bwavyo, na vimuli vyakyo; 21na bwevumbu bwa li isi wetsitaya tsiviri bwekindu kilala na bwevumbu bwa li isi wetsitaya tsiviri bwekindu kilala, kandi bwevumbu bwa li isi wetsitaya tsiviri bwekindu kilala, ku tsisya tsitano na lulala tsya twula kukyo. 22Bwevumbu bwakyo na tsisya tsya li kindu kilala: kinara kya li kindu kilala kyemiyinzi kyokutuula kyethahabu indahi. 23Kandi ya lomba tsyakyo tsitano na tsiviri, na visiminyiru vyakyo, na tsisahani tsyevisiminyiru, vyosi vyethahabu indahi. 24Ya ki lomba halala na viju vyakyo vyosi vyetalenta yethahabu indahi.
25Kandi ya lomba ubwali bwokuvuyidza kimuli bwomusala gwe kikuma: ubutambi bwabwo bwa li ligera lyomukono mulala, na ubugalamu bwabwo bwa li ligera lyomukono mulala, bwa li ubuleng'anu, na ubudiguluku bwabwo bwa li ligera lyamakono gaviri; na tsinziga tsyabwo tsya li tsyekindu kilala nabwo. 26Na ya handidza ku ithahabu indahi ku luvega lwegulu, na mmbalu mwabwo tsimbega tsyosi, na tsinziga tsyabwo; na ya bu lombera itaji yethahabu kubukumbiridza tsimbega tsyosi. 27Na ya bu lombera tsimingiri tsiviri tsyethahabu isi wetaji yabwo, mmbalu mwabwo mwombi ku tsimbega tsyabwo tsyombi, tsi ve hokuvikira misala gyokubuginga. 28Na ya lomba misala gyokugipga gyomisala gwe kikuma, na ya handidza ku ithahabu. 29Na ya lomba maguta matakatifu gokuvaka, na kimuli kilahi kyevifunyanga mwayu mulahi, kuli ubusidza bwomutsukanyi wevifunyanga mwayu.
Currently Selected:
Kutwula 37: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967