Kutwula 29
29
1Kandi yiki ni kya u la va kolera kuvatakasa, va ntumekire mu miyinzi gyobusalisi: u vugule igiriki isoleri indala na magondi makole gaviri madukana, 2na ubukima bu ta li na mamera, na mkate gu ta li na mamera gu duvulwa halala na maguta, na vyapati vi ta li na mamera na vyavakwa na maguta: u la vi lomba nobusie bwengano. 3Na u la vi vika mu kihinda kilala, nokuvileta halala negiriki na magondi makole gaviri. 4Na u la leta Haruni na avana veve ha kiliango kyelihema lyokuvuganira mu, na u la va singa mmadzi. 5Na u la vugula tsingubo, nokuvika Haruni likoti, na ijoho yekisibao, na kisibao, na isalamba yomukiritu, nokumuboha nomusipi mulahi gwekisibao; 6na u la vika igudwa ku mutwe gwigwe, na itaji intakatifu u la vika ku igudwa. 7Ma u la vugula maguta gokuvaka, nokutsuka ku mutwe gwigwe, nokumbaka. 8Kandi u la leta avana veve, nokuvavika makoti. 9Na u la va boha nemisipi, Haruni na avana veve, nokuvavika vigudu: navo va la va nobusalisi ku lilaga lyemihiga nemihiga: na ive u la takasa Haruni na avana veve.
10Na u la leta igiriki imbiri welihema lyokuvuganira mu: na Haruni na avana veve va vika makono gavo ku mutwe gwegiriki. 11Na u liita igiriki zana imbiri wa Yahova, ha kiliango kyelihema lyokuvuganira mu. 12Na u la vugula masahi gegiriki nokugavika ku tsinziga tsyobwali nekidete kikyo; na u la tsuka masahi gosi ha zana isi wobwali. 13Na u la vugula maguta gosi aga kunikanga vyanda, na inderwa i veye igulu ku likudumane, na tsimbigu tsiviri, na maguta ga veye kutsyo, nokuvisamba vyosi ku bwali. 14Navutswa inyama yegiriki, na lisero lyayo, na ubose bwayo, u la vi sambira kyova wa hokusosa: vi veye kihaanwa kyobwoni.
15U la vugula ligondi likole lilala, na Haruni na avana veve va la vika makono gavo ku mutwe gwalyo. 16Na u liita ligondi likole, na u la vugula masahi galyo, nokwuha ku bwali kukumberidza kundulu kwabwo. 17Na u la donyanya ligondi nokwogidza vyanda vyalyo, na virenge vyalyo, nokuvivika halala na vidonye vyalyo, na halala na mutwe gwalyo. 18Na u la samba ligondi likole lyosi ku bwali: li veye kihaanwa kyokusambirwa Yahova: ki veye kyafunya mwayu, kihaanwa ki sambeywi nomuliru ki ve kya Yahova.
19Kandi u la vugula ligondi likole lindi, na Haruni na avana veve va la vika makono gavo ku mutwe gwalyo. 20Ma u liita ligondi likole yili, nokuvugula masahi galyo, nokugavika ku isonga yogutu gwa Haruni gwomukono mulungi, noku tsisonga tsyamatu gomukono mulungi ga avana veve, noku videte vinene vyavo vyemikono milungi, noku vino vyavo vinene vyevirenge vilungi, nokwuha masahi ku bwali tsimbega tsyosi. 21Na u la vugula ku masahi aga veye ku bwali, noku maguta gokuvaka nokwuha ku Haruni, noku tsingubo tsitsye, noku avana veve, noku tsingubo Isyavo halala naye: naye a la takaswa, netsingubo tsitsye, navana veve, netsingubo tsyavana veve halala naye. 22Kandi u la vugula maguta geligondi likole, no musembe gwalyo, na maguta ga kunika vyanda, na inderwa i veye ku likudumani, na tsimbigu tsiviri, na maguta aga veye kutsyo, na kinama kyomukono mulungi (kigira li veye ligondi likole lyokutakasa), 23na u la vugula ubukima imango indala, na mukati mulala gwamaguta, na kyapati kilala, mu kihinda kyobukima bu ta li na mamera ki veye imbiri wa Yahova: 24na u la vi vika vyosi mu makono ga Haruni, nomu makono ga avana veve, na u la vi hungudza vi ve kihaanwa kyokuhungudzwa imbiri wa Yahova. 25Na u la vi twulidza ku makono gavo, nokuvisamba isadaka iveye ku bwali bwokusamba vihaanwa, vi ve vifunya vilahi imbiri wa Yahova: ki veye kihaanwa kyokulombwa no muliru ku Yahova.
26Kandi u la vugula kididimu kyeligondi likole lyokutakasa lya Haruni, nokukihungudza ki ve kihaanwa kyokuhungudzwa imbiri wa Yahova: nakyo ki la va kidieli kikyo. 27Na u la takasa kididimu kyekihaanwa kyokuhungudzwa, na kinama kikyekihaanwa kyokudigululwa, ki hungudzangwa, na ki digululangwa kyeligondi likole lyokutakasa, kali yiki ki veye kya Haruni, na yiki ki veye kya avana veve: 28navyo vi la va vya Haruni na avana veve, kidieli kyavo kyemihiga nemihiga ki twulanga ku avana va Israeli; kigira ki veye kihaanwa kvokudigululwa: na ki la va kihaanwa kyokudigululwa; ki twulanga ku avana va Israeli mu vihaanwa vyavo vyevihaanwa vyemirembe vyavo, kali vihaanwa vyavo vyokudigululwa ku Yahova.
29Na tsingubo tsintakitifu tsya ki Haruni, tsi la va tsya avana veve inyima wewe, va vakwe maguta va tsiivika, nokutakaswa va tsiivika. 30Madiku gatano na gaviri mwana wewe a vedzanga musalisi mu bugono bwibwe a la tsiivika inyinga yingira mu lihema lyokuvuganira mu kutumika mu hatakatifu.
31Kandi u la vugula ligondi likole lyokutakasa, nokulideka inyama yalyo mu hatakatifu. 32Na Haruni na avana veve va la lia inyama yeligondi likole, nobukima bu veye mu kihinda, ha kiliango kyelihema lyokuvuganira mu. 33Na va la lia vindu yivyo vyo kukunika ubwoni lya lombwa navyo, kuvavika ku miyinzi gyobutakatifu, nokuvatakasa: navutswa mugeni si a la lia ku mba, kigira vi veye vitakatifu. 34Kandi ni ki va ni ki tigala kindu kilala kyenyama yokutakasa, kinga kyobukima, kuduka mugamba, u vi sambe nomuliru vyosi vi tigala: vi ta libwa mba, kigira vi veye vitakatifu.
35Na ndiyo u la kolera Haruni na avana veve, kuli gosi ga nda ku laga: madiku gatano na gaviri u la va takasa. 36Na ku lidiku sa lilala u la haana igiriki yekihaanwa kyobwoni hyokukunika ubwoni: na u logidza ubwali, inyinga u bu lombera kyokukunika ubwoni; na u la bu vaka maguta kubutakasa. 37Madiku gatano na gaviri u la lombera ubwali kyokukunika ubwoni, nokubutakasa: na ubwali bu la va butakatifu ligali; vindu sa kilala ki dira ubwali ki la va kitakatifu.
38Na vihaanwa vya u la haana ku bwali ni yivi: avana va magondi avomuhiga mulala, vaviri, lidiku na lidiku kazozo. 39Mwana weligondi mulala u la haana mugamba; na mwana weligondi wundi u la haana mgolova: 40na halala na mwana weligondi mulala u la haana vigero vibaka vyobusie bunyuki bwa tsukanywa namaguta malahi gekidieli kilala ku vine vyehin; na kidieli kilala ku vine vyehin yewaini vi ve kihaanwa kyokunwa. 41Na mwana weligondi wundi u la haana mgolova, na u la kola kuli kihaanwa kyobusie kyomugamba, kandi kuli kihaanwa kyokunwa, vi ve vyokufunya bulahi, kihaanwa kyokulombwanomuliruku Yahova. 42Ki la va kihaanwa kyokusambwa kya kazozo mu visukululwi vyenyu ha kiliango kyelihema lyokuvugarira mu imbiri wa Yahova, ha nda vugana nemwinye kukuvolera ha zana. 43Na ha zana nda vugana na avana va Israeli; na Lihema li la takaswa nobukumi bwange. 44Na nda takasa lihema lyokuvuganira mu, na kandi ubwali: kandi Haruni na avana veve nda va takasa, va ntumekire mu miyinzi gyobusalisi. 45Na inze nda menya halala na avana va Israeli, na nda va Ny asaye wavo. 46Navo va la manya inze mbeye Yahova Nyasaye wavo, wa va leta kutwula mu kivala kya Egepeti, nduke kumenya halala navo: mbeye Yahova Nyasaye wavo.
Currently Selected:
Kutwula 29: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967