Kutwula 24
24
1Kandi Yahova ya volera Musa, Wanegire ku Yahova, ive, na Haruni, na Nadabu, na Abihu, na makumi gatano na gaviri ku vakulundu va Israeli; na mu sigamire Yahova ihale: 2na Musa yeng'ine a lisunda himbi ku Yahova; navutswa yavo va vule kuduka himbi; kandi avandu va vule kwanegira halala naye. 3Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola. 4Kunangwa Musa ya ng'oda makuva gosi ga Yahova, ma ya vuka mugamba tsuri, na yombaka bwali isi wekigulu, na minara likumi na gyiviri, kuli livalidza lyetsihiri likumi na tsiviri tsya Israeli. 5Naye ya tuma avandu avasoleli ku avana va Israeli, ava haananga tsisadaka tsyokusambwa, na va viitira Yahova tsisadaka tsyemirembe tsyetsing'ombe. 6Na Musa ya vugula ku masahi lihingikani, na a ga vika mu vituva; na likingikani ya guuha ku bwali. 7Ma ya vugula kitabu kyelilagana, na a somera mu livugana lya avandu; navo va vola, Yaga gosi aga Yahova a ku voleye ku la ga kola, na ku la ga hulira. 8Kandi Musa ya vugula masahi na a guuha ku avandu, na a vola, Henza, masahi gelilagana, lya Yahova a lomba nemwinye ku makuva yaga gosi.
9Hene yaho Musa, na Haruni, na Nadabu, na Abihu, na avakulundu makumi gatano na gaviri va Israeli vanegira: 10navo va lola Nyasaye wa Israeli; na isi wevirenge vivye ha li kuli lilombwa lya magina gesafiro, na amalengeru kuli ligulu lyene. 11Kandi si ya vika mukono gwigwe ku avanene va avana va Israeli: navo va lola Nyasaye, ni va lia nokunwa.
12Na Yahova ya volera Musa, Wanegire ku inze mu kigulu, u ve ho: na inze nda ku ha tsimbao tsyamagina, na likalaga na malago ga nng'odi, ive u duke kugegidza. 13Na Musa ya vuka, na Joshua mutumekiri wewe; na Musa yanegira mu kigulu kya Nyasaye. 14Naye ya volera avakulundu, Mwikale hano kukulinda, kuduka lwa kwirana ku mwinve kandi: na henza, Haruni na Huru va veye halala na mwinye; ku mwinye vosi u veye nelikuva, a tsie kuvo. 15Na Musa yanegira mu kigulu, na lilesi lya kinga kigulu. 16Na ubukumi bwa Yahova bwikala ku kigulu kya Sinai, na lilesi lya ki kinga madiku gatano na lilala: na lidiku lya gatano na gaviri ya langa Musa nomwoyo gwa twula mu lilesi. 17Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli. 18Na Musa yingira mu lilesi, ni yanegira mu kigulu: na Musa ya li mu kigulu madiku makumi gane, mbasu nobudiku.
Currently Selected:
Kutwula 24: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967