Kutwula 23
23
1U ta ginga makuva gobubehi: u ta vika mukono gugwo halala nomwoni kuva mulolekidzi wobukyamu. 2U ta londa kiduma kukola ubwoni: kandi u ta kola lilolekidza lilyo mu likuva kugirunkana nokulonda kiduma kukyaminya likalaga: 3kandi u telidza mudedekere mu likuva lilye.
4Nu u va nu u lola ing'ombe yomusigu wowo kinga isukiri yeye gotanga, ligali u giranye kuye kandi. 5Nu u lola isukiri ya uyu u ku dunyiranga, musigo ni gu gwiye kuyo, na ive nkano u tegaya u vule kugikonya, ga ku dukira kugikonya halala naye.
6U ta kyaminya likalaga lyomudaka mu likuva lilye. 7Weyahule u ve ihale na makuva gobubehi; tiita yavo ava ta li nekindu kuvo na avalungi: kigira si nda ha avadamano ubulungi. 8Kandi u ta vugula vikukula: kigira vikukula vi vakulidzanga tsimoni tsya yavo ava lolanga, nokukyaminya makuva ga avalungi. 9Kandi mu ta dambidza mumenya: kigira mu manya mwoyo gwomumenya, kigira mwa li avamenya mu kivala kya Egepeti.
10U la midza ubugutsa mu kivala kikyo mihiga gyitano na mulala, nokugesa lyama lyabwo: 11navutswa muhiga gwegitano na gyiviri ki sose nokwelemeridza; avadaka mu avandu vovo va lie: na vya va leka tsinyama tsyombulimu tsi lie. Kandi u la kola ndiyo ku mulimi gwa mazabibu, no gwemizeituni. 12Madiku gatanona lilala u la kola miyinzi gyigyo, na lidiku lya gatano na gaviri u la kola lisabato; ing'ombe yoyo na isukiri yoyo tsi sose, na mwana wa mukana mutugwa, na mugeni va duke kwelemeridza 13kandi mu vyosi vya mmu voleye mu hulire: na mu ta tala lieta lya vanyasaye avandi, kandi li ta hulirwa mu munwa gwugwo.
14Hali kavaka ku muhiga mulala u nombere lilia. 15Mu la lomba lilia lyobukima bu ta li na mamera: madiku gatano na gaviri u la lagira ubukima bu ta li na mamera, kuli nda ku laga, mu inyinga ya tovolwa mu mweli gwa Abibu (kigira mu yigu wa twula mu Egepeti); kandi ha ta va nomundu u loleka imbiri wange vutswa: 16kandi lilia lyeligesa, ubuhya bweliyinzira lilyo, bwa wa midza mu mulimi: kandi lilia lyokutera, ku kiheri kyomuhiga, lwa u vungidza miyinzi gyigyo kutwula mu mulimi. 17Hali gavaka mu muhiga avasatsa vovo vosi va la loleka imbiri wa Mwami Yahova.
18U ta leta masahi gesadaka yange halala nobukima bwa mamera; kandi maguta gelilia lyange ga ta tigala kuduka mugamba mba. 19Bwokutanga bwobuhya bwomulimi gugwo u la leta mu inyumba ya Yahova Nyasaye wowo. U ta dekera kimeme mu maveere ga mama wakye.
20Henza, ntumanga ingelosi u ange imbiri wowo, a ku linde ku inzira, nokukuleta wingire ha nku lombeye. 21U gelihe imbiri wewe, na u hulire mwoyo gwigwe; u ta mu vihiriridza; kigira si a li mu sameha mahyolo genyu: kigira Iieta lyange li veye muye. 22Navutswa nu u hulira mwoyo gwigwe, noku kola gosi aga mbolanga; hene yaho nda va musigu wa avasigu vovo na musaliridzi wa yavo ava ku saiiridzanga. 23Kigira ingelosi wange a lemira imbiri wowo, nokukuhila wingire ku Avaamori, na Vahiti, na Vaperizi, na Avakanani, na Vahivi, na Vajebusi: kandi nda va dividza. 24U tinama kusigamira vanyasaye vavo, kinga kuvatumekira, kinga kukola kuli likola lyavo; navutswa u la va dividza ligali, na minara gyavo u la vunanya. 25Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho. 26Si ha la va nowononnya livereka, kinga mugumba, mu kivala kikyo; na livalidza lyamadiku gogo nda ga dukidza. 27Nda tuma litihidza lyange imbiri wowo, na nda dividza avandu vosi ava u duka kuvo, na nda kola avasigu vovo vosi va girunkannye migongo gyavo ku ive. 28Na nda tuma mahalamba imbiri wowo, ga la kunga Avahivi, na Avakanani, na Avahiti, va twule imbiri wowo. 29Si nda va kunga nokuvatwulidza imbiri wowo mu muhiga mulala, gase kivala ki la tigala vutswa, na tsinyama tsyomigendinyama tsi la medekakukunyangidza. 30Ndava kunga nokuvatwulidza imbiri wowo galaha, galaha, kuduka ive u medeke nokulia kivala. 31Na nda vika lwako lulwo kutwula Inyanza Inzakanyu kuduka ku inyanza ya Avafilisiti, kandi kutwula ku kyangalangwi ku duka ku Mugera: kigira nda vika avandu avomkivala mu mukono gwenyu; na ive u la va kunga imbiri wowo. 32Ive u ta kola lilagana navo, kinga na avanyasaye vavo. 33Si va la menya mu kivala kikyo, gase va la ku kola kukolera inze ubwoni; kigira nu u va nu u tumekira avanyasaye vavo, ligali inkuva yiyi i la va mutego ku ive.
Currently Selected:
Kutwula 23: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967