Kutwula 1
1
1Yaga ga veye ameta ga avana va Israeli, ava duka mu Egepeti, umundu sa mulala na avenyumba yeye vadza halala na Yakobo: 2Rubeni, Simeoni, Levi, na Yuda, 3Isakari, Zebuloni, na Benjamini, 4Dan na Nafitali, Gadi na Asheri. 5Na vosi ava twula munda mwa Yakobo va li avandu makumi gatano na gaviri: na Yosefa va li na a veye mu Egepeti. 6Na Yosefa ya kudza, na avamwavo veve vosi, na vosi velikula zana. 7Na avana va Israeli va li nolwivulu ligali, ni va medeka munonono, nokuduka kuva vanyingi ligali, nokunyola tsingulu tsinyingi ligali; navo vizula kivala.
8Kunangwa mwami muhya ya singira ku kivala kya Egepeti, wa vula kumanya Yosefa. 9Naye ya volera avandu veve, Henza, avandu va avana va Israeli va veye vanyingi, kandi va veye netsigulu kuvita kwinye: 10hambi, ku va kolere ubugeeri; gase va la medeka, na ga duke, inyinga yobulwani va la hambana na avasigu vetu, nokulwana na kwinye, nokutwula mu kivala. 11Kunangwa va vika kuvo avasingiriri kuvadambidza nemisigo gyavo. Navo vombakira Farao madala gokuvika mu ubutugi, Pithom na Ramesese. 12Navutswa kuli va meda lidambidza kuvo, na ndiyo kandi va kira kumedeka, nokulanda. Na va vihirirwa kigira avana va Israeli 13Kunangwa Avaegepeti va tuga avana va Israeli ubutugwa ubudinyu: 14na va kola liva lyavo bululu ku butugwa butinyu, ku miyinzi gyobudohi na gyamatafali, na gyemilimi ku tsing'ano tsyosi, ubutugwa bwavo bwosi, yibwo bwa va va tugwa mu nobutugwa budinyu ligali.
15Kandi mwami wa Egepeti ya volera avivulidzi va Vahebraina, avomulala ya langwa Shifira, na wundi ya langwa Pua: 16naye ya va volera, Lwa mwivulidzanga avakali va Vahebraina, nokuvalola mu livula; ni i va a veye mwana muyai, ma mu mwiite; navutswa ni i va a veye mukana, ma a la va mwoyo. 17Navutswa avivulidzi va li ava tia Nyasaye, navo si va kola kuli mwami wa Egepeti ya va ha munwa, navutswa va linda avayai va ve mwoyo. 18Na mwami wa Egepeti ya langa avivulidzi yavo, na a va teva, Kigira ki mu koli inkuva yiyi, nokulinda avana avayai va ve mwoyo? 19Na avivulidzi va volera Farao, Kigira avakali va Avahebraina si va veye kuli avakali va Avagepeti; kigira vivula bwangu, na vivulanga mwivulidzi na a kikiri kuduka kuvo. 20Na Nyasaye ya kolera avivulidzi yavo bulahi: na avandu v a medeka, ni va kira kuva netsingulu tsinyingi. 21Kunangwa, kigira avivulidzi va li ava tia Nyasaye, ya va singeridzira avetsinyumba. 22Na Farao ya laga avandu veve, na a vola, Avana avayai vosi avivulwa mu va te mu mugera, na avana avakana vosi mu la va linda kuva mwoyo.
Currently Selected:
Kutwula 1: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967