Zekariya 11
11
1Lebanona, udihuli asuku aye
Dia dja ntshumba esasi aye.
2Utamba a woto li!, uleli, ne dia usasi
wamboko,
Ndu ne dia etamba wʼamena
wambulanyema.
Elungu wa la Bashana li! nyuleli,
Ne dia ukunda a wulu wambunyukwama.
3Tukuku tʼalelu tʼalami wʼekoko toso!
Ne dia lutumbu lawo lambulanyema.
Dikita dia esongo wa tambwe so!
Ne dia utaku wa Jorodana
wambukitshakitehama.
Wela wʼAlami wa Dinginya wʼEkoko
4Latuyalaka, Unyashungu ami, kata ati: Ulesha limba lʼekoko wakasonwama dia ndjakema. 5Wane watesumbaka, wetediakaka aha la unungu; wane watesundjaka, watutaka vati: Latuyalaka atumbwami! ne dia shu tambuyala akanga wʼengonyi; alami awo hita, hawuweuki ketshi. 6Dimi haluka wane wudjashi lu kete ku ketshi ntu, mbata Latuyalaka. Dimi layukimo untu lʼuntu lu lunya la unyandi, lu lunya la khumʼekanga kandi. Vo wayulanya kete, keli dimi haluwatshungula nduku otoi uma lʼanya awo.
7Osoku dimi lakalesha limba lʼekoko wakasonwama dia ndjakema, mete ekoko weli la pa wa lʼatei a limba. Dimi lakose alanga ahendi: lakole dimotshi nti: Ngandji ka Mamba, la dikina nti: Kame. Ku dimi lakalesha limba lʼekoko. 8Lu ngondo otoi, dimi lakadiaki alami wʼekoko asatu, ne dia utema ami aki la uhasuhasu dikambu diawo; ndu etema awo wakampetsha. 9Ku dimi lakati nti: Dimi haluyala ulami anyu: one wahumba mvo, wavu; one wahumba ndjakema, wadiakemi; ndu ene wambutshikala, okoko lʼokoko ali umunyi wa unyandi. 10Dimi lakose danga diami “Ngandji ka Mamba”, lakadiokola tenyi pendi, dia dimi nanya sheki yami, yakamadji la wedja tshe. 11Dio diakokwama lu lushi lako; ku amenyi fone wa lu limba lʼekoko watumambalaka, wambulimbitela vati: Dio diaki diui dia Latuyalaka. 12Dimi lakawatela nti: Naka nyu nangaka, nyumbisha difutu diami; keli naka kema, nyukimeli. Ku wakambisha difutu diami toshekele ta fesa akumi asatu. 13Latuyalaka akamvutela ati: Utudji lu eumbelu — ushinga wʼololo wakamafutama uma le wo. Ku dma lakose toshekele ta fesa akumi asatu,#11:13 Mat. 27:9-10. lakatudji lu eumbelu, lu luudu la Latuyalaka. 14Ku dimi lakokola danga diami dikina “Kame”, dia dimi mpimbula uwuto lʼasa Juda la Isariyele.
15Latuyalaka akamvutela ati: Umosa dihumo diʼulami wʼekoko wʼenginya. 16Ulungi, dimi layutundja ulami wʼekoko omotshi la kete, lahenda wako wambudiakema, kuyanga nyanga wako wakahandiwama, kana nkonoya ene wambuhumo, kuyanga ndesha ene weli la wulu. Keli ndi ayole emunyi wʼekoko weli la wata; ayatshatsha sanga yawo betshi betshi.
17Mananu kayali le ulami wʼekoko
wʼanyanya
Latutshikaka limba lʼekoko.
Yombo yakote lunya landi,
Ndu yakote su diandi dia lunya la
pami.
Lunya landi lumi tu,
Su diandi dia lu lunya la pami diayali
tshungu tshu.
Currently Selected:
Zekariya 11: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991