Zekariya 10
10
Latuyalaka Ambutshungula liudja Andi
1Nyolombe mvula uma le Latuyalaka
Lu etena ka mvula ka ndjihelu,
Uma le Latuyalaka latutungaka
angadimu,
Ndu latutumelaka antu lanyuki la
mvula
Lu tumbatumba dia lu dikambo.
2Dikishi diatutaka aui wʼanyanya;
Asaki wʼawulu watenaka akambu wa
kashi.
Amenyi wʼalo watusakulaka alo wa
lukesu.
Vo watusambaka antu anyanya.
Okone wudja vatekekoka uku ekoko,
Watuyalaka la asui, ne dia vo kema
la ulami.#10:2 Mat. 9:36; Mak. 6:34.
3Kele kami kamboheta uku dja le
alami wʼekoko.
Dimi layusuya elombodi,
Ne dia dimi Latuyalaka Kanga
lulimbilimbi
Latulamaka limba lami lʼekoko,
khumbu ka Juda.
Dimi layuwaete uku falasa yami
yʼamena ya lu ta.
4Uma le wo, kayutumba dive dia
tshuku;
uma le wo, kayutumba seti;
Uma le wo, kayutumba eta wa ta;
Uma le wo, kayutumba ambuledi tshe
kame.
5Vo wayuyala uku ahuka a wulu,
Wayohotshahotsha atunyi awo
Lu loteke la lu esese lu ta.
Vo wayolo ta, ne dia Latuyalaka eko
kame la wo.
Ku vo wayutsha ambahemi wahemi
lu falasa sonyi.
6Dimi layukikitsha kbumbu ka Juda,
Layushimbela khumbu ka Josefu.
Dimi layakaluya ne dia dimi mbaukaka
ketshi.
Vo wayuyala uku akiwo ntundu
latawatshanya,
Ne dia dimi leli Latuyalaka,
Unyashungu awo.
Dimi layuwaukela.
7Ku wane wʼuma lʼEfarayima wayuyala
uku ahuka a wulu.
Etema awo wayuyala la ongenongeno
Uku wane wudjwi wanu.
Anʼawo wayena dikambu diako, ku
vo wayongenangena.
Etema awo wayongenangena otekoya
le Latuyalaka.
8Dimi layuwaeta la hyungi, ndu
layasanganya,
Ne dia dimi lakatshungula.
Vo wayufulanela uku akawafulanela
lu nshi ya ntundu.
9Kuyanga dimi lakahandjula lʼatei a
wedia,
Vo wayulumbuhoka lu wedja wʼetali.
Vo wayulumba kame la anʼawo,
wayukalula.
10Dimi layutuwaosa ntu uma lu kete
ya Edjibitu,
Layasanganya uma lʼAsuriya.
Dimi layuwaela lu kete yi Ngiliyade,
la ya Lebanona,
Edja ndu dihuli hadiuyutanema dia vo
mbidjase.
11Vo wayuteho ashi a waki wa Edjibitu
Wayokomola asukhu wʼashi a waki,
Ku ehongo tshe wa Nile wayuma.
Utaku wa Asuriya wayoko,
Danga dia diulelu dia Edjibitu
diayumo.
12Dimi layuwakikitsha le Latuyalaka.
Vo wayuyala la ukhumu lu lukumbu landi,
mbata Latuyalaka.
Currently Selected:
Zekariya 10: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991