MALAKHI 1
1
Ka jingieit U Blei ïa u Jakob
1Ka jingkit ka ktien U Trai ha ki Israel da u Malakhi.
2 #
Isa. 34:5-17; 63:1-6; Jer. 49:7-22; Ese. 25:12-14; 35:1-15; Amo. 1:11,12; Oba. 1:1-14. #
Rom. 9:13. “Nga la ieit ïa phi,” ong U Trai. “Pynban, phi ong, ‘Ha kaei me la ieit ïa ngi?’ Hato u Esau#1:2 u Esau: Ha ki Kitab kiba shakhmat la pyndonkam da ka kyrteng Iso. um shym ïadei shipara bad u Jakob?” ong U Trai: “pynban, ïa u Jakob nga la ieit; 3hynrei, ïa u Esau nga la isih, bad nga la pynlong kynjah ïa ki lum jong u, bad nga la ai ïa ka bynta jong u ha ki myrsiang ka ri khlaw.” 4Namar ba ka Edom ka ong, “La shoh pynkyllon ïa ngi, hynrei, ngin phai pat bad ngin tei ïa ki jaka kynjah”; kumne u ong U Trai ki paid, “Kin tei, hynrei, nga, ngan pynkyllon: bad ki briew kin khot ïa ki ‘Ka muluk ka jingbymman’, bad ‘U paidbah ba U Trai u don ka jingbitar lep ïa ki junom.’ 5Bad ki khmat jong phi kin ïohi, bad phi ong, ‘Ai ba yn pynkhraw ïa U Trai sha lyndet ka pud ki Israel.’ ”
U Blei u sneng tyngeh ïa ki lyngdoh
6“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?” 7“Phi ainguh da u kpu uba sang halor ka duwan jong nga. Te phi ong, ‘Ha kaba kumno ngi la leh sang ïa me?’ Ha kaba phi ong, ‘Ka miej U Trai ka long kaba ñiewbeiñ.’ 8#Deu. 15:21.Bad haba phi ainguh da u bamatlah ban long ka jingkñia, kam long sniew ei ei! Bad haba phi ainguh da u ba-dkoh bad u bapang, kam long sniew ei ei! To ai ïa kata mynta ha la u nongsynshar; un sngewbha uta ïa me? lane un pdiang sngewbha ïa ka khmat jong me?” ong U Trai ki paid. 9“Te mynta, nga kyrpad ïa phi, to kyrpad ïa ka khmat U Blei, ba un isynei ïa ngi: kane ka la long namar jong phi keiñ: hato un pdiang sngewbha ïa ka khmat jongno jongno na phi?” ong U Trai ki paid. 10“A ban da don uwei hapdeng jong phi u ban khang ïa ki jingkhang, ba phin ym lah ban sliew ding thala ha ka duwan jong nga! Ngam don jingsngewbha shuh ha phi,” ong U Trai ki paid, “lymne ngan ym pdiang ïa ka jingainguh na ka kti jong phi. 11Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid. 12“Hynrei, phi, phi pyntngit ïa ka, ha kaba phi ong, ‘Ïa ka miej U Trai la pynsang, bad ïa u soh jong ka, wat ka jingbam jong ka, ka long kaba ñiewbeiñ.’ 13Phi ong ruh, ‘Ha khmih, katno kaba shitom ka long!’ Bad phi iwbeiñ ïa ka,” ong U Trai ki paid; “bad phi la wallam ïa kata kaba la shim da ka bor, bad ïa u ba-dkoh, bad ïa u bapang; kumne keiñ, phi wallam ïa ka jingainguh: nga dei ban pdiang sngewbha ïa kane na ka kti jong phi?” ong U Trai. 14“Hynrei, to long ba la tim ïa uta u nongleh phon, uba don u shynrang hapdeng ki langbrot jong u, bad u kular skhem, te u kñia ha U Trai da kaba sang: naba nga long u syiem u bakhraw,” ong U Trai ki paid, “bad ka kyrteng jong nga ka long kaba sngewsheptieng hapdeng ki Jentil.”
Currently Selected:
MALAKHI 1: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India