MARIKO 10
10
Yesu yechesia khukokhulekhana khwomusaatsa nomukhasiwe
(Mat. 19:1-12; Luka 16:18)
1Kho olwa Yesu yarulaho yatsia mungongo tsia Yuda nende injelekha womwalo kwa Yorodani. Mana abemikanda nibakhung'a ewa yali, ne nabeechesia, shinga olwa yakholanga buli lwosi.
2Mana Abafarisayo nibamulondakhwo. Ne khulwa okhumuteema bamureeba bari, “Lilako lifuchilila omusaatsa okhulekhana nomukhasiwe noho?” 3Yesu nabakalusia nabareeba ari, “Nishiina eshia Musa yamulaka okhukhola?”
4 #
Okhuk. 24:1-4; Mat. 5:31 Nabo nibamukalusia bari, “Musa yafuchilila omusaatsa okhuhandichila omukhasiwe ibarwa yokhulekhana ninaye nende okhumuloonda.”
5Ne Yesu nababoolela ari, “Khulwa obuumilanu bwemioyo chienywe, kachila Musa yamuhandichila inywe lilako elo. 6#Obucha. 1:27; 5:2Nebutswa okhurula khukhuchaaka khweshialo, ‘Nyasaye yabalonga, omusaatsa nende omukhasi.’ 7#Obucha. 2:24‘Kho khulwa eshifune eshio, omusaatsa okhuula alalekhanga samwana nende nyina, mana ahambana nomukhasiwe, 8nabo boosi babili balabetsanga omubili mulala.’ Kho shibashili babili khandi tawe, habula nomubili mulala. 9Khulweshio, aba Nyasaye aliimaasiye halala, omundu namundu alabakabukhasinjia tawe.”
10Ne olwa bali nibali munzu, abeechi bamureeba khandi khwikhuwa elo. 11#Mat. 5:32; 1 Abakor. 7:10,11Naye nababoolela ari, “Omusaatsa yesi yesi oulekhana nomukhawe ne nateeshia omukhasi undi, akhola obuheyi namwonoonela omukhasiwe. 12Kata omukhasi naba niyelukha nalekhana nomusaatsawe ne nateeshela omusaatsa undi, omukhasi oyo yesi khandi akhola obuheyi.”
Yesu asabila abaana abatiiti ikhabi
(Mat. 19:13-15; Luka 18:15-17)
13Ne abandu bandi bali nibareeranga abaana abatiiti khu Yesu mbu abarekhwo amakhono. Ne abeechibe nibabahalabila. 14Nebutswa olwa Yesu yalola ario, yasinyikha, nababoolela ari, “Leshe abaana abatiiti betse khwisie, shimulabekalila ta, okhuba Obwami bwa Nyasaye nobwa abandu shinga abaana bano. 15#Mat. 18:3Emuboolela toto mbu, omundu yesi yesi oulenjisia Obwami bwa Nyasaye shinga omwana omutiiti ta, shialinjilakhwomwo kata nahatuutu tawe.” 16Mana nababukula, nabarakhwo emikhonochie ne nabasabila ikhabi. .
Omusaatsa omuyinda
(Mat. 19:16-30; Luka 18:18-30)
17Ne olwa Yesu yachaaka okhutsia, omusaatsa undi yetsa tsimbilo nasikama imbeliwe ne namureeba ari, “Omwechesia Omulayi, nishiina eshiekhoyile okhukhola kho mbu enaamilwe obulamu bweinziayo?”
18Naye Yesu namureeba ari, “Nishiina eshichila niwunanga mbu, omulayi? Abulaho omundu omulayi ta, habula Nyasaye yenyene. 19#Okhur. 20:13; Okhuk. 5:17; Okhur. 20:14; Okhuk. 5:18; Okhur. 20:15; Okhuk. 5:19; Okhur. 20:16; Okhuk. 5:20; Okhur. 20:12; Okhuk. 5:16Iwe omanyile amalako akaboolanga mbu, ‘Shioleranga omundu ta; Shiolaheyanga ta, Shioleebanga ta, Shiolachikhanga owashio ta, Shiolabeeyanga, Ohelesinjie papawo nende mamawo oluyali.’ ”
20Mana omusaatsa oyo namukalusia ari, “Omwechesia, ekholanga ako koosi okhurula mububuukha bwanje.”
21Naye Yesu namuhenga, namyheela, ne namuboolela ari, “Oshileemanga eshindu shilala, tsia okusie ebioli ninabio biosi, ohelesie abamanani, mana witse unondekhwo, ne olaba nelibishilo mwikulu.” 22Ne Olwa omusaatsa oyo yahulila amakhuwa ako, yakhuunia obwenibwe, ne narulaho natsia nasinyiishe muno, shichila yali nobuyinda obunji.
23Kho Yesu nahenga eyi nende eyi, ne naboolela abeechibe ari, “Bwakhabe obutinyu muno khubali nobuyinda okhwinjila Mubwami bwa Nyasaye!”
24Mana abeechibe nibahuchisibwa namakhuwake, nebutswa Yesu yababoolela khandi ari, “Abaana banje, nobutinyu muno okhwinjila Mubwami bwa Nyasaye! 25Nobiangu muno ingamia okhubira munduhu yeyisindani, okhushila omundu omuyinda okhwinjila Mubwami bwa Nyasaye.”
26Mana abeechibe nibahuchisibwa muno, ne nibamureeba bari, “Kho ounyala okhuhonibwa niwiina?”
27Yesu nabahenga, ne nababoolela ari, “Khubandu shikanyalikha ta, nebutswa khu Nyasaye, kanyalikha, shichila amakhuwa koosi kanyalikhanga khu Nyasaye.”
28Petero nachaaka okhuboolela Yesu ari, “Lola, khwalekha biosi nikhukhulondakhwo.”
29Yesu nababoolela ari, “Emuboolela toto mbu, abulaho omundu yesi yesi owalekha inzu, noho abasiani babwe, noho abakhaana babwe, noho nyina, noho samwana, noho abaana, noho emikunda khulwanje khandi kulwa Injiili, 30owakhachweye okhunyoola ebindu bino, tsinzu, nende abasiani babwe, nabakhana babwe, nabanyina, nabaana, nemikunda, akhandi eshikhumi shilala mutsinyanga tsino, halala nende okhusandibwa tawe. Ne khandi mutsinyanga tsiolunyuma, yakhanyoole obulamu bweinziayo. 31#Mat. 20:16; Luka 13:30Nebutswa abeimbeli abanji bakhabe abeinyuma, nabo abeinyuma bakhabe abeimbeli.”
Yesu aboola khu kokhufwakhwe olwa khataru
(Mat. 20:17-19; Luka 18:31-34)
32Yesu nende abeechibe bali khumuhanda nibatikulukhanga okhutsia Yerusalemu. Ne Yesu yali niyemiile nali imbeli wabwe. Mana abeechibe nibang'ang'aala. Abali nibamulondakhwo nibaria. Ne nabukula abeechi ekhumi nababili, yachaaka khandi okhubaboolela akali niketsa okhwikholekha khuye. 33Naboola ari, “Lole, khutsitsanga Yerusalemu. Ne Omwana womundu alahaanwa khubakhulundu babesaaliisi nende khu abahandichi bamalako. Nabo balamukhalachila eshiina shiokhufwa, nibamuhaana khubandu aba Amahanga. 34Nabo Abamahanga balamutseshelela, nibamunyilikhakhwo amare, nibamunywekha tsikhoba, nende okhumwiira. Ne olunyuma lwetsinyanga tsitaru, alalamukha okhurula mubafu.”
Aka Yakobo nende Yohana basaba
(Mat. 20:20-28)
35Mana Yakobo nende Yohana, abaana ba Zebedayo, basita ahambi nende Yesu, nibamuboolela bari, “Omwechesia, khwenya mbu okhukholele liosi liosi elia khukhusaba.”
36Yesu nabareeba ari, “Nelilena elia mwenya mbu emukholele inywe?”
37Nabo nibamukalusia bari, “Okhufuchilile mbu khwikhale, mulala khumukhonokwo omusaatsa, ne oundi khumukhonokwo omukhasi, muluyalilwo.”
38 #
Luka 12:50
Nebutswa Yesu yabakalusia ari, “Shimumanyile elia musabanga tawe. Mana inywe munyala okhunywa eshikombe eshia isie nditsa okhunywa, noho okhubatiisibwa shinga olwa isie ndabaatiisibwa?”
39Nabo nibamukalusia bari, “Khunyala.” Naye Yesu nababoolela ari, “Eshikombe eshia isie enywa, mulanywakhwo, khandi mulabatiisibwa shinga olwa isie ndabatiisibwa. 40Nebutswa akokhwikhala khumukhono kwanje omusaatsa noho khumukhono kwanje omukhasi, shikali akanje isie okhuhaana ta, habula Nyasaye niye owakhakahaane khubayarecheshela obwikhalo obwo.”
41Ne olwa abeechi ekhumi abo bahulilakhwo, bachaaka okhusinyishila Yakobo nende Yohana. 42#Luka 22:25,26Kho Yesu nabalanga boosi mbu betse ewa yali, nababoolela ari, “Mumanyile mbu abakhoyile okhuruka Abamahanga, barukanga nibabasitohela, ne abakhongo babwe abo babamanyisinjia mbu, bali nobunyali khubo. 43#Mat. 23:11; Mrk. 9:35; Luka 22:26Ne shikakhabekhwo kario mwinywe ta, 44habula owenya okhuba omukhongo mwinywe, okhuula abe omukhalabani waboosi. 45Okhuba Omwana womundu shiyayetsa okhukhalabanilwa ta, nebutswa yetsa okhukhalabana nende okhuhaana obulamubwe okhuba omurungo khulwa obununulwi bwabandu abanji.”
Yesu ahonia omubofu Batimayo
(Mat. 20:29-34; Luka 18:35-43)
46Mana nibetsa Yeriko. Ne olwa Yesu yali narulangayo, nali nabeechibe nende omukanda kwabandu omukhongo. Ne omwana wa Timayo owalangwa mbu, Batimayo, omubofu wasabasabanga, yali niyekhaale khundulo womuhanda. 47Ne olwa yahulila mbu ni Yesu wa Nazareti, owali nabiranga aha yali, yachaaka okhuyiiba nalanjilisia ari, “Yesu! Omwana wa Daudi! Umbeele tsimbabasi!”
48Ne abandu abanji khubo bamuhalabila, nibamuboolela mbu aholeele. Naye nameeta okhulanjilisia okhushilakhwo naboola ari, “Omwana wa Daudi, umbeele tsimbabasi!” 49Mana Yesu niyema, ne naboola ari, “Mulanje yetse.” Nibalanga omubofu oyo, nibamuboolela bari, “Yuma ikholo, sinjila, Yesu akhulanganga.”
50Kho nasukuna inguboye eyo ne naruuka niyetsa wa Yesu yali.
51Naye Yesu namureeba ari, “Nishiina eshia wenya mbu ekhukholele?” Ne omubofu oyo namukalusia ari, “Omwami, ekhusaaya mbu, ukhoonye enyalilwe okhulola.”
52Yesu namuboolela ari, “Tsia. Obusuubilibwo bukhuhoniye.”
Mana habwene nahabwene omubofu oyo nachaaka okhulola ne nalonda khu Yesu.
Currently Selected:
MARIKO 10: OLUPR
Highlight
Share
Copy
Want to have your highlights saved across all your devices? Sign up or sign in