MATAYO 24
24
Yesu aboola khukokhusasibwa okhwa Ihekalu
(Mrk. 13:1-2; Luka 21:5-6)
1Yesu yarula muhekalu, ne olwa yali natsitsanga, abeechibe nibetsa ewa yali nibamumanyia amombakho aka Ihekalu. 2Naye nabakalusia ari; “Toto mulolanga amombakho kano koosi? Emuboolela toto mbu, shililatong'akhwoho kata lichina elala nilili khulindi tawe, koosi kalakwisibwa hasi.”
Amatinyu nende Obusandibwi
(Mrk. 13:3-13; Luka 21:7-19)
3Olwa Yesu yali niyekhaale khushikulu shia Miseituni, Abeechi betsa khuye mabiswi nibamureeba bari, “Khuboolelekhwo mbu, ako kakhekholeshe liina? Ne neshilolelo shiina eshiakhamanyie okhwitsakhwo nende okhuula khweshihesi shiolwibulo luno?”
4Mana Yesu nabakalusia naboola ari, “Mube meeso, omundu aleshe okhumukoyasiakhwo tawe. 5Okhuba abandu abanji bakhetse muliira lianje nibaboola bari, ‘Nisie Kristo,’ ne bakhakoyasie abandu abanji. 6Ne olwa mwakhahulile kamahe, nende kamahe nikarumbulwa buli habundu, shimulahendakhwo tawe, okhuba ako kakhoyile okhwikholekha, nebutswa shikamanyisinjia mbu kho eshihesi shiulile tawe. 7Amahanga kalakhupana akeene khukeen, khandi oburuchi bulaseerana obwene khubwene. Inzala nende okhurenga khweshialo bilaba buli habundu. 8Ebindu ebio biosi bili shinga okhuchaaka khwomukhasi okhulumwa inzibula.
9 #
Mat. 10:22
“Nabo abandu balamutiila inywe nibamuyila mukhusandibwa ne nibamwiira. Abamahanga kandi boosi balamusila khulwa isie. 10Abanji balalekha okhusuubilila isie, ne nibakhobana nende okhusilana abeene khu beene. 11Khandi abalakusi bobubeeyi abanji balabuushilamwo nibakoyasia abandu abanji. 12Ne khulwa okhumeetekha okhwobumayanu, obuheeli bwabanji bwakhatiitiye. 13#Mat. 10:22Nebutswa oyo owakhefwile okhuula khushihesi yakhahonibwe. 14Habula eshihesi nishishili okhuula, Amakhuwa Amalayi aka Obwami bwa Nyasaye kano, kakhayaalwe mushialo shiosi, mbu kabe obuloli khubandu bamahanga boosi.
Amatinyu amakhongo kokhuhuchisia
(Mrk. 13:14-23; Luka 21:20-24)
15 #
Dan. 9:27; 11:31; 12:11; 1 Mak. 1:54; 6:7 “Mwakhalole ‘eshifwanani shieshisinyo,’ eshiomulakusi Danieli yaboolakhwo, nishilisinjisibwe habundu hatakatifu.” (Ousomanga amanyilisie eshisina shiamakhuwa kano). 16Leshe abali mushialo shia Yuda belushe nibatsia mubikulu. 17#Luka 17:31Ouli khushilama shieinzuye, aleshe okhwikha hasi okhuyinia ebindubie ebili munzuye tawe. 18Kata ouli mumukunda alakalukha ingo okhubukula inguboye tawe. 19Bali mushilaamo shiobubi, abakhasi abakhabe nibali tsinda nende abakhabe nibanuninjia abaana abatoro mutsinyanga etsio. 20Musaaye Nyasaye mbu, ebise biokhwilukha okhwo bilabakhwoho munyanga tsiomunyiri noho khunyanga eya Isabato tawe. 21#Dan. 12:1; Obufw. 7:14Shichila mutsinyanga etsio amatinyu kakhabeho, akashili okhubakhwoho okhurula khukhuchaaka khweshialo okhuula bulano ta, ne khandi shikakhabekhwoho inziayo tawe. 22Ne tsinyanga etsio nitsiakhabeele mbu shitsiayembichitibwa ta, abulaho omundu kata mulala owakhahonokooshe ta. Nebutswa khulwa abalobole ba Nyasaye, tsinyanga etsio tsiakhembichitibwe.
23“Kho omundu yesi yesi niyakhamuboolela inywe mbu, ‘Lola Kristo ali hano,’ kata mbu, ‘Ali halia,’ mulamusuubilila tawe. 24Shichila Kristo bobubeeyi nende abalakusi bobubeeyi bakhetse, nibakhola akamakana amakhongo nende okhulolesia ebiamakana, khulwa okhukoyasia abandu abanji, kata nikaba nikanyalikha, mbu bakoyasie abahule ba Nyasaye. 25Lole, isie ndikholeleele okhumuboolela inywe amakhuwa kano eshise nishishili okhuula.
26 #
Luka 17:23,24 “Kho nibaba nibamuboolela bari, ‘Lola, Kristo ngwoyo ali mushitsiimi,’ shimulatsiekhwoyo tawe, kata nibaba niboola bari, ‘Lole, ngwouno yebisile hano mubisika biomukari,’ mulasuubilile akababoola tawe. 27Khulweshio, shinga lwoluhenu, luhenukhanga mumaleesi okhurula ebukwe nilulaandaala okhuula Mumbo, nolwa Omwana womundu yakhetse bwangu ario.
28 #
Luka 17:37
“Aha eshindu shifwile shili, niho aha tsingosia tsikhung'aanilanga.
Okhwitsa okhwa Omwana womundu
(Mrk. 13:24-27; Luka 21:25-28)
29 #
Isa. 13:10; Yoe. 2:10,31; 3:15; Obufw. 6:12;
Isa. 13:10; Ezek. 32:7; Yoe. 2:10; 3:15;
Isa. 34:4; Obufw. 6:13 “Olunyuma butswa lwamanyakhano komutsinyanga etsio, eshialo shiakhelime ti, ne omwesi shikwakhaashekhwo ta, natsio tsing'ining'ini tsiakhakwe okhurula mwikulu, nabwo obunyali bwomwikulu bwakhatechesibwe. 30#Dan. 7:13; Zak. 12:10-14; Obufw. 1:7Mana eshilolelo eshia Omwana womundu shiakhaloleshe hekulu, natsio tsimbia tsiosi tsiabomushialo tsiakhakwe, ne bakhalole Omwana womundu niyetsela mumaleesi komwikulu, mubunyali nende muluyali olukhongo. 31Mana olwika lwamayoosi amakhongo lwakhakhupwe, naye naruma abamalaikabe mutsimbeka tsine tsieshialo, ne bakhakhung'asie abalobole ba Nyasaye okhurula mutsimbeka tsiosi tsieshialo.
Eliechesio khumusaala kwomukhuyu
(Mrk. 13:28-31; Luka 21:29-33)
32“Kho bulano mweche elieko okhurula khumusaala kwomukhuyu mbu, olwa amasaka kakwo kachakanga butswa okhuhalulukha amasafu nikarulakhwo, nikumanyia mbu, tsinyanga tsieshimiyu tsiulanga. 33Kho mwesi olwa mwakhalole ako koosi nikekholekha, nolwa mwakhamanye mbu Kristo ali hambi okhwitsa. 34Emuboolela toto mbu, olwibulo luno shilwakharuleho tawe, okhuula olwa ako koosi kakhabe nikamalile okhwikholekha. 35Likulu nende eshialo biakharuleho, nebutswa Amakhuwa kanje shikakharuleho tawe okhuula inziayo.
Abulaho oumanyile inyanga kata isaa ta
(Mrk. 13:32-37; Luka 17:26-30,34-36)
36“Nebutswa abulaho omundu yesi yesi oumanyile mbu, inyanga yene kata isaa yakhoole liina tawe. Kata abamalaika bomwikulu noho Omwana, shibamanyile ta, habula Papa yenyene niye oumanyile. 37#Obucha. 6:5-8Okhwitsa okhwa Omwana womundu khwakhabe shinga akekholekha tsinyanga tsia Noa. 38Shichila mutsinyanga etsio, omuyembo kweifula nikushili okwitsa, abandu balia nende okhunywa. Ne abasaatsa nabakhasi nibateshiania okhuula khunyanga ya Noa yenjililakhwo muliaro yene. 39#Obucha. 7:6-24Ne shibamanyilisia akali nikekholekhanga ta, okhuula lwomuyembo kwetsa nikubamulula boosi pe. Nolwa kakhabe olwa Omwana womundu yakhetse. 40Ebise ebio, abandu babili baliba nibali mumukunda, mulala yakhabukulwe ne oundi yakhalekhwe. 41Abakhasi babili bakhabe nibasietsanga khuluchina. Mulala yakhabukulwe ne oundi yakhalekhwe.
42“Khulweshio, mube meeso, okhuba shimumanyile inyanga eya Omwami wenywe yakhakalushe tawe. 43#Luka 12:39,40Nebutswa mumanye mbu, mwenengo naba niyakhamanyile eshise shiomwifi yetselamwo mushilo, yakhabeele meeso ne shiyqakhafuchilile inzuye okhufunakwa tawe. 44Khulweshio mwesi okhuula mwirecheshe, okhuba Omwana womundu yetsanga khushise shia mulamanyile tawe.
Omukhalabani omwisiikwa nende oulali omwisiikwa ta
(Luka 12:41-48)
45“Mana Yesu natsiililila okhuboola ari, ‘Kho niwiina ouli omukholi omwisiikwa khandi omuchesi? Nomwenoyo owa Omwami yemekha okhusinjilila abobwitaalalie mbu, abahelesinjie eshiokhulia mubise ebikhoyeele.’ 46Noweikhabi omukholi oyo, owomwamiwe achelela ingo nanyoola nakholanga shinga olwa alachilwa. 47Emuboolela toto mbu, alamwemekha okhusinjilila emianduchie chiosi. 48Nebutswa oubula obwisiikwa oyo, aboola mumwoyokwe butswa ari, ‘Omwami wanje ashiindile okhuchelela,’ 49ne achaaka okhukhupa abakhalabani bashie, nalia, nende okhunywa nabameesi. 50Olunyuma omwami womukhalabani oyo yakhachelele khunyanga yomukhalabani oyo alamanyilekhwo, kata khushise eshilamanyiishe tawe. 51Omwamiwe oyo yakhamuhelesie eshinyasio, ne namura mushisango shilala nende abekaati. Ebweneyo yakhalile nende okhulumasia ameenoke.”
Currently Selected:
MATAYO 24: OLUPR
Highlight
Share
Copy
Want to have your highlights saved across all your devices? Sign up or sign in