MATAYO 15
15
Amechesio akarula khubakuuka
(Mrk. 7:1-13)
1Mana abandi khu Abafarisayo nende abeechesia bamalako, barula Yerusalemu nibamwitsila Yesu, ne nibamureeba bari, 2“Mbushiina abeechibo nibalalondanga amechesio kabakuuka befwe bakhuhelesia tawe? Okhuba shibasaabanga amakhono nibashili okhulia tawe.”
3Yesu nabakalusia ari, “Ne mbushiina nenywe mufunakanga lilako lia Nyasaye nimuloonda akemilukha chienywe abeene? 4#Okhur. 20:12; Okhuk. 5:16; Okhur. 21:17; Abal. 20:9Okhuba Nyasaye yaboola ari, ‘Helesinjia papawo nende mamawo oluyali,’ khandi ari, ‘ounyeka samwana noho nyinamwana okhuula yerwe.’ 5Nebutswa inywe mwechesinjia muri, ‘omundu naba neshindu eshianyala okhukhoonyela samwana noho nyinamwana,’ ne naboola ari, ‘Shino neshia Nyasaye,’ 6shiakhoyile okhuhelesia samwana noho nyinamwana oluyali tawe. Kho munjila yino mufukulanga lilako lia Nyasaye khulwa okhuloonda emilukha chienywe abeene. 7Inywe abekaati! Omulakusi Isaya yali habwene olwa yarumbula akobulakusi khwinywe naboola mbu, Nyasaye aboola ari,
8 #
Isa. 29:13
‘Abandu bano, bambelesinjia oluyali mumakhuwa butswa,
nebutswa emioyo chiabwe chili ehale khwisie.’
9Okhunzinamila khwabwe nokhwa butswa,
shichila bechesinjia amalako kabandu akalali amalako kanje tawe!”
Akafwabinjia omundu
(Mrk. 7:14-23)
10Mana Yesu nalanga abemikanda mbu betse ewa yali, nababoolela ari, “Recheresie, mana mumanyilisie! 11Shishili eshinjilanga mumunwa kwomundu eshimufwabinjia ta, habula akarulanga mumunwakwe niko akamufwabinjia.”
12Mana abeechi nibetsa nibaboola bari, “Omanyilekhwo mbu, Abafarisayo basinyiishe olwa bahuliile amakhuwa akoboolile ako?” 13Naye nakalusia naboola ari, “Buli eshiraache shia Papa womwikulu alaaraaka ta, shiakhasiulwe. 14#Luka 6:39Mulabateeba tawe! Nabemilisi ababofu. Ne omubofu niyemilila omubofu washie, boosi balakwa mubuko.” 15Naye Petero naboola ari, “Khwinoosie eshisina shioluchelo luno.”
16Yesu nababoolela ari, “Khane inywe mwesi shimuli nobumanyilisi ta. 17Shimumanyilisinjia tawe? Shiosi eshinjila mumunwa kwomundu shibira nishitsia munda mana shirula elwanyi. 18#Mat. 12:34Nebutswa akarulanga mumunwa kabetsanga nikarulile mumwoyo, nako niko akafwabinjia omundu. 19Shichila okhurula mumwoyo karulangamwo amayililisio akobumayanu akobwiiri, akobuheyi, akobuyilani, akobwifi, okhububeeyi nende okhuchikha abandu. 20Ako niko akafwabinjia omundu. Nebutswa okhulia nolasaabile amakhono ta, shikhufwabinjiakhwo omundu tawe.”
Omukhasi owali nobusuubili
(Mrk. 7:24-30)
21Yesu yarulayo natsia mumbali tsia Tiro nende Sidoni. 22Omukhasi omukananayo owali niyamenya mumbali etsio, yamwitsila nalanjilisia ari, “Omwana wa Daudi, umbeele tsimbabasi. Omwana wanje omukhaana ali nebishieno ebimunyasinjia muno.” 23Nebutswa Yesu shiyamukalusia likhuwa ta. Abeechibe nibetsa nibamusaaya bari, “Museebule, okhuba alanjilisinjia nakhuloondakhwo!”
24Ne Yesu namukalusia naboola ari, “Ndarumwa khubandu ba Isiraeli bonyene, abakora shinga amakondi akabula omwayi.”
25Nebutswa omukhasi oyo yetsa nakwa hasi nasikama. Naboola ari, “Omwami ukhoonye!” 26Yesu namukalusia ari, “Shibuli obulayi okhubukula ebiokhulia biabaana nosukunila tsimbwa tawe.”
27Omukhasi oyo nakalusia ari, “Oli habwene Omwami, nebutswa kata tsimbwa tsiliitsanga khumbungulusi etsirulanga khumeesa yamwene tsimbwa etsio.” 28Mana Yesu namukalusia ari, “Oli omukhasi owobusuubili obukhongo! Akawenya kekholeshe kario.” Khushise shiene eshio omukhaanawe nahona.
Yesu ahonia abandu abanji
29Yesu yarulayo nalondoola khunyanza ya Galilaya. Natikulukha mushikulu niyekhala hasi. 30Mana emikanda emikhongo chiabandu nichitsia ewa yali, nibamureerera abalema, abafwokoya, ababofu, abalanyala okhuboola ta nende abandi abanji, naye nabahonia. 31Kho abemikanda bachenya olwa balola abalanyala okhuboola ta, nibaboola, abalema nibahona, abafwokoya nibachenda, nabo ababofu nibalola; ne nibamwitsoomia Nyasaye wa Isiraeli.
Yesu aliisia abasaatsa ebikhumila bine
(Mrk. 8:1-10)
32Yesu nalanga abeechibe, nababoolela ari, “Endolela omukanda kuno tsimbabasi, shichila bakhaba ninasi khulwa tsinyanga tsitaru, ne bulano babula eshiabalia. Shindenya okhubaseebula nibali inzala ta, okhuba bakhatorera khunjila.” 33Abeechi nibamureeba bari, “Nihena mushitsiimi muno aha khwakhanyoola ebiokhulia ebihela okhuliisia omukanda kuno kwosi?” 34Yesu nabareeba ari, “Muli nemikaate chinga?” Nibakalusia bari, “Khuli nemikaate musafu nende orunyeni rutiiti butswa.”
35Kho Yesu nalaka abandu abo okhwikhala hasi. 36Mana nabukula emikaate musafu echio nende orunyeni orwo, nakhupila Nyasaye orio, nabisonyola, nabihaana khubeechi; nabo abeechi nibabakabila abemikanda. 37Boosi nibalia nibekura. Mana Abeechi abo nibakhung'asia ebisonye biasikala, ne nibitsula ebimwelo musafu. 38Abalia bali abasaatsa ebikhumila bine (4,000), ne abakhasi nabaana shibabalilwakhwo tawe.
39Mana Yesu nabaseebula, niyenjila muliaro natsia mutsimbali tsia Magadani.
Currently Selected:
MATAYO 15: OLUPR
Highlight
Share
Copy
Want to have your highlights saved across all your devices? Sign up or sign in