ZAKALIYA 14
14
1DORA, ekiro kya MUKAMA nikiija, eminyago yawe obweribaganizibwa hagati yawe. 2Baitu ndisoroleza ha Yerusalemu amahanga gona okurwana; kandi orubuga rulinyagwa, nabakazi balihambwa: nekicweka ekyorubuga kirigenda omu kusengurwa, nabantu abasigaraho tibalihwereke'ra omu rubuga. 3Nubwo MUKAMA alituruka, alirwana namahanga ago, nkokuyarwaine omu kiro kyobulemu. 4Kandi ebigerebye biryeme'ra ha kiro eki ha rusozi Orwemizeituni rulyatika hagati, hali oburugaizoba na hali obugwaizoba, kandi halibaho ekihanga ekikoto muno, kandi ekicweka ekyorusozi kirii'rayo ha bukizi bwemoso, nekicweka kyarwo hali obukizi bwobulyo. 5Kandi muliiruka omu kihanga ekyensozi zange; baitu ekihanga ekyensozi kirihika Azeri: ego muliiruka, nkokumwairukire okutengeta kwensi omu biro bya Uziya omukama wa Yuda: kandi MUKAMA Ruhanga wange aliija, nabarukwera bona hamu nauwe. 6Kandi kirihika ha kiro eki, omusana tiguliba nokwangasana nomuirima: 7baitu liriba izoba limu, MUKAMA eryamanyire; teri nyamusana kunu tikiri kiro: baitu kirihika akairirizi halibaho omusana. 8Kandi kirihika ha kiro eki, amaizi agomire galiruga Yerusalemu; ekicweka kyago kirigenda ha nyanja yoburugaizoba, nekicweka kyago kirigenda ha nyanja yobugwaizoba: omu kyanda nomu byenjura nukwo kiriba kiti. 9Kandi MUKAMA aliba omukama okulema ensi zona: ha kiro eki MUKAMA aliba omu, nibaralye liriba limu. 10Ensi zona zirihindurwa nka Araba, okuruga Geba nokuhikya Rimoni ha rubaju rwa Yerusalemu rwobukizi bwobulyo; kandi erinyumizibwa, eriikara omu kiikaro kyayo, okuruga irembo lya Benyamini, nokuhikya ekiikaro kiirembo eryokubanza, okuhikya irembo erya karugu, nokuruga ha rukomero rwa Hananeri okuhikya endeba zomukama. 11Nabasaija baliikara omu, kunu tihalibaho omukyeno obundi; baitu Yerusalemu eraikaraga hataroho kutina. 12Kandi gunu nugwo guliba omuhito MUKAMA ogwalikwasa amahanga gona agarwaine na Yerusalemu: enyama eyemibiri yabu erihwe'ra bo bemerire nebigere byabu, namaiso gabu galihwe'ra omu bina byago, norulimi rwabu rulihwe'ra omu kanwa kabu. 13Kandi kirihika ha kiro eki, obwogo bwingi oburuga hali MUKAMA buliba hagati yabu; kandi balikwatagana omuntu wena omukono wa mutahiwe, kandi omukonogwe guliimuka okurwana nomukono gwa mutahiwe. 14Na Yuda nauwe alirwana na Yerusalemi; nobugunda obwamahanga gona agehingulirize bulisorozebwa, ezabu, nefaza, nebyorozebwa, ezabu, nefeza, nebyokujwara, bingi muno. 15Kandi nukwo guliba guti omuhito ogwembarasi, ogwenyumbu, ogwengamira, kandi ogwenkaina, nogwebisoro byona ebiribaho omu nkande ezi, nkomuhito ogu okuguli. 16Kandi kirihika, omuntu wena alisigaraho ha mahanga gona agaizire okurwana na Yerusalemu, alitabara omwaka nomwaka okuramya Omukama, MUKAMA wamahe, nokulya obugenyi bwenkande. 17Kandi kirihika, omuntu wena owomu batibu byona ebyomunsi atalitabara Yerusalemu okuramya Omukam MUKAMA wamahe, bo batalinagirwa enjura. 18Kandi ekitabu kya Misiri obubatalitabara, nobukwakuba okuija, nabo batalinagirwa; halibaho omuhito MUKAMA ogwalikwasa amahanga agatataabara okulya obugenyi bwenkande. 19Kunu nukwo kuliba okubonabonesebwa kwa Misiri, nokubonabonesebwa kwamahanga gona agatalitabara okulya obugenyi bwenkande. 20Ha kiro eki halibaho ha njogera zembarasi. EZIRUKWERA HALI MUKAMA; nebinaga ebyomu nju ya MUKAMA biriba nkebibindi ebiri omu maiso gekyoto. 21Ego, ekinaga kyona ekiri omu Yerusalemu nomu Yuda kiriba ekirukwera hali MUKAMA wamahe: na bona abaita ekyonzira baliija nibakomaho bacumbemu: kandi ha kiro eki tihalibaho obundi Omukanani omu nju ya MUKAMA wamahe.
Currently Selected:
ZAKALIYA 14: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.