ZAKALIYA 13
13
1HA kiro eki ensoro yamaizi eriigu'rwa enju ya Daudi nabomu Yerusalemu, habwebibi na habwokutasemera kwona. 2Kandi kirihika ha kiro eki, agambire MUKAMA wamahe, nyowe ndimaraho amabara gebisisani omu nsi, kunu tigaligaruka okuijukwa: kandi na banabi nomuzimu omubi ndibaiha omu nsi. 3Kandi kirihika, omuntu wena obwaliragura, ise na nyina abamuzaire balimugambira ngu Toliba mwomezi; baitu nobiha ebisuba omu ibara lya MUKAMA: kandi ise na nyina abamuzaire balimucumita obwaliragura. 4Kandi kirihika ha kiro eki banabi balikwata ensoni omuntu wena habwokwolekwakwe obwaragura; kunu tibalijwara orugoye rwebyoya habwokugobya: 5baitu aligamba ati Nyowe tindi nabi, ndi mulimi witaka; baitu nkaforwa omuiru rubale okuruga omu buto bwange. 6Kandi omuntu alimugambira ati Ebihuta ebi kiki hagati yemikono yawe? Nubwo aligarukamu ati Nibyo nahutaire omu nju ya bene baitu.
7Sisimuka iwe busitama okurwana nomulisa wange, okurwana nomuntu mutahi wange, agambire MUKAMA wamahe: tera omulisa entama ziriraranga; kandi ndihindura omukono gwange hali abana abato. 8Kandi kirihika, omu nsi zona agambire MUKAMA, ebicweka bibiri ebyomu birihwerekerezebwa birifa; baitu ekyakasatu kirisigara omu. 9Kandi ndirabya ekicweka ekyakasatu omu mu'ro, ndibasemeza nkefeza okwesemezebwa, ndibalenga nkezabu okwerengwa: balikunga ibara lyange, nanyowe ndibahu'ra: ndigamba nti Nibo bantu bange, bo baligamba ngu MUKAMA nuwe Ruhanga wange.
Currently Selected:
ZAKALIYA 13: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.