ZAKALIYA 12
12
1OKURAGURA okwekigambo kya MUKAMA ha Isareri.
Nukwo agambire MUKAMA arukubamba iguru, nataho emiganda eyensi, nako'ra omwoyo gwomuntu omundaye ati: 2Dora, ndifora Yerusalemu empwahwa eyokuhumira hali amahanga gona agehingulirize, kandi eriba hali Yuda obubaligota Yerusalemu. 3Kandi kirihika ha kiro eki, ndifora Yerusalemu ibale erirukulemera hali amahanga gona: bona abalihimba balihutara muno; kandi amahanga gona agaha nsi galyesoroza okurwana naryo. 4Ha kiro eki, agambire MUKAMA, ndihuniriza embarasi yona, nogu agitemba ndimunaga iraro: kandi ndiigu'ra amaiso gange enju ya Yuda, kandi ndiita amaiso agembarasi yona eyamahanga. 5Nabakuru ba Yuda baligamba omu mitima yabu ngu Abomu Yerusalemu nigo mani gange omu MUKAMA wamahe Ruhanga wabu. 6Ha kiro eki ndifora abakuru ba Yuda nkekiswa kyomu'ro hagati yenku, kandi nkekimuli kyomu'ro hagati yabiba; kandi balirya amahanga gona ha mbaju zona, ha mukono gwobulyo na ha gwemoso: kandi Yerusalemu erigaruka okuikara omu kiikaro kyayo yonka, omu Yeruslamu. 7Kandi MUKAMA alibanza okujuna ehema za Yuda, ekitinisa ekyenju ya Daudi nekitinisa ekyabomu Yerusalemu kireke okunyumizibwa okukira Yuda. 8Ha kiro eki MUKAMA alisemba abomu Yerusalemu; kandi ogu atanyina mani omulibo alisisana nka Daudi; nenju ya Daudi eriba nka Ruhanga, nka maraika wa MUKAMA omu maiso gabu. 9Kandi kirihika ha kiro eki, nyowe ndise'ra okuhwerekereza amahanga gona agaija okurwana na Yerusalemu. 10Kandi ndisesa ha nju ya Daudi, na ha bomu Yerusalemu, omwoyo gwembabazi nogwokwesengereza; kandi balitunu'ra nyowe oubacumisire: kandi balimuganya nkomuntu okwaganya omwanawe omwojo omu wenka, kandi balisarirwa habwe, nkomuntu okwasalirwa omwanawe omuzigaijo. 11Ha kiro eki halibaho okuganya kwingi omu Yerusalemu, nkokuganya okwa Hadadirimoni omu kihanga kya Megidoni. 12Kandi ensi eriganya, ekitabu kyona habwakyo; ekitabu ekyenju ya Daudi hawakyo, nabakazi babu hawabu; ekitabu ekyenju ya Daudi hawakyo, nabakazi babu hawabu; ekitabu ekyenju ya Nasani hawakyo, na bakazi babu hawabu; 13ekitabu ekyenju ya Levi hawakyo, na bakazi babu habwabu; ekitabu Ekyabasemei hawakyo, na bakazi babu hawabu; 14ebitabu byona ebisigaraho, ekitabu kyona hawakyo, na bakazi babu hawabu.
Currently Selected:
ZAKALIYA 12: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.