MATAYO 8
8
1OBUYARUGIRE ha rusozi, ebitebe bingi byamukuratira.
2Kandi, dora, hakaija namberali omugenge, yamuramya nagamba ati Mukama wange, obworaba nogonza, nosobora okunsemeza. 3Yago’ra omukonogwe yamukoraho, nagamba ati Ningonza: semezebwa. Ahonaho ebigengebye bikasemezebwa. 4Yesu yamugambira ati Werinde, oleke kugambiraho muntu; kandi garukayo, weyoleke hali nyakatagara, ohouge ekisembo Musa ekiyaragire, kibe kaiso habali.
5Obuyatahire omu Kaperenaumu, hakaija namberali omunyoro owekihanda Omurumi, 6namwesengereza, nagamba ati Mukama wange, omuiru wange abyamire omunju azingamire, nahu’rwa muno. 7Yamugambira ati Ndaija ‘mukize. 8Omunyoro owekihanda Omurumi yagarukamu nagamba ati Mukama wange, tindukusememe’ra iwe okutaha omunda yorusurwange, baitu gamba ekigambo kyonka, omuiru wange nukwo arakira. 9Baitu nyowe ndi muntu mulemwa, nyina abaserikale abandukulema: obungambira ogu nti Genda, agenda: nondi nti Ija, aija: nomuirui wange nti Gira oti, nukwo agira ati. 10Kandi Yesu obuyahulire, yahuni’ra, yabagambira abakaba nibagenda nauwe ati Mazimakwo nimbagambira nti Tinkabonaga kuiziriza kwingi nka kunu, nobuhokuba omu Isareri. 11Nanyowe nimbagambira nti Baingi abaliruga burugaizoba na bugwaizoba, baliika’ra hamu na Iburahimu, na Isaka, na Yakobo, omu bukama obwomu iguru: 12baitu abana abobukama balibingirwa omu muirima ogwaheru:halibayo oku’ra nokunena ensaya. 13Yesu yagambira omunyoro owekihanda Omurumi ati Irokogende: nkokwoikireze, nukwo kibe kiti namberoli. Omuiru akakira omu kasumi ako.
14Yesu obuyatahire omu nju eya Petero, akarora nyina mukaziwe abyamire, arwaire omusuija. 15Yamukora ha Mukono, omusuija gwamurugaho, yaimuka, yamuhereza. 16Kandi obuire obubwaizire, bakamuketera baingi abakwasirwe emizimu: yabinga emizimu nekigambo, nabakiza bona abakaba barwaire; 17ekigambo kihiki’re ekyagamberwe Isaya nabi, nagamba ati Uwe wenka akatwara obugara bwaitu, nayetweka endwara zaitu.
18Kandi Yesu obuyaboine ebitebe bingi bibimwehinguliriza, yaragira okwambuka okugenda nseri 19Kandi, hakaija omuhandiki omu namugambira ati Omwegesa, ndakukuratiraga horakagenda hona. 20Yesu yamugambira ati Eboha ziyina ebina, nenyonyi ezomu mwanya ziyina ebiju, baitu Omwana womuntu tanyina hokuta omutwegwe.
21Ondi hali abegeswa yamugambira ati Mukama wange, banza ondeke ngende nzike isenyowe. 22Baitu Yesu yamugambira ati Kuratira nyowe; siga abafu bazike abafu babu.
23Obuyagwerire omu bwato, abageswabe bagenda nauwe.
24Dora, ihungu lingi likaija omu nyanja, nebigonzi byaseseka omu bwato, baitu akaba agwijagire. 25Baija namberali nibamusisimura, nibagamba ngu Mukama waitu, juna, twafa. 26Yabagambira ati Kikyekibatinisa, inywe abanyina okuikiriza okuke? Nubwo yaimuka yacomera embeho nenyanja: byaculera muno. 27Abantu bahuni’ra nibagamba ngu Ogu muntu ki? embeho nenyanja nibimuhu’ra?
28Obuyatahire nseri, omu nsi eya Bagadareni, bamuitirana abantu babiri abakwasirwe emizimu, nibaruga omu bituro, bagwire iraro muno, kandi busaho muntu ayasoboire okuraba omu muhanda ogu. 29Dora, nibatokera ha iguru, nibagamba ngu Tujunaine ki, itwe naiwe, Iwe Omwana wa Ruhanga? Oizire hanu okutucanza akasumi kaitu katakahikire? 30Hakaba haloho entambu nambere bakaba bali igana eryempunu nyingi nizirya. 31Emizimu yamwesengereza, negamba ngu Obwaraba notubinga, otusindike omu igana eryempunu. 32Yagigambira ati Mugende. Yarugamu, negenda omu mpunu: dora, igana lyona lyajumbutuka okukonkomoka ekihanga omu nyanja, nirihwereke’ra omu maizi. 33Abakaba nibazirisa, bairuka, bagya omu maka, nebigambo ebyabaireho abakwasirwe emizimu. 34Dora, abomu maka bona baturuka okuitirana Yesu: obubamuboine bamwesengereza aruge omu mitano yabu.
Currently Selected:
MATAYO 8: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.