MATAYO 7
7
1MUTALICWERE’RA omusango, mutacwerwa inywe. 2Baitu omusango ogumucwa, nainywe muligucwerwa: nendengo eyimurengeramu, nainywe muligirengerwamu. 3Baitu noro’ra ki akantu akali ha liso erya mutahi wawe, kandi enyomyoeri ha liso lyawe torukugirora? 4rundi, olimugambira ota mutahi wawe ngu Kanyiheho akantu akali haliso lyawe; kandi, dora enyomyo ikaire ha liso lyawe? 5Omugobya iwe, banza oihe enyomyo ha liso lyawe wenka, nukwo orole kurungi okuiha akantu ha liso eryamutahi wawe.
6Mutaliha kintu ekirukwera hali embwa, nobukwakuba okunaga eruru zanyu omu maiso gempunu, zireke kuziribata nebirenge byazo, nizihinduka okubatagura.
7Musabe, mulihebwa; muse’re, mulizora; mwerange, mulikingu’raho; 8baitu omuntu wena obwasaba, ahebwa; obwase’ra azora; anyakeranga alikingu’rwaho. 9Rundi muntu ki omulinywe, omwanawe obwalimusaba omugati alimuha ibale? 10rundi, obwalimusaba encu, 11alimuha enjoka? Nukwo inywe, ababihire, obumuraba mumanyire okuha abana banyu ebisembo ebirungi, Isinywe ali omu iguru talikira muno okubaha ebisemire abamusaba? 12Nukwo, byona ebimwenda abantu okubagira inywe, mubagirege muti bo, baitu ebi nibyo biragiro, nabanabi.
13Mutahe omu irembo erifunzire: baitu irembo ligalihire nomuhanda ogurukugenda omu kuhwereke’ra mukoto nabo abagutahamu baingi. 14Baitu irembo lifunzire nomuhanda ogutaha omu bwomezi muke, nabo abaguzora bake.
15Mwerinde banabi abebisuba ababaizira omu byokujwara ebyentama, baitu omunda nizo enyamaiswa ezirukutagura.
16Mulibamanyira ha byana byabu. Abantu nibanoga bata emizabibu ha makongora, rundi amatini ha matojo? 17Nukwo omuti gwona ogusemire gwana ebyana ebisemire, baitu omuti ogubiore gwana ebyana ebibihire. 18Omuti ogusemire tigusobora kwana ebyana ebibihire, kandi omuti ogubire tigusobora kwana ebyana ebisemire.
19Omuti gwona ogutana byana ebisemire, bagutema, bagunaga omu mu’ro. 20Nukwo mulibamanyira ha byana byaby. 21Omuntu wena anyakungambira ati MUKAMA wange, Mukama wange, tali ogu alitaha omu bukama obwomu iguru;;baitu ogu anyakukora Isenyowe ali omu iguru ebyagonza. 22Baingi balingambira ha kiro kiri ngu Mukama waitu, Mukama waitu, tutagambire omu ibara lyawe? Tutabinge mizimu omu ibara lyawe? Tutakole byamahano bingi omu ibara lyawe?
23Nyowe ndibagarukamu ningamba Tinkabamanyaga inywe: murugeho namberendi, inywena abakora ebyokwema. 24Nukwo wena obwahu’ra ebigambo byange binu, nabikora, alisisana nomuntu arukwetegereza ayayombekere enjuye ha mwandara; 25nenjura yagwa, nemigezi yagera, nekiyaga kyatera, nibitera enju egi, kandi etagwe, baitu ekombekwa ha mwandara. 26Nomuntu wena obwahu’ra ebigambo byange binu atarukubikora, alisisana nomuntu omudomadoma ayayombekere enjuye ha musenyi: 27nenjuye yagwa, nemigezi yagera, nekiyaga kyatera, nibitera enju egi: (enju) yagwa: nokugwa kwayo kukaba kuli kwingi.
28Kandi kyahika Yesu obuyamazire ebigambo ebi, ebitebyahuni’ra muno okwegesakwe; 29baitu akabegesa nkanyakuina obusobozi, okutali nka bahandiki babu.
Currently Selected:
MATAYO 7: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.