MATAYO 6
6
1MWERINDE mutakora ebyokuhiki’ra byanyu omu maiso gabantu, babarole: baitu obumukora muti timulihebwa mpera hali Isinywe ali omu iguru.
2Baitu obworagabiraga abasege, otalitera engwara omu maiso gawe, nkabagobya okubakora omu maso’rokaniro nomu makute, abantu babahe ekitinisa. Mananukwo nimbagambira nti bamazire kuhebwa empera yabu. 3Kandi iwe obworagabiraga abasege, omukono gwawe ogwemoso guleke okumanya ogwobulo ebigukera: 4okugabira kwawe kkuikalege okwensita: nukwo ’So anyakurora omunsita alikuha empera,
5Baitu obumurasabaga, mutaliba nkabagobya: baitu nibagonza okusaba bemerire omu maso’rokaniro, na ha matangatangono gamakute, abantu babarole. Mananukwo nimbagambira nti bamazire kuhebwa empera yabu. 6Baitu iwe, obworasabaga, otahege omu kisika kyawe omunda, omalege okukingaho oruigi, osabege ’So ali omunsita, baitu ’So anyakurora omunsita, alikuha empera. 7Naiwe obwosaba otalisaba endanda, nka bamahanga okubakora: baitu nibatekereza ngu barahu’rwa obwebigambo byabu ebingi. 8Kandi mutalisisana nabo: baitu Isinywe amanyire ebimuse’ra, mutakahikize okumusaba. 9Nukwo musabege muti, Isitwe ali omu iguru, 10Ibara lyawe dyezebwe. Obukama bwawe buije. Ebyogonza bikorwe hansi nkokukbabikora omu iguru. 11Otuhe hati ebyokulya byaitu ebya hati. 12Otuganyire amabanja gaitu, naka itwe okutuganyire abatutonga. 13Otatutwara omu kwohebwa, baitu otujune hali omubi. 14Baitu obumuliganyira abantu akusisa kwabu, Isinywe ali omu iguru alibaganyira nainywe. 15Kandi obumutaganyira Bantu ebyokusisa byabu, na Isenywe talibaganyira inywe ebyokusisa byanyu.
16Kandi obumurasibaga, mutaliba nkabagobya, abanyina amaiso agobujune, baitu basisa amaiso gabu, abantu babarole nibasiba. Mananukwo nimbagambira nti bamazire kuhebwa empera yabu. 17Baitu iwe obworasibaga, wesigege amagita ha 18mutwe, onabege ha maiso; abantu baleke kukorora nosiba, rundi’So ali omunsita okurole:nukwo’So, anyakurora omu nsita, alikuha empera.
19Mutalyeyahu’ra bintu hansi, enyenje nokumoma nambere bisisa, nabasuma nambere bamirira, nibaiba: 20baitu mweyahu’rege ebintu omu iguru, enyenje nobukwakuba okumoma nambere bitasisa, nabasuma nambere batalimira nobukwakuba okuiba: 21baitu ebintu byawe nambere biikara, nomutima gwawe nagwo guliikarayo.
22Etabaza eyomubiri niryo liso: eriso lyawe obuliraba nirirora hamu, omubiri gwawe gwona guliijura omusana. 23Baitu eriso lyawe obuliraba libihire, omubiri gwawe gwona guliijura omuirima. Baitu omusana oguli omuliwe obuguraba guli muirima, omuirima ogu guliingana nkaha obukoto! 24Busaho muntu asobora okuko’ra bakama babiri. baitu alinobaho omu, nagonza ondi; rundi aligumira homu, nagaya ondi. Timurukusobora kuko’ra Ruhanga na Mamona. 25Ekimbagambi’ra nti Mutalituntu’ra obwomezi bwanyu, nimugamba ngu Tuliryaki? tulinywa ki? Nobugwakuba omubiri gwanyu ngu Tulijwara ki? Obwomezi tiburukukira ebyokulya? Nomubiri tigurukira ebyokukjwara? 26Murole enyonyi ezomu mwanya: tizisiga, tizigesa, nobukwakuba okuhunika omu nguli; kansi Isinywe tumurukukira muno ezi? 27Araha omulinywe obwaruntura, asobora okweyongeraho okuraihakwe nekiganja kimu? 28Baitu kiki ekibatuntuliza ebyokujwa? Murole ebyakyo ebyomu kisaka, nkokubimera: tibikora mirimo, nobukwakuba okwongosa orugoye: 29kandi nimbagambiranti na Sulemani omu mutorogwe gwona atajwale nkekitahi kyabyo ekimu. 30Kandi Ruhanga obwajweka ati obunyansi obwomu kisaka, obuloho hati na nyenkya barabunaga omu komi, talikira muno okubajweka inywe abokuikiriza okkuke? 31Nukwo mutalituntura, nimugamba ngu Tulirya ki? rundi Tulijwara ki? baitu ebi byona abamahanga nibyo base’ra; 32baitu Isenywe ali omu iguru amanyire nimwenda ebi byona. 33Baitu mubanze muse’re obukamabwe, nokuhiki’rakwe, nebi byona mulibyongerwaho. 34Nukwo mutalituntu’ra bya ijo, baitu ekiro kya ijo kirituntu’ra ebyakyo. Ekiro kimu obubi bwakyo bukimara.
Currently Selected:
MATAYO 6: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.