MATAYO 10
10
1YAYETA abegeswabe ikumi nababiri, yabaha obusobozi ha mizimu emibi, okugibinga, nokukiza orufu rwona nendwara zona.
2Kandi abakwenda ikumi nababiri amabara gabu nganu: owokubanza nuwe Simoni, ayetwa Petero, na Andereya mugenziwe: Yakobo omwana wa Zebedayo, na Yohana mugenziwe: 3Firipo na Batolomayo; Tomasi na Matayo omuzinisa; Yakobo omwana wa Alifayo, na Sadayo; 4Simoni Omukananayo, na Yuda Isikalyota, 5ayamugobize. Abo ikumi na babiri Yesu akabatuma, naragira, nagamba ati
Mutaligenda omu mihanda eyabamahanga, nobukwakuba okutaha omu rubuga rwona
6Orwabasamaliya, baitu hakire mugende hali entama ezibura ezomu nju Yabaisareri. 7Baitu obumugenda, mubagambire ngu Obukama obwomu iguru bumalize okuhika. 8Mukizege abarwaire, muhumbulege abafu, musemezege abagenge, mubingege emizimu: mukahebwa kwonka muhege kwonka.
9Mutatunga zabu, nobwekuba efeza, nobugwakuba omulinga 10omu myeko yanyu; nobwekuba endyanga, nobubyakuba ebyesomeko bibiri, nobuzakuba nkaito, nobugwakuba omuigo, baitu anyakukora emirimo naseme’ra okuhebwa ebyokulyabye. 11Orubuga rwona nambere murakatahamuga, rundi ekika kyona, muse’rege noha omuli abo asemera; nuho mulira’ra okuhikya obumulirugayo. 12Obumuliba mutahire omunju muligiramukya. 13Baitu enju obwerasemeraga, obusinge bwanyu buikalege hayo, kandi obwetalisemera, obusinge bwanyu buligaruka namberamuli. 14Baitu omuntu wena atalibaikiriza, nobukwakuba okuhu’ra ebigambo byanyu, obumulituruka omunju egi, rundi omu rubuga orwo, mulikunkumura ecucu ha bigere byanyu. 15Mazimakwo nimbagambira nti Ensi ya Sodomu na Gomora okubonasebwa kwayo kuliba nokukganyirwa ha kiro kyomusango okukira okworubuga oru.
16Murole, nimbatuma nkentama hagati omu nyamaiswa: nukwo muikalege namagezi nkenjoka, kandi nkamaiba okutaba nobugobya. 17Kandi mwerindege abantu: baitu balibahayo hali abomurukurato: nomu maso’rokaniro gabu numwo balibate’ra: 18ego, mulitwarwa hali abalemi nabakama okuajunana nyowe, okuba bakaiso hali abo, na hali abamahanga. 19Baitu obubalibahayo, mutalitantu’ra ebimuligamba rundi ebimulibaza, baitu kiribahebwa omu kasumi ako ekimuligamba. 20Baitu tabali inywe mubaza, baitu Omwoyo ogwa Isinywe nuwe abaliza omulinywe. 21Mwene wabu alihayo omugenziwe okumuisa, na ise alihayo omwanawe: nabana balyeremera ababazara nokkubaisa. 22Nainywe mulinobwa abantu bona okkubajunana ibara lyange: kandi anyakuguma okkuhikya empero, nuwe alijunwa. 23Baitu obubalibahiga omu rubuga rumu, muirukire orundi, baitu mazimakwo nimbagambira nti Tumulihika okuraba omu mbuga zona za Isareri, Omwana womuntu bwalikaija. 24Omwegeswa takira omwegesa, nobwakuba muiru okukira omukamawe. 25Kimumara omwegeswa abe nkomwegesawe, nomuiru abe nkomukamawe. Obubaraba besere nyineka Beerezebuli, tibalikizaho abo abali omunju? 26Nukwo mutabalilbatina: baitu busaho kigamboi ekinyakuswekerwe ekitalisuku’rwa: nobukyakuba ekiserekerwe ekitalimanywa. 27Ekimbagambira omu muirima, nikyo muligamba omu musana: ekimuhu’ra omu kutu, nikyo muliduma ha nju eruguru. 28Baitu mutalitina abaita omubiri, baitu tibasobora kuitamwoyo: hakire mutinege ogu arukusobora okuhwerekereza omwoyo nomubiri omu Gehena. 29Ebisirya bibiri tibabigura omu senti emu? kandi ekitahi kyabyo ekimu tikirigwa hansi hatali Isinywe: 30baitu nisoke erya ha mutwe gwawe libazirwe lyona. 31Nikyo mutalitinira: inywe nimukira muno ebisirya bingi. 32Nukwo omuntu wena alinkyikiriza omu maiso gabantu, uwe ndimuikiriza omu maiso ga Isenyowe ali mu iguru. 33Kandi wena alinyehakana omu maiso gabantu, uwe ndimwehakana omu maiso ga isenyowe ali omu iguru.
34Mutatekereza ngu nkaija okunaga obusinge hansi: ntauije okunaga obusinge, rundi empirima. 35baitu nkaija okubaganiza omwana na ise, omuisiki na nyina, mukomwana na nyinazara, 36Nabanyanzigwa bomuntu nibo bomukaye. 37Anyakugonza ise rundi nyina okubakiza nyowe, tanseme’ra; anyakugonza mutabaniwe, rundi muisikiwe okubakiza nyowe, tanseme’ra. 38Nauwe atayetweka omutigwe nankuratira, tanseme’ra. 39Anyakuzora obwomezibwe bulimuburaho; anyakubuza obwomezibwe habwange alibuzora.
40Anyakuikiriza inywe buli aikirize nyowe, nauwe anyakuikiriza nyowe, buli aikirize ayantumire. 41Anyakuikiriza nabi omu ibara lya nabi, alihebwa empera eya nabi. Nauwe anyakuikiriza omuntu ahikirire omu ibara lyomuntu ahikirire, alihebwa empera eyomuntu ahikirire. 42Na wena alimuha okunywa omu hali banu abake eyugi eyamaizi agarukufuka, omu ibara lyomwegeswa, mazimakwo nimbagambira nti emperaye teriuburaho na kake.
Currently Selected:
MATAYO 10: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.