ZEKHARIAH 9
9
Elkim Miphun Humah Thukhennak
1 Topa i awnkam cu hi bangin hi.
Hadrak ngam le Damaskas khuapi dantat tukin thukhen cat zo. Israel miphunte bek hi ngawlin Siria ngam khuapi vang Topa ta hi.#Isa 17:1-3; Jer 49:23-27; Amos 1:3-5;#Isa 23:1-18; Ezk 26:1-28:26; Joel 3:4-8; Amos 1:9-10; Mt 11:21-22; Lk 10:13-14; 2Hadrak ngamngi a ummi Hamath khua vang amata hi a, mahti bang lelengin, Taiar khua le Sidon khua vang a thil thiamnak haw tuah Topa ta hi. 3Taiar khua cu kulhtian nase zetin, a bawl tawtok haw i humah sui le ngun tamzet khawlin, a tam dan cu buakseh bang cang thong hi. 4Mahnaven Topa in Taiar khua i neihmi hempoh cu laksak khawng tuk hi. A hauhnak hempoh haw cu tuipi sungah vawk sak khawng tuk a, mah khua cu mei tuah halvam tuk hi.
5Ashkelon khua ten amuh haw ten lauzet haw tuk hi. Gaza khua in mu bok tuk a, thasiazet tuk hi. Mahti bangin Ekron khua vangin mu bok tuk a, muansannak a neihmi hempoh bo khawng tuk hi. Gaza kumpi vang bo tuk a, Ashkelon cu khing diudeu tuk hi.#Isa 14:29-31; Jer 47:1-7; Ezk 25:15-17; Joel 3:4-8; Amos 1:6-8; Zef 2:4-7; 6Ashdod khua ah miphun tokhelnokin umleh haw tukma toh hi. Topa in, “A pualthau zetmi Filistin mite cu nautabelin khesuk tung ti hi. 7Sa cu a thisan tuah eicihleh haw tukma toh hi, kham mi an vang eileh haw tukma toh hi. A tang calam cu ka miphunah tel bok haw tuk a, Judah hinnam sungah hinnam khat bangin cang haw tuk hi. Jebus mite bangin Ekron mite vang ka miphunin cang haw tuk hi. 8Ka ngam cu cingkhawi in, a sungah a koi ngalkap hei hawh thei haw tukma hi. Hehpihnak nei ngawl ngamuktu kuamah in ka miphun nuainemleh haw tukma toh hi. Ka mihing tei thuaknak mu khawng zo ing,” ti hi.
A Heng Tukmi Kumpi
9Lungdam un, Zion mite,
na lung uh dam un!
Jerusalem mite aw,
lungdamin au leilui un!
Na kumpipa uh a hun laihin,
zo un!
Ngalnehtu a hih uh hangin
nehnak tuah hung hi,
mahnaven mi niamkhiatnak tuah
laak dawnno,
laak cano hum khungin
hung hi.#Mt 21:5; Jn 12:15;
10 Topa in,
“Israel pen ngaldonak cipuhlengte
vawk tung.
Jerusalem pen cipuh ngalkapte
laksakin,
thalte cu siatsuah khawng tung hi.
Na kumpipa uhin
miphun hempoh tei nelah
lemdaihnak bawl tuk hi.
Langlam tuipi pen
lang khatlam
tuipi tiang uk tuk hi.
Eufrates ngunpi pen
leimawk khatlam tian
uk tuk tin,” ti hi.#Saam 72:8;
Pathian i Mihing Tei Kihlehnak
11 Topa in,
“Biakpiaknak thisan tuah kipkhotikmi
nangmuh tuah
ka thutiamnak bangin,
Na mihing uhte cu
suakcatik tung;
saltannak mun,
tui um ngawl
khuk sung pen
suakcatik tung hi.#Suah 24:8;
12Kikleh un, muansannak
neitu saltangte!
Himnak mun nangmu ngamah
kikleh un;
Atu-in hilh ing hi:
haksatnak
na thuak uhmi hangin
a let nihin muicu
pialeh tung hi.
13Judah cu ngalkap tei
thalkung bangin
mang tung a,
Israel cu thalcang bangin
mang tung.
Zion mite cu
ngalnam bangin mang tung a,
Grik mite dotu tukin,”
ti hi.
14 Topa cu a mihing tei
humah langin;
a thalcangte khuaphelep bangin
kap tuk hi.
Cungnungbel Topa in,
a pengkul cu tumin;
Hanglam huihpi sung pen
hawh tuk hi.
15Cungnungbel Topa in,
a mihingte panin;
a ngalte siatsuah khawng tuk hi.
Ngaldonak mun pen
zukham bangin au beibuai
haw tuk a, ngalte
thisan luangtik haw tuk hi.
Mah thisan cu biaklandawhah
a ummi kuang sung pen
leihmi, biakpiaknak thisan bangin
luang tuk hi.
16Mah ni a kim ten, Topa in,
a mihingte pan tuk hi.
Tuucingtu pa in, a tuuhonte
launak sung pen
a pat bangin; sui lukhuh hum a,
suang manpha bangin,
a ngam sungah vak haw tuk hi.
17Izahta ngampha le ngam mawi
hi tuk nan tim!
Vainim le sabit ei in,
a khangnote cu n
gilzet haw tuk hi.
Currently Selected:
ZEKHARIAH 9: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.