MATTHEW 5
5
Muoltung Thuhilna
(Mat 5–7)
1Jesu#5:1 Gk “ama” in mihonpite a mu ciengin ama muol tungah a kato hi; tuale a to zaw ciengin ama kungah a nuazuite a pei uhi. 2Tua ciengin amate thuhil dingin kipan a:
3“Hlagau lamah a zawngkhal mite thupha nga ahi hi, bangzieh ahei cile vantung gam amau-a’ ahi hi.
4“A kap a maute thupha nga ahi hi, bangzieh ahei cile amate a kihenem ding hi.#Isa 61:2
5“Lungnem mite thupha nga ahi hi, bangzieh ahei cile amate in leitung luo ding uhi.#Late 37:11
6“Dihna zieha gilkiel dangtate thupha nga ahi hi, bangzieh ahei cile amate a lungtai ding uhi.#Isa 55:1-2
7Mi hepi theite thupha nga ahi hi, bangzieh ahei cile amate in hepina nga ding uhi.
8Lungsim siengthote thupha nga ahi hi, bangzieh ahei cile amate in Pasien a mu ding uhi.#Late 24:3-4
9Kilemna bawlte thupha nga ahi hi, bangzieh ahei cile amate Pasien’ tate kici ding hi.
10Dihna zieha bawlsietna a thuoh mite thupha nga ahi hi, bangzieh ahei cile vantung gam amau-a’ ahi hi.#1Pet 3:14
11Keima ziehin mite in hing hosie-in ang bawlsiet vua, a man lopi-a#5:11 Tanglai laibu dangte ah “a man lopi-a” ci om lo hi. sietna namcin tawh ang mawsah uh ciengin thupha nga na hi uhi.#1Pet 4:14 12Vantungah na thaman uh lien ahi ziehin lungdamin kipah un. Azieh pen no masanga kamsangte zong tua ma bangin na kibawlsie ngai hi.#2Khg 36:16; Sawl 7:52
Ci le Khuovah
(Mrk 9:50; Luk 14:34-35)
13“Note leitung ci na hi uhi; hinanle ci a alna mang leh bangci ki-alsahkia ding ahei? Paimangin keng tawh totcil ding longal a kimanna ding a om nawn sih hi.#Mrk 9:50; Luk 14:34-35
14“Note leitung khuovah na hi uhi. Muol tunga kilam khuo kisel thei lo hi.#Jhn 8:12; 9:5 15Meivah a vah zaw ciengin koima in law khu loin meivah tunna tungah koizaw a, tua in inn sung zosie tanvah hi.#Mrk 4:21; Luk 8:16; 11:33 16Tua ma bangin amate in na silpha bawl uh a mu ciengun vantunga om na Pa uh’ min a phat thei nadingun mite mai-ah na khuovah uh na tangsah un.#1Pet 2:12
Thukham le Kamsangte
17“Thukham ahi sihle kamsangte’ thuhilna a phietmang dinga ang pei-in ei ngaisun sih un; a phietmang dinga ang pei ka hi sih a, a kicingsah dinga ang pei ka hizaw hi. 18Azieh pen a tahtah a kang ci-in, van le lei a mangthai zongin na zosie a tangtun masangsie thukham laimal#5:18 Gk “iota khat” cindawncie zong mangthai lo ding hi.#Luk 16:17 19Tua ahi ziehin tami thukhamte lah panin a neupen khat zong palsatin#5:19 Ahi sihle “phietmang khum bangma-a bawl dinga midangte a hil poma vantung gam sungah a neupen kici ding hi; ahi vangin tami thukhamte zui-in, a zui nading vua thu a hil poma vantung gam sungah milien kici ding hi. 20Bangzieh ahei cile ke’n kang ci-in, note’ dihna in Pharisee-te le thukham hil siete’ dihna a khup zawh sih leh vantung gam sungah na lut thei poma sih ding uhi.
Lungthahna Tawh Kisai Thute
(Luk 12:57-59)
21“Tanglai mite kungah, ‘Tuol na that sih ding uhi; tuol that poma thukhenna thuoh ding hi,’ a kici thu na zahsa uh ahi hi.#Pei 20:13; Thkna 5:17 22Ahi vangin ke’n kang ci-in, na sanggampa ahi sihle na sanggamnu#5:22 Gk “sanggam khat” !; adang tanglai laibute in “a thu om lopi-in” ci-in belap hi. tunga na lungthah uleh thukhenna na thuoh ding uhi; tuale note in na sanggampa ahi sihle na sanggamnu#5:22 Gk “sanggampa” na hosiet#5:22 Gk “Raca a cite (mi bawlsietna-a kizang a kilang lo kamzah khat) uleh upate’ thukhenna zumah thusitna na thuoh ding uhi; tuale note in, ‘Nang mimaw pa’ na ci uleh hell#5:22 Gk “Gehenna” meili sungah thukhenna na thuoh ding uhi. 23Tua ahi ziehin maitam ah biehna na pieh laitahin nang tungah na sanggampa ahi sihle na sanggamnu#5:23 Gk “na sanggampa” khat a lungkim lo lam na phaw khah leh, 24tua maitam mai-ah na biehna nuasie phot inlen pei-in; na sanggampa ahi sihle na sanggamnu tawh va kilem masa phot ta’n, tua zaw ciengin hing pei-in na biehna piekia in. 25Na langpa tawh thukhenna zumah#5:25 Gk ah “thukhenna zum ah” ci om lo hi. a kikhie dinga lampi-ah na zawton laitahin ama tawh kilem nading bawl pai in, tua ahi sihle na langpa in thukhente tungah hing ap ding a, thukhente in mimante tungah hing pie-in thong sungah ang khum theikha ding hi. 26A tahtah a kang ci-in, lieusum na khieh zo masangsie na suohta ngai sih ding hi.
Angkawmna tawh Kisai Thute
27“ ‘Ang na kawm sih ding hi,’ a kici thu na zahsa uh ahi hi.#Pei 20:14; Thkna 5:18 28Hizongle ke’n kang ci-in, lunggulna tawh numei khat a en mi zosie a lungsimin angkawm zo ahi ta uhi. 29Na zietlam mit in ang mawsah leh kheidawh inlen paimang in; na pumpi buppi hell#5:29 Gk “Gehenna” khuh sunga ang kipai sangin na tahsa behkhat a pelem ding nang adingin hoizaw hi. 30Na zietlam khut in ang mawsah leh sattan inlen paimang in; na pumpi buppi hell #5:30 Gk “Gehenna”khuh sunga a pei sangin na tahsa behkhat a pelem ding hoizaw hi.#Mat 18:8; Mrk 9:43
Zikhulna tawh Kisai Thute
(Mat 19:9; Mrk 10:11-12; Luk 16:18)
31‘A zi a khul poma in khulna lai pie taheh,’#5:31 “Thkn 24:1” zong kici hi.#Thkna 21:1-4; Mat 19:7; Mrk 10:4 32Ahi vangin ke’n kang ci-in, khielna khat zieh simlo a zi khul poma in ama nu pen angkawmsah a suoh hi; a kikhulsa numei a kinunpi poma zong angkawm a suoh hi.#Mat 19:9; Mrk 10:11-12; Luk 16:18; 1Cor 7:10-11
Kiciemna Tawh Kisai Thute
33“Tanglai mite kungah, ‘Zuouthu tawh kiciem loin Topa tawh na kiciemna uh na tangtunzaw ding uhi,’ a kici thu na zahsa uh ahi hi.#Siem 19:12; Gam 30:2; Thkna 23:21 34Hizongle ke’n kang ci-in, vantung tawh na kiciem vawt sih un, azieh pen tua khu Pasien’ topha ahi bo a,#Jas 5:12; Isa 66:1; Mat 23:22 35leitung tawh zong kiciem vawt sih un, azieh pen tua khu a keng ngahna ahi bo hi. Jerusalem tawh na kiciem sih un, a zieh pen tua khu Kumpi Lien pa’ khuopi ahi bo hi.#Isa 66:1; Late 48:2 36Na lutang tawh kiciem sih un, azieh pen na samzam khat beh na kangsah thei sih vua, zong na vomsah thei sih uhi. 37Na thugente a hite, ‘Hi’ ci unlen, ahi lote, ‘Hisih’ ci lel un; tua bansie poma gilopa#5:37 Ahi sihle “ “sietna” kung pana ang pei ahi hi.
Thuhkiana Tawh Kisai Thute
38“’Mittang’ tangin mittang, ha’ tangin ha,’ a kici thu na zahsa uh ahi hi.#Pei 21:24; Siem 24:20; Thkna 19:21 39Ahi vangin ke’n kang ci-in, sietna bawlpa ledo sih un. Mi khatpo in na pang zietlam ang beh leh a lang khat zong na dawlai zaw in; 40mi khatpo in na puon tungsil la nuomin thu ang bawl leh na puontuol zong na pie lai in. 41Mi khatpo in zawthaw thu tawh tai khat ang peisah leh tai ni dong na pei in. 42Na kunga ang ngente zosie na pie inlen, na kunga ang leitawi nuom poma na khia sin.
Galte Itna
(Luk 6:27-28, 32-36)
43“’Na vengpa na it ding a, na galte na muda ding hi,’ a kici thu na zahsa uh ahi hi.#Siem 19:18 44Ahi vangin ke’n kang ci-in, na galte it unlen ang bawlsiete adingin thunget pieh un. 45Tuaci’n note pen vantunga om na Pa uh’ tate na hi ding uhi; bangzieh ahei cile ama in migilote tung le mihoite tungah ni tangsah a, midihte tung le midih lote tungah guo zusah hi. 46Azieh pen no ang itte beh na it uleh bang thaman nga ding na hi uh ahei? Siehdongte nangawn in zong tua bangma-a a bawl uh hi lo amah? 47Na sanggamte beh na muoh vua ahile midangte sanga na tam sep tuonna uh bang hi ta ding ahei? Gentile-te nangawn in zong tua bang ma-in bawl uh hi lo amah? 48Tua ahi ziehin vantunga om na pa uh a cingtah ahi ma bangin no zong na cingtah un.#Siem 19:2; Thkna 18:13
Currently Selected:
MATTHEW 5: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.