MATTHEW 4
4
Jesu Kize-etna
(Mrk 1:12-13; Luk 4:1-13)
1Tua ciengin dawimangpa’ ze-etna thuoh dingin Hlagau in gamlahah Jesu a peipi hi.#Heb 2:18; 4:15 2Sun sawmli le zan sawmli an a tan zaw ciengin a gilkiel mama hi. 3Ama kungah a ze-et ding pa pei-in, “Pasien’ Tapa na hi leh tami suongte thupie inlen khomun suohsah in,” a ci hi. 4Ahi vangin ama in dawng a,
‘Mihingte an beh tawh hing ahi sih a,
Pasien’ kam pana a pusuoh thu zosie tawh
a hing ahi zaw hi,’ ci-in kigiel hi, a ci hi.#Thkna 8:3
5Tua ciengin dawimangpa in muol siengtho tungah ama peipi-in biehinnpi khumvum ah koi a, 6ama kungah, “Pasien’ Tapa na hi leh nang le nang kumsuh in; azieh pen
‘Ama in nang adingin a vantung mite thupie ding a,
‘Na keng in suong a siakhah lo nadingin
a khut utawh ang dom ding uhi,’
ci-in kigiel hi,” a ci hi.#Late 91:11-12
7Jesu in ama kungah, “Na Topa Pasien na ze-et sin,’ ci-in kigiel hi,” a ci hi.#Thkna 6:16
8Dawimangpa in muolsang mama khat tungah ama peipi leuleu a, leitung kumpi gam teng le a thupina zosie lah hi. 9Tuale ama in, “Khupbawhin kei nei bieh leh tam teng zosie nangma kang pie ding hi,” a ci hi. 10Jesu in ama kungah, “Satan aw, kihemkhie in! Azieh pen
Topa na Pasien bie inlen,
ama’ na beh sem in,’ ci-in kigiel hi,” a ci hi.#Thkna 6:13
11Tua ciengin dawimangpa in ama a peisan a, tuale thakhatin vantung mite pei-in ama an a vah uhi.
Jesu Galilee ah Nasep Kipan
(Mrk 1:14-15; Luk 4:14-15)
12Tu-in John a kimat zo lam Jesu in a zah ciengin Galilee gamah a kilekia hi.#Mat 14:3; Mrk 6:17; Luk 3:19-20 13Ama in Nazareth nuasie-in tuipi gei-a om Capernaum khuo ah a teng hi.#Jhn 2:12 14Tua khu kamsang Isaiah’ thugen a tangtun nading ahi hi:
15“Zebulun le Napthali gam,
tuipi gei-a lampi, Jordan gungal, Gentile-te opna Galilee gam sung,
16khuomiel sunga om mite in
khuovah lienpi a mu zo vua,
sina hlim sunga om mite tungah
khuovah ang tang ta hi,” a ci hi.#Isa 9:1-2
17Khum huna kipan Jesu thuhil kipan a, “Vantung gam ang tung kuon ta hi,”#4:17 Ahi sihle “ang nai ta hi” a ci hi.#Mat 3:2
Jesu in Nuazui Masate a Hlatna
(Mrk 1:16-20; Luk 5:1-11)
18Galilee Tuipi gei-ah Jesu a pei laitahin ama in unau pasal ni, Peter a kici Simon le a sanggampa Andrew-te tuipi-ah lenpai-a om a mu hi, azieh pen amate ngabeng ahi uhi. 19Tuale amate kungah, “Keima ei zui un, mi mante kang suohsah ding hi,” a ci hi. 20Amate in thakhatin a lente uh nuasie-in ama a zui pai uhi. 21Khum mun pan a pei zaw ciengin unau adang pasal ni, Zebedee’ tapa James le John-te unau, a pa uh Zebedee tawh gunkuong tungah len phaw-a om mu a, ama gel zong a hlan hi. 22Ama gel in zong thakhatin gunkuong le a pa uh nuasie-in ama a zui pai uhi.
Jesu in Mihonpi tungah Na Sem
(Luk 6:17-19)
23Galilee gam sung tengah Jesu vah kawikawi a, amau’ kikhopna inn ah thuhilin Pasien’ manggam lungdamna thu tangko a, mipi lahah cina luna zosie a damsah hi.#Mat 9:3; Mrk 1:39 24Tuaci’n Syria gam sung zosie-ah a minthanna kizel a, mi cina zosie, natna le dammawna tuomtuom a thuohte, dawi’ matte, a sibupte, khut le keng zawte, ama kungah a peipi vua, ama in tuate a damsah sieng hi. 25Galilee gam, Decapolis gam le Jerusalem khuopi-a kipan Judea gam, Jordan gungal khat panin mihonpi in ama a zui uhi.
Currently Selected:
MATTHEW 4: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.