Chhóng-sṳ Ki 25

Â-pak-lâ-hón Nang-ngoi Yit-kî Heu-thoi

(Li̍t-thoi-chṳ Song 1:32-33)

1Â-pak-lâ-hón yu thó yit-ke pû-ngiòng, miàng-ham Kî-thú-lâ. 2Kì lâu Â-pak-lâ-hón kiung Sîm-làn, Yok-sân, Mí-tan, Mí-thien, Yî-sṳ̂-pâ lâu Sû-â. 3Yok-sân kiung Sṳ-pâ lâu Tí-tan. Tí-tan ke heu-thoi he Â-sû-li-ngìn, Li-tû-sṳ-ngìn lâu Li-vû-mí-ngìn. 4Mí-thien ke lai-é he Yî-fap, Yî-fut, Ha̍p-nok, Â-pí-thai lâu Yî-le̍t-thai. Yî-song liá-têu chhiòn-phu he Kî-thú-lâ ke heu-thoi.

5Â-pak-lâ-hón chiông só-yû ke chhòi-sán pûn Yî-sat. 6Chúng-he kì kón hàn-sâng ke sṳ̀, ya chiông yit phu-fun pûn-pûn khì-thâ pû-ngiòng só-kiung ke lai-é; ko-heu, kì tá-fat liá-têu lai-é to tûng-fông hi, ham kì-têu yén-yén lì-khôi kì ke lai-é Yî-sat.

Â-pak-lâ-hón ke Sí lâu Mài-chong

7-8Â-pak-lâ-hón hióng chhòng-su, yit-pak chhit-sṳ̍p ńg-se, chhin hó-miang lòi ko-sṳ̂n, chón-to kiâ chú-chûng ke-vi hi. 9Kì lióng-ke lai-é Yî-sat lâu Yî-sṳ̍t-mâ-li chiông kì mài-chong chhai Ma̍k-pí-lâ-lùng. Liá piak-lùng chhai Man-li tûng-phién, pún-lòi he Het-ngìn Só-hot ke lai-é Yî-fut-lùn ke thièn. 10Liá-te thièn he Â-pak-lâ-hón hiong Het-ngìn mâi-lòi ke. Â-pak-lâ-hón lâu kiâ pû-ngiòng Sâ-lâ khiung-yong mài chhai ke-vi. 11Â-pak-lâ-hón sí-heu, Song-ti su-fuk pûn kiâ lai-é Yî-sat. Yî-sat he̍t chhai Pí-ngí-Lâ-hói-Lòi fu-khiun.

Yî-sṳ̍t-mâ-li ke Heu-thoi

(Li̍t-thoi-chṳ Song 1:28-31)

12Sâ-lâ ke sṳ́-ńg Âi-khi̍p-ngìn Ha-kap thùng Â-pak-lâ-hón kiung ke lai-é Yî-sṳ̍t-mâ-li, yû yî-ha ke lai-é. 13Kì-têu ke miàng cheu chhut-se ke sun-si he: Nì-pai-yok, Kî-tha̍t, Â-tet-phe̍t, Mí-pí-sâm, 14Mí-sṳ̂-mâ, Thu-mâ, Mâ-sat, 15Ha̍p-tha̍t, Thì-mâ, Yî-thut, Nâ-fî-sṳ̂, Kî-tí-mâ. 16Kì-têu he sṳ̍p-ngi chûng-chhu̍k chhu̍k-chóng. Kì-têu só-he̍t ke chhûn-chông, yàng-thi chhiòn-phu he cheu kì-têu ke miàng lòi ôn-miàng. 17Yî-sṳ̍t-mâ-li hióng-su yit-pak sâm-sṳ̍p chhit-se, ko-sṳ̂n chón-to kiâ chú-chûng ke-vi hi. 18Kì ke heu-thoi he̍t ke thi-fông, tui Ha̍p-fî-lâ to Âi-khi̍p tûng-phién, thûng-to Â-sut ke Sû-ngí. Kì-têu mò lâu Â-pak-lâ-hón khì-thâ ke heu-thoi he̍t khiung-ha.

Yî-so lâu Ngâ-kok Chhut-se

19Yî-ha he Â-pak-lâ-hón ke lai-é Yî-sat heu-thoi ke ki-sṳ. Â-pak-lâ-hón kiung Yî-sat. 20Yî-sat si-sṳ̍p se ke sṳ̀ lâu Li-pak-kâ kiet-fûn; Li-pak-kâ he Mî-sok-put-tha̍t-mí-â ke Â-làn-ngìn Pí-thú-li ke moi-é, Lâ-pân ke ló-moi. 21Yîn-vi Li-pak-kâ m̀-voi kiung, Yî-sat thoi pû-ngiòng hiong Song-chú khì-tó; Song-chú thâng kì ke khì-tó, Li-pak-kâ chhiu yû sṳ̂n-hong. 22Kì só-fài ke he sûng-sâng-é, chhut-se yî-chhièn chhai kì tú-sṳ́ tú siông-châng. Kì kóng: “Ngài ngióng-voi án vâi-miang â!” Kì chhiu hi khiù-mun Song-chú. 23Song-chú tui kì kóng:

“Lióng-ke koet-kâ chhai ngì tú-sṳ́ tú,

ngì voi kiung-chhut lióng-ke pí-chhṳ́ tui-thi̍t ke mìn-chhu̍k.

Yit-ke mìn-chhu̍k voi pí nang-ngoi yit-ke khiòng,

thai ke voi fu̍k-sṳ se ke.”

24Kì sên-sán ke ngit-khì to-liáu, ton-chṳ̂n kiung sûng-sâng-é. 25Siên kiung chhut-lòi ke, chhiòn-sṳ̂n fùng-fùng, vòn-sṳ̂n sâng-mô, chhiong chok phì-sâm yit-yong, só-yî kì-têu lâu kì ôn-miàng Yî-so#25:25 “Yî-so” chṳ́ heu-lòi Yî-so heu-thoi he̍t ke Sî-ngí thi-khî (pún yi̍t-pún yi̍t-cho Yî-tûng). Sî-ngí yû “tô mô” ke yi-sṳ. Yî-tûng yû “fùng” ke yi-sṳ.. 26Thi-ngi ke khiú-tén Yî-so ke kiok-châng chhut-lòi, só-yî â-pâ lâu kì ôn-miàng Ngâ-kok#25:26 “Ngâ-kok” yû “khiú-tén kiok-châng” ke yi-sṳ, nang-ngoi ya yû “khî-phien” ke yi-sṳ.. Kì-têu chhut-se ke sṳ̀, Yî-sat liuk-sṳ̍p se.

Yî-so Chhut-mai Chóng-chṳ́ ke Khièn-li

27Lióng-ke se-ngìn-è kín-lòi kín-thai, Yî-so chhin-voi tá-lia̍p, chhòng-theu chhai yâ-ngoi; Ngâ-kok tú-hó siông-fán, tông-tiâm, sòng-sòng liù chhai chong-phùng tú. 28Yî-sat kha siak Yî-so, yîn-vi kì tông-oi sṳ̍t Yî-so tá ke yâ-mi; chúng-he Li-pak-kâ kha siak Ngâ-kok.

29Yû yit-ngit, Ngâ-kok chú fùng-theu-thông, tú-hó Yî-so tá-lia̍p chón-lòi, tú-sṳ́ chhin kî. 30Yî-so tui Ngâ-kok kóng: “Ngài ngo-to voi-sí, fùng-theu-thông pûn-têu ngài sṳ̍t!” (Só-yî kì ya ôn-to Yî-tûng#25:30 “Yî-tûng” yû “fùng” ke yi-sṳ..)

31Ngâ-kok en-kóng: “Ngì chiông chóng-chṳ́ ke miàng-fun ngiong-pûn ngài, ngài chhiu pûn ngì sṳ̍t.”

32Yî-so kóng: “Hó â! Ngài voi sí lô! Chóng-chṳ́ ke miàng-fun tui ngài yû má-ke yung nè?”

33Ngâ-kok en-kóng: “Ngì oi siên fat-sṳ pûn ngài thâng, chiông chóng-chṳ́ ke miàng-fun ngiong-pûn ngài.” Yî-so chhiu fat-sṳ, chiông chóng-chṳ́ ke miàng-fun ngiong-pûn Ngâ-kok. 34Án-ngiòng, Ngâ-kok chhiu nâ-têu piáng-è lâu fùng-theu-thông pûn Yî-so, Yî-so sṳ̍t-thet lîm-thet yî-heu chhiu chéu lé. Liá chhiu-he Yî-so khon-khiâng kì chóng-chṳ́ miàng-fun ke kîn-ko.

Currently Selected:

Chhóng-sṳ Ki 25: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 25

Popular Bible Verses from
Chhóng-sṳ Ki 25

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 25

Chhóng-sṳ Ki 25

Popular Bible Verses from Chhóng-sṳ Ki 25

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 25

Popular Bible Verses from
Chhóng-sṳ Ki 25