Phatna-late 85
85
Tumtheih makaipa ading. Korah’ Tapate phuah. Phatna-la khat.
1 TOPA aw, na gam na angvan a;
Jacob nopsakna a ngei na bangsak hi.#Tp 30:3
2 Na mite tatkhialhna na maisak a,#Ms 14:19
amau mawhnate khempeuh na khuhsak hi. #Selah
3 Na thangpaihna khempeuh na pampaih a,
na hehluatna na kiheisan hi.#Pk 32:12
4 Kote Honpa Pasian aw, kote a ngei hong bangsak kik inla#Ph 65:5
ko tunga na lungkimlohnate beisak in.
5 Kote tungah heh den ding na hi hiam?#Ph 50:21
A khangkhangte tungah na hehna zomsuak ding na hi hiam?
6 Na mite in nang sung nuam a sak nadingin#Php 3:1
kote hong puahpha lo ding na hi hiam?
7 TOPA aw, na itna kip kote hong lakin,
na hotkhiatna kote hong pia in.
8 TOPA Pasian thugen ka ngai ding hi;
amah in ama mite, a misiangte tungah lemna hong kham hi -#Sp 26:6
ahi hangin amaute haina lamah kihei kei uh hen.#Pn 26:11
9 A minthanna i gam ah a ten theih nadingin#Pk 29:43
amah a kihtate, a hotkhiatna in a nai takpi hi.
10 Itna le muanhuaina kituakkhawm uh a,#Ph 89:14
thumaanna le lemna a kitawp thuk uh hi.#Ph 72:2-3
11 Lei panin muanhuaina phulkhia a,
thumaanna in van pan ensuk hi.#Isa 45:8
12 TOPA in a hoih pia taktak dinga,#Ph 84:11
i gam in anlak dinga gahsak ding hi.#Sp 26:4
13 Ama mai-ah thumaanna pai-a
a kalsuan nading lampi a sial kholhsak hi.
Currently Selected:
Phatna-late 85: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission