Phatna-late 84
84
Tumtheih makaipa ading. Gittith a# 0 Thulu: Tumtheih lamsang hi kha ding bangin. Korah Tapate phuah. Phatna-la khat.
1 Thahatpen TOPA aw,#Tp 33:27
na tennamun ithuai si e!
2 TOPA huangte utlua-in
ka hinna zawm zawzen a,
ka lungsim le ka ci-le-sa in
a nungta Pasian a sam hi.#Jos 3:10
3 Thahatpen TOPA,
ka Kumpi le ka Pasian aw,#Jer 44:11
na biakna-tau gei ah
kawlgit nangawn in omna nei-a,#Ph 43:4
phialphiah in a bud ing leh a no koih nading mun a nei hi.
4 Na inn sunga tengte thupha ngah hi-a;
amau in nang hong phat den uh hi. #Selah
5 A hatna uh nangma tung pan ngaha,#Ph 81:1
na tenna mun lunggulh cinten a khualzinte thupha ngah ahi hi.#Jer 31:6
6 Amaute in Baca Kuam nawka a pai lai-un
ciktui phulna mun suaksak uh hi;#Job 38:26
sikhiau guahte in zong bual b# 6 Ahikeh thuphate a dimsak hi.#Joel 2:23
7 Amaute a milipun Zion a Pasian mai-ah a kilak matengun,#1Ku 8:1
a tha uh a hat semsem hi.#Job 17:9
8 TOPA Thahatpen Pasian aw, kong thungetna hong za in;#Ph 4:1
Jacob Pasian aw, hong ngai in. #Selah
9 Pasian aw, ka lum c# 9 Ahikeh thuneipipen uh hong etsak inla;#Ph 59:11
angvanna tawh na sathau nilhpa en in.#Ph 16:6
10 Mundang a ni tulkhat om sangin
na huang sungte a ni khat om hoihzaw hi;
migilote puanbukte sunga ka ten sangin
ka Pasian inn a kongkhak cingpa ka hi nuamzaw hi.#1Kh 23:5
11 Ahang in, TOPA Pasian in, tungsun ni le lum ahi hi;#Pc 15:1
TOPA in angvanna le pahtawina pia a;
a kal suanna kawkbaang lote ading#Ph 34:10
na hoih khat beek a sit kei hi.
12 A Thahatpen TOPA aw,
nang hong muang mi thupha ngah ahi hi.#Ph 2:12
Currently Selected:
Phatna-late 84: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission